Telekópir barysynda Qazaqstannyń barlyq óńirleriniń ákimderi Prezıdentke elimizdiń jedeldetilgen ındýstrııalyq-ınnovasııalyq damýynyń bes jyldyq baǵdarlamasynyń aıasynda júzege asyrylǵan jobalardyń iske qosylýy týraly habarlady. Jambyl oblysyndaǵy Myńaral sement zaýyty óndirisiniń iske qosylý rásimi ótti. Balqash JES qurylysy bastaldy. Mańǵystaý oblysyndaǵy Baýtıno aılaǵynda keme jóndeý zaýytynyń tusaýkeseri ótti. “Aqtóberentgen” AQ “Djeneral elektrık” kompanııasymen birlesip shyǵarǵan alǵashqy qazaqstandyq kompıýterlik tomograf kórsetildi.
Telekópir barysynda jalpy quny 381 mıllıard teńgeni quraıtyn 72 ınvestısııalyq jobanyń tusaýkeseri bolyp ótti. 68 nysan – jańa óndiris orny.
О́ńirlermen ınteraktıvtik baılanysty qorytyndylaı kele, Prezıdent qazaqstandyqtar elimizdi jańǵyrtýdyń orasan baǵdarlamasyn júzege asyrýǵa kiriskenin atap ótti. Osynyń nátıjesinde 2020 jylǵa qaraı ekonomıka 150 paıyzǵa artady. О́nerkásiptegi eńbek ónimdiligi 1,8 ese ulǵaıady, al aýyl sharýashylyǵynda eki esege deıin artady.
– Bul bizdiń tek tabıǵı resýrstarǵa senip qalmaı, balamaly ekonomıkany, jańa ındýstrııany quryp otyrǵanymyzdy bildiredi. Qazaqstan eshýaqytta óz tarıhynda aldyna mundaı mindetter qoıyp kórgen joq jáne eshýaqytta ony iske asyra alǵan joq. Sondyqtan men Qazaqstannyń basshylyǵy atynan oblystardyń, qalalar men aýdandardyń barlyq ákimderin, barlyq eńbekshilerdi, ınjenerlik-tehnıkalyq quramdy, qurylysshylardy osy mindettiń júzege asyrylýymen shyn júrekten quttyqtaımyn, – dedi Nursultan Nazarbaev.
Prezıdent Qazaqstannyń barlyq aýmaǵy – qurylys alańy ekenin atap ótti. Álemde daǵdarys saldarynan kásiporyndar toqtap, bankrotqa ushyrap, adamdar jumyssyz qalyp jatqanda, Qazaqstan zamanaýı óndiris oryndaryn iske qosyp, jańa jumys oryndaryn ashyp jatqanyn atap ótti.
– Mine, bizdiń tańdaǵan strategııamyz osyndaı, – dep qadap aıtty Prezıdent.
Memleket basshysy jańa jobalardyń júzege asqanyn qadaǵalap otyratynyn jáne bul jobalardy iske asyrý barysy týraly Úkimet músheleri men óńirlerdiń ákimderin jylyna eki ret tyńdaıtyndyǵyn jetkizdi.
– Men barlyq qazaqstandyqtardy, ásirese jastardy, Qazaqstandy jańa ındýstrııalyq-ınnovasııalyq ekonomıkalyq memleketke aınaldyrý jolyndaǵy orasan mindetti júzege asyrýda kúsh-jigerlerin jumyldyrýǵa shaqyramyn. Bul Qazaqstannyń álemdegi básekege qabiletti 50 eldiń qataryna enýi úshin qajet, – dedi Prezıdent.
Elbasy Nursultan Nazarbaev qatysqan telekópir kezinde “Egemen Qazaqstan” gazetiniń oblystardaǵy menshikti tilshileri iske qosylǵan nysandarda bolyp, tikeleı baılanys sharalaryn óz kózderimen kórgen edi. Soǵan oraı olar telekópirdi gazet betinde jalǵastyryp otyr.
Almaty qalasynan – Qorǵanbek AMANJOL:
Keshe Prezıdent Nursultan Nazarbaevpen bolǵan telekópir barysynda Almatyda “BIRUNIFARM” kompanııasynyń gemodıalız eritindilerin óndirý jónindegi jańa zaýyty ashyldy. Onyń ashylý saltanatyna qala ákimi Ahmetjan Esimov qatysty.
