Foto: Úkimettiń baspasóz qyzmeti
Keńeste О́nerkásip jáne qurylys mınıstrliginiń geologııalyq-geofızıkalyq zerdeleý alańyn keńeıtý, salaǵa ınvestısııalar tartý, jańa perspektıvaly jobalardy iske asyrý jónindegi tásilderi qaraldy. Sondaı-aq «Samuryq-Qazyna» UÁQ AQ jáne «Taý-Ken Samuryq» AQ basshylyǵy da qatysty.
2026 jylǵa qaraı geologııalyq-geofızıkalyq zertteý alańyn 2,2 mln km2-ge deıin ulǵaıtý boıynsha júrgizilip jatqan jumystarǵa nazar aýdaryldy. О́nerkásip jáne qurylys mınıstri Ersaıyn Naǵaspaev búginde jer qoınaýyn memlekettik geologııalyq zertteý 1:200 000 masshtabta júrgizilip jatqanyn baıandady. Perspektıvaly jobalarda 1:25 000 masshtabty engizý josparlanýda, bul áleýetti ken oryndaryn anyqtaýǵa, sondaı-aq salanyń ınvestısııalyq tartymdylyǵyn arttyrýǵa jáne egjeı-tegjeıli kartaǵa túsirýge múmkindik beredi.
«Úkimet otyrysynda jer asty ulttyq baılyqty zertteýge, memlekettik kompanııalardy tartýǵa qatysty buryn qoıylǵan mindetter sheńberinde vedomstvo «Taý-Ken Samuryq» ulttyq taý-ken kompanııasymen ózara is-qımyldy kúsheıtti. Birinshi kezeńde mınıstrlik perspektıvaly ýchaskelerdi anyqtaı otyryp, geologııalyq barlaý júrgizedi. Budan ári ulttyq kompanııa ınvestısııa aldyndaǵy daıyndyqty (aldyn ala barlaý, tehnologııalardy irikteý, TEN ázirleý) bastaıdy, sodan keıin derbes nemese seriktestermen birlesip ıgerýge kirisedi. Osy proseske kirmegen ýchaskeler aýksıondarǵa beriledi. Atalǵan tetik boıynsha elimizde Qaratas (mys), Josabaı (altyn), Soltústik Qatpar, Joǵarǵy Qaıraqty (volfram) ken oryndarynda pılottyq jobalar iske asyrylýda. Kelesi joba ótken jyly Qaraǵandy oblysynda ashylǵan jáne jartylaı ótkizgishter men qýatty magnıtter óndirisinde paıdalanylatyn jerde sırek kezdesetin metaldardyń qomaqty qorlary bar Kúırektikól ken ornyn qarastyrady. Jobany iske asyrý ekonomıkanyń aralas joǵary tehnologııalyq salalaryn damytýǵa da yqpal etedi. 2024 jyly Qazaqstanda barlyǵy 38 perspektıvaly QPQ (qatty paıdaly qazbalar) alańy anyqtaldy», delingen habarlamada.
Budan bólek, geologııalyq barlaýǵa ınvestısııalar tartý máseleleri qaraldy. Sońǵy 6 jylda QPQ barlaýǵa jeke ınvestorlar salymdarynyń kólemi úsh esege ósip, 2024 jyly 100 mlrd teńgeni quraǵan. Sonymen qatar geologııalyq barlaýǵa memlekettik ınvestısııalar jetkiliksiz deńgeıde ekeni aıtyldy.
Premer-mınıstr ınvestısııalardy tartý, tıisti ınfraqurylymdy damytý jáne jer qoınaýyn zertteýde jańa ǵylymı tásilderdi engizý jónindegi aldaǵy jumystarǵa basa nazar aýdardy. Tıisti Mınıstrlikke jáne «Samuryq-Qazyna» UÁQ-ǵa eldiń mıneraldy-shıkizat bazasyn keshendi damytýǵa baǵyttalǵan sıkl qurý jónindegi birlesken sharalardy kúsheıtý tapsyryldy. Qarjy mınıstrligine geologııalyq barlaýdy memlekettik qarjylandyrýdy ulǵaıtý úshin qarajat izdeý jóninde tapsyrma berildi
