Foto: egemen.kz/Erlan Omar
Sondaı-aq, jańa orman tálimbaqtary qurylyp, erekshe qorǵalatyn tabıǵı aýmaqtar keńeıtilip, qaldyqtardy kádege jaratý jobalary júzege asyrylýda, al sırek kezdesetin janýarlar – jolbarystar, qulandar jáne Prjevalskıı jylqylary tabıǵatqa qaıtarylǵan.
Ormandardy qorǵaýdy kúsheıtý jáne materıaldyq-tehnıkalyq jańartý úshin ortalyq bıýdjetten órtke qarsy jáne orman órt sóndirý tehnıkasyn satyp alýǵa 5,4 mlrd teńge baǵyttalǵan. Al jergilikti qurylymdardan 6,7 mlrd teńge bólingen. Orman órtterin tıimdi sóndirý úshin traktorlar, arnaıy tehnıka men jabdyqtar satyp alynýda.
Orman órtterin erte anyqtaý júıesi «Qazaqtelekommen» birlesip júzege asyrylyp, «Jasyl aımaq» pen «Semeı ormany» sııaqty 24 orman sharýashylyǵy aýmaqtaryn zertteý jumystary bastalǵan.
«6 óńirde jańa orman tálimbaqtaryn qurý jumystary júrgizilip jatyr. Jalpy bıýdjet 21,2 mlrd teńgeni quraıdy, árbir tálimbaqqa 3,5 mlrd teńgeden qaralǵan. Onyń qýaty – 6 mln kóshet. Qurylys 2025 jyly bastalady. Bıoalýantúrlilikti saqtaý tujyrymdamasyn ázirleý bastaldy. Jańa erekshe qorǵalatyn tabıǵı aýmaqtar (EQTA) – «Merke» óńirlik parki (86 myń ga), «Aral» (471 myń ga) jáne «Jaıyq ormany» (46,9 myń ga) rezervattary qurylýda. Úsh aýmaqty – Ústirt, Qarataý, Ile-Balqash, 648 myń gektarǵa keńeıtý josparlanýda. 6 EQTA-da baqylaý ótkizý pýnkterin avtomattandyrý jáne elektrondyq tólem júıesin engizý úrdisi bastaldy», delingen Ekologııa jáne tabıǵı resýrstar mınıstrliginiń habarlamasynda.
2024 jyldan bastap «Taza Qazaqstan» aksııasyna 6 mln adam, onyń ishinde 230 myń erikti qatysqan. 1,1 mln tonna qoqys jınalyp, 1,6 mln aǵash otyrǵyzyldy. Ekomádenıetti damytýdyń 2029 jylǵa deıingi Tujyrymdamasy bekitip, óńirlik josparlar maquldanǵan. Mınıstrlik ekologııalyq bastamalar qoǵam tarapynan belsendi qoldaýǵa ıe bolyp jatqanyn erekshe atap ótken.
«2 mlrd túp aǵash otyrǵyzylýda. 2021 jyldan bastap 1,145 mlrd aǵash egildi. Sondaı-aq Aral teńiziniń qurǵaǵan tabanyn kógaldandyrý jumystary júrgizilýde – 1,1 mln gektarǵa sekseýil otyrǵyzý josparlanǵan.
Qatty turmystyq qaldyqtarǵa qatysty máselelerdi sheshý maqsatynda 238 mlrd teńgege 94 jobadan turatyn pýl qalyptastyryldy. Zamanaýı polıgondar salý, qaıta óńdeýdi damytý jáne qaldyqtardy bólek jınaýdy engizý negizgi baǵyttar sanalady», delingen mınıstrlik habarlamasynda.