Ákimniń atap ótkenindeı, bul kásiporyn jańa zaýyttar men kompanııalar barǵan saıyn kóptep ashylyp, otandyq naryqta tabysty jumys istep jatqan Almatynyń jedel damýy jónindegi jarqyn mysal. Osy rette gemodıalızdiń qurama eritindilerin óndirý bizdiń elimizde ǵana emes, sonymen birge Orta Azııada alǵash ret qolǵa alynyp otyr. Jobanyń jalpy quny 370 mıllıon teńge shamasynda. Jarty jyl ishinde salynyp bitken kásiporynnyń jumysyn 15 qyzmetker qamtamasyz etýde.
Joba tolyqtaı jergilikti ónimderge súıengen. О́ndiris tehnologııasy sýdy tazalaýdyń kúrdeli qurylymyn ótkerip, ony qajetti ıngredıenttermen baıytady. Daıyn ónim quıylǵan syıymdylyqtar eldiń “jasandy ókpe” apparaty qoıylǵan barlyq emhanalaryna jóneltiletin bolady. Kúrdeli hımııalyq tehnologııa jolymen alynatyn ómirlik mańyzdy preparat otandyq farmrynoktyń qajetin túgeldeı ótemek. Munda jyl saıyn 600 myń komplekti nemese alty mıllıon lıtr eritindi óndiriletin bolady.
Elbasy halaıyqty qazaqstandyqtardyń ómiri men densaýlyǵy úshin asa mańyzdy zaýyttyń ashylýymen quttyqtady. Prezıdenttiń aıtýynsha, bul zaýyt elimizdiń farmasevtıka salasynyń zamanaýı damýynyń alǵashqy qarlyǵashy.
Batys Qazaqstan oblysynan – Temir QUSAIYN:
Novenkıı aýylynyń mańaıy búgin qyzý qımyl men qarbalasqa toly. Adamdardyń jarqyn júzderi men shalt ta erkin qımyldary áldebir jaqsylyq pen qýanyshtyń habarynan belgi bergendeı. Iá, búgin munda gaztýrbınaly elektr stansasynyń alǵashqy blogy iske qosylmaq. Bul respýblıkalyq ındýstrııalandyrý kartasyna engen mańyzdy jobalardyń biri bolatyn.
Mine, osy nysannyń iske qosylý rásimi Elbasy Nursultan Nazarbaevtyń qatysýymen ótken “Qýatty Qazaqstandy birigip quramyz!” atty jalpyhalyqtyq telekópirden kórsetilmek. Aýyl tusyndaǵy qyzý da qarbalas qımyldardyń syry osynda bolyp shyqty.
Stansanyń aýlasynda keń formatty úlken teledıdar qoıylypty. Osy arqyly óz kezegi kelgende Batys Qazaqstan oblysynyń ákimi Baqtyqoja Izmuhambetov Elbasy Nursultan Nazarbaevpen tikeleı telejeli baılanysyna shyqty. Ol Memleket basshysyna óńirde júzege asyrylyp jatqan iri jobalar jóninde aıta kelip, jańa álemdik ozyq tehnologııaǵa sáıkes salynǵan stansany tanystyrdy.
– Búgin qýaty elý tórt megavatty quraıtyn gaztýrbınaly elektr stansasynyń birinshi blogy óz jumysyn bastaıdy. Jobanyń jalpy quny 10,3 mıllıard teńge. Mundaǵy qazaqstandyq úles alpys paıyzdy quraıdy. Sondaı-aq Sizdiń 2005 jyldyń mamyr aıynda bergen tapsyrmańyzǵa sáıkes óńirdegi eń iri áleýmettik joba – “Qarashyǵanaq – Oral” gaz qubyry da iske qosylmaq. Búginde oblysta jalpy somasy 271,5 mıllıard teńgeni quraıtyn 49 iri ınvestısııalyq joba boıynsha jumys júrgizilýde, – dep til qatty oblys basshysy Nursultan Ábishulyna.
Aqjaıyq óńirinde iske asyp jatqan mundaı iri ınvestısııalyq jobalardyń jaı-kúıinen habary bar ekenin jetkizgen Elbasy oblys ákiminiń eńbegine oń baǵa berdi. Ári ındýstrııalandyrý baǵdarlamasyna súbeli úlesterin qosyp júrgen barsha batysqazaqstandyqtarǵa rızashylyǵyn bildirdi.
