Buǵan deıin óńirlik sanavıasııa qyzmetiniń menshiginde «AN-2» ushaǵy men eki avtokólik bolǵan. Jańa tikushaq shalǵaı aýdandarǵa shuǵyl medısınalyq kómek jetkizý múmkindigin edáýir keńeıtip otyr. Dáriger mamandardyń aıtýynsha, sanıtarlyq tikushaq alys eldi mekenderge jedel kómekke kelip, aýyr naýqastardy oblys ortalyǵyndaǵy emdeý mekemelerine jetkizetin bolady.
Oblystyń sanıtarlyq avıasııa qyzmetinde kún saıyn dáriger, feldsherden turatyn arnaıy brıgada kezekshilik etedi. Qajet bola qalǵan jaǵdaıda, shalǵaı aýyldarǵa belgili bir salaǵa mamandanǵan joǵary bilikti dárigerler men balalar dárigerleri de ushyp bara alady.
Oblystyq densaýlyq saqtaý basqarmasynyń málimetinshe, ótken jyly jedel járdem qyzmeti shalǵaı aýdandarǵa 74 ret sanıtarlyq avıasııamen, 353 ret arnaıy medısınalyq avtokólikpen jetken. Al jyl basynan beri sanıtarlyq avıasııa brıgadalary alystaǵy aýyr naýqasqa 92 ret avtokólikpen jetse, 8 ret «An-2»-men ushqan.
