Foto: Úkimet
Saýda salasynda Iskerlik keńestiń jumysyna nazar aýdaryldy, ol taý-ken, munaı-gaz jáne basqa da salalarda áriptestikti tereńdetýdiń jáne tájirıbe almasýdyń qosymsha tetigi bolýy tıis. Qazaqstanda qolaıly bıznes-klımat ornatý úshin barlyq sharalar qabyldanyp jatyr.
Kólik-logıstıka salasyndaǵy, onyń ishinde Transkaspıı halyqaralyq kólik baǵytyn damytý aıasyndaǵy yntymaqtastyq ta talqylandy. «Orta dáliz» boıyndaǵy birlesken logıstıkalyq jáne ınfraqurylymdyq jobalardyń keleshegi qarastyryldy. Energetıka salasynda ınfraqurylymǵa birlesken ınvestısııalar tartý, jańartylatyn energııa kózderin damytý jáne energııa tıimdiligin arttyrý múmkindikteri qaralyp, sý resýrstaryn basqarýǵa da nazar aýdaryldy.
Sonymen qatar jańa býynnyń sıfrlyq qyzmetterin damytý jáne JI elementterin engizý boıynsha birlesken tehnologııalyq jobalardy júzege asyrý perspektıvalary talqylandy.
Kezdesý sońynda eki el prezıdentteri qol jetkizgen naqty ýaǵdalastyqtary men birlesken málimdemelerin júzege asyrý máseleleri yntymaqtastyq jónindegi Úkimetaralyq komıssııanyń erekshe baqylaýynda bolatyny atap ótildi.