Iske qosylǵan óndiristik nysanda 45 adam turaqty jumyspen qamtylmaq. Olardyń deni Oral qalasy men Zelenov aýdanynyń turǵyndary. Munda jumysqa qabyldanǵan mamandardyń bári de arnaıy ázirlikten ótken. Bul úrdis olardyń sheteldik qondyrǵylardy tez meńgerip ketýine alǵyshart qalamaq.
Novenkıı aýylynda paıdalanýǵa berilgen stansa qurylysynyń taǵy bir ereksheligi – elektr qýatyn óndirý kezinde paıda bolatyn jylý tekke ysyrap bolmaıdy. Ol oblys ortalyǵynda jańadan boı túzep kele jatqan segizinshi jáne toǵyzynshy shaǵyn aýdandardy jylýmen qamtýǵa jumsalmaq. Iаǵnı munyń ózi qaldyqsyz óndiris jolǵa qoıylady degen sóz. Eń bastysy respýblıka energııa júıesinen oqshaý jatqan Aqjaıyq óńiri budan bylaı Reseıge táýeldi bolmaı, óz qajetterin ózderi ótemek.
Gaztýrbınaly elektr stansasyn saltanatty jaǵdaıda iske qosqan Munaı jáne gaz mınıstri Saýat Myńbaev mundaı mańyzdy nysannyń ashylýy halyqty arzan elektr jáne jylý qýatymen, sapaly qyzmet túrimen jáne turaqty jalaqymen qamtamasyz etýge múmkindik beredi dep málimdedi. Budan soń soǵys jáne eńbek ardageri Fedor Skobıchkın osy ıgilikti istiń basy-qasynda bolǵandardyń bárine batysqazaqstandyqtar atynan alǵys aıtty.
Sondaı-aq keshe Oral óńirinde iske asqan iri áleýmettik jobaǵa sáıkes Syrym jáne Qaratóbe aýdandarynyń ortalyǵyna gaz qubyry jetkizildi. Al búgin oblysta mııa tamyrlaryn óńdeıtin zaýyt pen “Júz mektep, júz aýrýhana” baǵdarlamasy sheńberinde 120 oryndyq aýrýhananyń ashylý rásimi ótkizilmek.
Soltústik Qazaqstan oblysynan – О́mir ESQALI:
Bıyl Soltústik Qazaqstan oblysynda ındýstrııalyq-ınnovasııalyq karta boıynsha 27,4 mıllıard teńgeniń 13 jobasyn iske qosý kózdelgen bolsa, onyń 6-ýy alǵashqy jarty jyldyqtyń enshisinde. Olardyń ishinen “Qýatty Qazaqstandy birge quramyz!” atty Prezıdent N.Nazarbaevpen ótken jalpyhalyqtyq telekópirge “ZIKSTO” aksıonerlik qoǵamynyń jańa ónimi – astyq tasıtyn vagonnyń tájirıbelik úlgisi usynylyp, tanystyryldy. AQ osydan eki jyl buryn elimizde birinshi bolyp júk vagondaryn qurastyrýdy qolǵa alyp, sodan beri 600-ge jýyq ónimdi óz tutynýshylaryna jóneltti. Vagonnyń júk konteınerlerin tasıtyn jartylaı, bıdaı men sement tasýǵa arnalǵan jabyq túrleri ıgerildi. Osylaısha otandyq ónimder shyǵarýda sapalyq kórsetkishke qol jetkizgen AQ “О́ndiristik maqsattaǵy eń úzdik taýarlar” atalymynda jeńimpaz atanyp, birinshi dárejeli dıplommen marapattaldy. Memleket basshysy Qyzyljar óńirinde bolǵan jumys sapary kezinde zaýytqa arnaıy kelip, ıgi bastamany qoldaǵan bolatyn.
Oblys ákimi Serik Bilálov jobalardyń agroónerkásip kesheninde, máshıne jasaý ónerkásibinde, metallýrgııada, qurylys ındýstrııasy men qurylys materıaldary óndirisinde júzege asyp jatqanyn, 1700-den astam adamnyń jumyspen turaqty qamtylatynyn, jyl aıaǵyna deıin 9 ınvestısııalyq jobanyń paıdalanýǵa beriletinin baıandady. Astyq tasıtyn vagonnyń jańa úlgisi ónimniń básekelestikke qabiletin arttyrýmen qatar, sheteldikterdiń suranysyn qanaǵattandyrýǵa degen batyl qadam bolyp tabylady, – dedi óńir basshysy.
