Foto: aif.ru
Vedomstvonyń málimetinshe, negizgi buzýshylyqtar qatarynda negizsiz syıaqylar tóleý, ınfraqurylym obektilerin salý kezinde qarajatty maqsatsyz paıdalaný, sportshylarmen jasalǵan kúmándi kelisimder jáne sportshylardy tamaqtandyrýǵa bólingen qarjyny jymqyrý faktileri bar.
«Atap aıtqanda, Federasııanyń burynǵy basshylyǵy jekelegen qyzmetkerler men sportshylarǵa 300 mln teńgeden astam somada negizsiz syıaqy tólegen. Federasııanyń ákimshilik ǵımaraty men Talǵar qalasyndaǵy jattyǵý bazasyn salý barysynda is júzinde oryndalmaǵan jumystarǵa 350 mln teńgeden asa tólemder jasalǵan. 2021 jyly bastalǵan Almaty oblysyndaǵy baza qurylysy toqtap tur, al merdigerdiń shottary buǵattalǵan», delingen habarlamada.
Sonymen qatar 135 mln teńge strategııalyq qujattar men standarttardy ázirleýge bólingen qarajattyń oryndy jumsalýy kúmán týdyrǵan. Bul qujattarda naqty iske asyrý tetikteri, onyń ishinde jeke ınvestısııalardy tartý joldary kórsetilmegen, al klýbtardy basqarý standarty is júzinde engizilmegen.
«Ordabasy», «Aqtóbe» jáne «Jetisý» fýtbol klýbtaryndaǵy tekserýler de kelisimshart somalaryn asyryp kórsetý, oıynshylardy tómen baǵamen satý, joǵary baǵamen satyp alý jáne qarajat jymqyrý sııaqty birqatar eleýli buzýshylyqtar anyqtalǵan.
Aıta keteıik, sotqa deıingi tergep-tekserý jumystary bastalyp, Fýtbol federasııasynyń burynǵy basshylaryna qatysty qylmystyq is tergep-tekserý júrgizý úshin Qarjylyq monıtorıng agenttigine berilgen.
