Baıqaýda О́zbekstan, Ázerbaıjan t.b. elderden kelgen 400-den astam úmitkerler túrli janrlar boıynsha saıysty. Atalǵan ortalyqtyń ónerpaz zeınetkerleri halyq áni «Beý-aıdaıdy» oryndaýymen ári kórkem kıimderimen kórermenderdi tánti etken.
Ansamblge QR-nyń eńbek sińirgen mádenıet qaıratkeri Janarbek Iskendyrov jetekshilik etedi, al kórkemdik jumysymen jáne repertýaryn qalyptastyrýmen Shárbat Qurmanova aınalysady.
2019 jyly jeltoqsanda qalalyq ardagerler ujymynda (Saryarqa aýdany) jumysyn bastaǵan atalǵan ansambldiń repertýarynda osy kúni 80-ge jýyq án bar.
О́ner ujymynyń negizin qalaýǵa termeshi, sazger, kúıshi, ánshi Kúlzaǵıla Barlykova muryndyq bolǵan, al, alǵashqy konsertin 2019 jyly «Sharapat» qarttar úıinde ótkizgen eken.
«Ansambl jýyrda óziniń 5 jyldyq eseptik konsertin ótkizgen. Munda 62-72 jas aralyǵynda án aıtýmen áýestenetin ájeler jınalǵan, osy keıýanalarymyzdyń halyqaralyq baıqaýdan júldemen oralýy biz úshin úlken jetistik», dedi Esil aýdany boıynsha áleýmettik qyzmet kórsetý bóliminiń basshysy Janar Esenamanova.
Osy baıqaýda birinshi oryndy jeńip alǵan «Saǵynysh sazy» ardagerler ansambli Gresııanyń Salonıkı qalasynda ótetin GREECE GRAND FESTIVAL-ge joldama aldy.
