Foto: Joǵarǵy Sot
Qalalyq Polısııa departamentiniń málimetinshe, er adam 2024 jyldyń jeltoqsan aıynda mas kúıinde jedel qyzmetke qońyraý shalyp, qaladaǵy saýda ortalyqtarynyń birinde jarylys bolatynyn habarlaǵan.
Quqyq qorǵaý organdary shuǵyl túrde nysandy tekserip, adamdardy evakýasııalaǵan. Alaıda, habarlamanyń jalǵan ekeni anyqtalǵan. Bul oqıǵa arnaıy qyzmetterdiń jumysyna kedergi keltirip, materıaldyq shyǵynǵa sebep bolǵan.
Sot er adamdy jalǵan aqparat taratqany úshin kináli dep tanyp, bir jylǵa bas bostandyǵynan aıyrdy.
Almaty qalalyq PD ekstremızmge qarsy kúres Basqarmasynyń bastyǵy Ashat Dáýletııarov azamattardy jaýapkershilikke shaqyryp, mundaı áreketterdiń jazasyz qalmaıtynyn eskertti.
«Terrorlyq aktiler týraly jalǵan habarlamalar tótenshe jaǵdaılar qyzmetin naqty jumystan alshaqtatyp, qoǵamda úreı týǵyzady. Mundaı zań buzýshylyqtar qylmystyq jaýapkershilikke ákeledi», dedi ol.
