Frtolar: Aqorda
Kezdesýde ekonomıkanyń túrli sektoryndaǵy, sıfrlandyrý jáne ınnovasııa salalaryndaǵy Qazaqstan men EO yntymaqtastyǵyn damytý perspektıvasy talqylandy.
Taraptar Qazaqstan men Eýropalyq komıssııa arasynda vıza berý tártibin jeńildetý jónindegi kelisimge kelý úderisi bastalǵanyn oń baǵalady.
Qasym-Jomart Toqaev keńeıtilgen seriktestik jáne yntymaqtastyq jónindegi kelisim Qazaqstan men Eýropa Odaǵynyń yqpaldastyǵyna negiz bolyp otyrǵanyn jetkizip, qarym-qatynasty odan ári tereńdetetin tórt basym baǵytty atady, olar: energetıka, ınfraqurylym jáne ónerkásip jobalary, kólik-logıstıka jelilerin keńeıtý, sıfrlyq ınnovasııa, ozyq tehnologııalar men jasandy ıntellekt.
Ýrsýla fon der Lıaıen kólik-logıstıka salasyndaǵy, sonyń ishinde Transkaspıı halyqaralyq kólik dálizi sekildi jobalardy iske asyrýdyń mańyzyna toqtaldy. Ol Qasym-Jomart Toqaevty Qazaqstanda sırek kezdesetin metaldardyń iri ken ornynyń tabylýymen quttyqtady.
Taraptar S5+EO aıasyndaǵy jumysty jalǵastyrýǵa ýaǵdalasty jáne óńirlik jáne halyqaralyq kún tártibindegi ózekti máseleler jóninde pikir almasty.
