Fotolar: Qorǵanys mınıstrliginiń baspasóz qyzmeti
Kógaldandyrý aksııasy – Jeńistiń 80 jyldyǵyna arnaldy. Otyrǵyzylǵan kóshetterdiń bir bóligi Armııa úıi, Dańq memorıaly jáne 28-shi gvardııashy-panfılovshylar saıabaǵyn qamtıtyn memorıaldyq keshenniń bir bóligi bolmaq.
Mınıstrlik málimetinshe aksııaǵa Parlament depýtattary, Bas áskerı prokýror, ádilet general-maıory Dastan Sekenov, Desanttyq-shabýyldaý áskerleriniń qolbasshysy general-maıor Almaz Jumakeev, Almaty qalasy áskerı-tarıhı murajaıynyń basshysy Alýa Baıqadamova, jergilikti áskerı basqarý organdarynyń, qalalyq ákimdiktiń, ardagerler uıymdarynyń ókilderi jáne «Jas Ulan» respýblıkalyq áskerı mektebiniń tárbıelenýshileri qatysty.
Qorǵanys mınıstri 1941-1945 jyldardaǵy ekinshi dúnıejúzilik soǵysta qaza tapqandardy eske alýǵa arnalǵan ekologııalyq aksııa otandastarymyzdyń Jeńiske qosqan úlesine degen qurmet dep atap ótti.
«Megapolıste 80 túp aǵash otyrǵyzylmaq. Jalpy Qarýly kúshterdiń áskerı bólimderi bar ár garnızonda osynsha kóshet otyrǵyzylady. Osylaısha biz maıdanger batyrlarǵa qurmet kórsetemiz», dedi general-polkovnık Rýslan Jaqsylyqov.