“ZIKSTO” aksıonerlik qoǵamynyń bas dırektory Igor Korovın otandyq ónimderdiń úlesin kóbeıtý jónindegi Elbasy tapsyrmalarynyń oryndalýyn aıtyp berdi. “Qazaqstan temir joly” jáne Ulttyq ınnovasııalyq qordyń qoldaýymen iske asqan ushqyr jobanyń quny – 247,5 mıllıon teńge. Jylyna 1000 vagon shyǵarý josparlanǵan. О́nim tehnıkalyq-ekonomıkalyq kórsetkishteri jaǵynan Reseı, Belarýs, Ýkraınamen taıtalasa alady. 2015 jylǵa zaýyt jyl saıyn 1500-ge deıin vagon qurastyrý mindetin qoıyp otyr. Búginde jartylaı júk vagonyn shyǵarýmen 400-deı adam aınalysady. Olardyń tórtten biri qurastyrý sehtarynda eńbek etedi.
Tikeleı telekópirde, Qazaqstannyń Eńbek Eri Gennadıı Zenchenko sóz alyp, Elbasyna máshıne jasaý salasyn órkendetýdegi shynaıy qamqorlyǵyna alǵys bildirdi. Byltyr Qazaqstan rekordty astyq jınaǵanymen, tasymaldaý isinde olqylyqtardyń oryn alǵany ras. Endi mundaı kemshilikterge jol berilmeıtinine senimdimiz. Petropavl qalasynda jumys istep jatqan kásiporyn jarqyn bastamalardyń bastaýyna aınalary sózsiz, dedi áıgili agrarshy.
Prezıdent N.Nazarbaev soltústikqazaqstandyqtarǵa eńbekte tabys, jumysta sáttilik tiledi.
Jambyl oblysynan – Kósemáli SÁTTIBAIULY:
Elimizdegi serpindi ındýstrııalyq-ınnovasııalyq damý baǵdarlamasy sheńberinde Jambyl oblysynda 19 ınvestısııalyq joba júzege asyrylýda. Onyń 9-y bıyl el ıgiligine paıdalanýǵa berilmek.
Moıynqum aýdanyndaǵy Myńaral sement zaýyty sol tegeýrindi toǵyzdyń biri. Ol oblys ortalyǵynan shalǵaı ornalasqanymen, halyqaralyq avtokólik jáne temir joldyń boıynda jatyr. Astana men Qaraǵandy qalasy da qashyq emes. Almaty sııaqty úlken megapolıs tıip tur dese de bolady. Áıgili Balqash kóli zaýyttyń tap irgesinde.
Demek, bul jobanyń bolashaǵy zor. Joba iske asyrylǵan tusta jylyna 500 myń tonnadan asa sement óndiriletin bolady dep kútilýde. Jobanyń quny 8 mıllıard 250 mıllıon teńgeni quraıdy. Zaýyt tolyq qýatynda jumys istegen kezde munda 300-den astam adam jumysqa tartylady. Bıýdjetke túsetin qarjynyń kólemi 75 mıllıon teńgeni quraıdy.
Is basyndaǵy mamandar búginde bul sement zaýytynda qurylys jumystarynyń deni atqaryldy dep otyr. Onyń ishinde qurylysy tolyq aıaqtalǵan úsh qabatty zerthana bar. Sondaı-aq ónimdi keptiretin kameralar men peshter salyndy. Tehnologııalyq jeli qurastyrylyp, temir jol tuıyǵynyń qurylysy qolǵa alynýda. Sonymen birge zaýytqa deıin 2,5 shaqyrym sý qubyry tartylyp, tórt nasos beketi qalpyna keltirildi.
Biz munda telekópir bolardan biraz buryn kelgenbiz. Sondyqtan sement zaýytynyń qurylysyn júrgizip jatqan mamandar men qurylysshylardyń jaǵdaıymen tanysýǵa múmkindik týdy. Qonaq úı, jataqhana, ashana, keńse – bári de oıdaǵydaı jabdyqtalǵan. Ystyq jáne sýyq sý, salqyndatqysh bar. Ásirese, qurylysshylardy tamaqtandyrýdy óz moıyndaryna alǵan kompanııanyń adal isine mundaǵy árbir adam rıza. О́ıtkeni dastarqandarynda tamaqtyń túr-túri bar ári mol jáne dámdi. Ashana jumysyna jergilikti jerdiń qyz-kelinshekteriniń tartylýy da kóńil qýantty.
