Sýret: primeminister.kz
Qostanaı oblysy mashına jasaý salasyn júıeli túrde damytyp keledi. Bıyl óńirde birden bes jańa óndiris iske qosylmaq. Sáýirde shaǵyn toraptyq ádispen jylyna 5 myń birlik «Jetour» avtomobılin óndiretin zaýyt iske qosylady. Nátıjesinde, 200 jumys orny ashylady. Qazan aıynda qýattylyǵy jylyna 70 myń avtomobıl shyǵaratyn jańa «Kia» zaýyty ashylmaq. Bul joba 1500 jańa jumys ornyn ashýǵa múmkindik beredi. Alǵashqy kólik bıyl shildede shyǵarylady. Avtokólik óndirisindegi lokalızasııalaý úlesin arttyrý maqsatynda bıyl qýaty jylyna 60 myń dana qosalqy bólshek (boıaý, plastıkalyq buıymdar, paıdalanylǵan gaz júıeleri, germetıkter, aýdıojúıeler, t.b.) shyǵaratyn zaýyt iske qosylady. 800 jumys orny ashylady.
О́ndiris ónimdiligin arttyrý, úderisterdi avtomattandyrý jáne avtokólik ónimderiniń túrlerin keńeıtý maqsatynda jetekshi ostiń negizgi berilisteri men arqalyqtaryn shyǵaratyn eki zaýyt iske qosylady. Bul jobalar aıasynda 650 jumys orny ashylady. Budan basqa, ShOB-ty damytý úshin bıyl 150 adamdy jumyspen qamtıtyn tigin jáne jıhaz sehtaryn iske qosý josparlanǵan.
Qostanaı oblysynyń ákimi Qumar Aqsaqalov О́nerkásipti damytý qory arqyly jeńildikti lızıng sheńberinde elimizdiń barlyq óńirine qajet arnaıy maqsattaǵy avtotehnıka, atap aıtqanda qoqys jınaıtyn mashına óndirisin ulǵaıtý máselesin atap ótti. Respýblıkalyq bıýdjetten sońǵy qarjylandyrý 2023 jyly bólingen. Vıse-premer UEM-ge bul máseleni «Báıterek» holdıngimen birlesip pysyqtaýdy tapsyrdy.
Avtokólik ónerkásibiniń damýyna baılanysty Qostanaı óńirinde kólik-logıstıkalyq hab qurý máselesi ózekti bolyp otyr. Jobany qýattylyǵy jylyna 400 myń konteınerge deıingi ındýstrııalyq aımaqta iske asyrý josparlanýda. Memlekettik saraptama qorytyndysy alynǵannan keıin ınjenerlik ınfraqurylymdy júrgizýge qarjylandyrý qajet bolady. Jobany iske asyrý «Soltústik – Shyǵys» baǵyty boıynsha halyqaralyq kólik-logıstıkalyq hab qurýǵa jáne júk tasymaly kólemin 20%-ǵa arttyrýǵa múmkindik beredi.
Soltústik Qazaqstan oblysynyń sút-taýarly fermalaryn jeńildetilgen qarjylandyrý tájirıbesin taratý baǵdarlamasy aıasynda Qostanaı oblysynda 10 sút-taýarly fermadan turatyn joba pýly qalyptastyryldy. Bul jobalardy júzege asyrý úshin qosymsha 31,7 mlrd teńge qajet. Bıyldyń ózinde óńirde úsh sút-taýarly fermany iske qosý josparlanyp otyr, bul sút óndirisin 30%-ǵa arttyrýǵa múmkindik beredi. Oblys ákimi jobalardy AShM baǵdarlamasy arqyly jeńildetilgen qarjylandyrýmen nesıeleý úshin qarajat bólý jóninde ótinish bildirdi. Vıse-premer sút-taýarly fermalar qurylysyna qoldaý óńirde sútti qaıta óńdeý óndirisi qatar uıymdastyrylǵan jaǵdaıda ǵana kórsetiletinin atap ótti.
2024–2028 jyldar aralyǵynda Qostanaı oblysy boıynsha jalpy quny 2,5 trln teńge bolatyn, 10,5 myń jumys ornyn qurýdy kózdeıtin 45 ınvestısııalyq jobadan turatyn pýl qalyptastyryldy.
Aqmola oblysy bıylǵy jyldyń eki aıynyń qorytyndysy boıynsha ekonomıka ósiminiń qarqyny 12,1% bolǵanyn kórsetip otyr.
Oblys ákiminiń orynbasary Ernar Járkeshov bıyl respýblıkalyq mańyzy bar «Aqmola» ındýstrııalyq aımaǵynda óńir ekonomıkasyn ártaraptandyrýǵa jáne qosylǵan quny joǵary óndiristerdi damytýǵa baǵyttalǵan iri ınvestısııalyq jobalar boıynsha qurylys-montaj jumystary bastalatynyn habarlady. Solardyń ishindegi negizgi joba — «Dalian Hesheng Holdings» kompanııasynyń bıdaıdy tereń óńdeıtin óndiristik kesheniniń qurylysy. Jobanyń birinshi kezeńine shamamen 650 mln dollar kóleminde ınvestısııa tartý kózdelgen. Alǵashqy kezeńde jylyna 1 mln tonnaǵa deıin bıdaı óńdelmek, ári qaraı bul kólemdi ulǵaıtý múmkindigi bar. Sondaı-aq shamamen 1 myń jumys orny ashylady. Atalǵan jobany iske asyrý jáne jalpy ındýstrııalyq aımaqty damytý astanalyq aglomerasııanyń damýyna oń áser etip, maıatnıktik kóshi-qondy azaıtyp, óńirde jańa jumys oryndaryn qurýǵa jáne jergilikti halyqtyń ál-aýqatyn arttyrýǵa oń áserin tıgizedi.
«Búginde Úkimet aldynda 2029 jylǵa qaraı IJО́-ni eki ese arttyrý mindeti tur. Bul maqsatqa jetý úshin atalǵan merzimge deıin negizgi kapıtalǵa salynatyn ınvestısııalar kólemin IJО́-niń 23%-yna deıin jetkizý qajet, bul 58,4 trln teńge. Al bıyl negizgi kapıtalǵa quıylatyn ınvestısııalar kólemin IJО́-niń 17%-yna jetkizý mindeti tur. Bul 26,2 trln teńge. Iаǵnı ótken jylmen salystyrǵanda keminde 35,2% ósimdi qamtamasyz etý. Birinshi toqsan qorytyndysy boıynsha biz osy jyly jalpy qosylǵan qun ákeletin jobalardy qarjylandyrý arqyly júzege asyrylatyn basym mindetter tizbesin qalyptastyramyz. Sonymen qatar aýyl sharýashylyǵy salasyndaǵy jobalardy qarjylandyrý kezinde óńdeý jobasyn uıymdastyrý boıynsha qarsy mindettemeler qoıylatyn bolady. Bul – Úkimettiń ınvestısııalyq tapsyrysyna jatady», dep qorytyndylady S.Jumanǵarın.