Telekópir arqyly Elbasymen kezdesý kezinde zaýyt jumysshylary qoldaryna “Qýatty Qazaqstandy birge kórkeıtemiz!”, “2020 – jańa ındýstrııalandyrý!”, “Bıznestiń jol kartasy-2020” – turaqty jumys oryndaryn ashý” jáne “Ekonomıkany ártaraptandyrý – tabys kilti” degen sııaqty urandar men jalaýshalar ustap turdy. Olardyń júzderindegi qýanyshtan eldegi ındýstrııalyq-ınnovasııalyq saıasattyń durys júrgizilýi arqasynda ózderiniń eńbekteri janǵanyn bilýge bolǵandaı.
Elbasy Nursultan Nazarbaevqa oblystaǵy ınvestısııalyq jobalardyń jaı-japsary týraly Jambyl oblysynyń ákimi Qanat Bozymbaev aıtyp berdi.
– Bıyl bizdiń oblysymyzda toǵyz ınvestısııalyq joba iske qosylady. Olardyń jalpy quny – 62 mıllıard teńge. Tórt myń jańa jumys orny ashylady. Jobalar metallýrgııa, jeńil ónerkásip, munaı óńdeý jáne qurylys materıaldaryn shyǵarý salasynda qolǵa alynyp otyr. Onyń ekeýi birinshi jartyjyldyqta iske qosylady. Búgin biz Sizge Myńaral sement zaýytyn kórsetip turmyz. Bul bıylǵy eń iri ınvestısııalyq joba. Siz eki jyl buryn Fransııada bolǵan saparyńyzda “Vıkat” kompanııasyn Qazaqstanǵa shaqyrdyńyz. Olar Qazaqstanǵa kelip, halyqaralyq qarjy korporasııasymen jáne jergilikti ınvestorlarmen birigip osy zaýytty salýda.
Zaýyttyń qýaty – jylyna bir mıllıon eki júz myń tonna sement shyǵarýǵa jetedi. Úsh júz elý jańa jumys orny ashylady. Sement “Batys Eýropa – Batys Qytaı” joly jáne Balqash elektr stansasy qurylystaryna paıdalanylatyn bolady. Búginnen bastap tehnologııalyq keshendi synaqtan ótkizemiz. Al eki aıdan keıin zaýyt ónim shyǵara bastaıtyn bolady, – dedi oblys ákimi.
Qazaqstan Respýblıkasynyń Prezıdenti Nursultan Nazarbaev Balqash elektr stansasy qurylysy týraly oıyn aıtqanda, ony salýǵa qajetti sementti jaqyn jerden, ıaǵnı Jambyl oblysyndaǵy Myńaral sement zaýytynan tasymaldaýǵa bolatynyn eskertip ótti. Buǵan myńaraldyq sement zaýytynyń jumysshylary qýanyp qaldy. О́ıtkeni, sement bizde tek О́skemende óndiriledi. Basqalary ımport – Qytaı, Reseı jáne alys shet elderden tasymaldanady.
О́ndiris iske qosylǵan kezde sementtiń sapasyn qatań baqylaýda ustaý kózdelýde. Muny oblys ákiminiń ózi qadaǵalap otyrmaqshy. О́ıtkeni, sapaly ónimge degen suranys qaı kezde de joǵary bolady.
Almaty oblysynan – Kúmisjan BAIJAN:
Qazirgi kezde jetisýlyqtar ár kúndi eńbektegi eren jetistikterimen atap ótip, naqty isterdiń tııanaǵyn keltirip, jańashyldyq tanytýda.
Energııalyq máseleni túbegeıli sheshýge qatysty serpindi jobalardyń tehnıkalyq-ekonomıkalyq negizdemelerine baılanysty jumystar odan ári óristetilip, keshe Qaratal ózeniniń aǵysyn bógeý arqyly salynǵan tórtinshi shaǵyn sý elektr stansasynyń tusaýy tikeleı telekópir kezinde kesildi. Bıylǵy jartyjyldyqqa oılastyrylǵan alty jobaǵa bólingen 8,4 mlrd. teńge tolyq ıgerilip, bul baǵyttaǵy jumys kestesi saqtalǵany osynyń dáleli.
Taldyqorǵan men Tekeli qalalarynyń ońtústiginen salynǵan nysan janyna jınalǵandar “Qýatty Qazaqstan úshin!”, “Birligimiz jarasqan!”, “Biz árqashan Elbasymen birgemiz!” degen urandarmen mereke mereıin tasytty. Qarataldyń urymtal tusyn bógeý arqyly “ASPMK-519” kompanııalar toby jyl saıyn bir shaǵyn sý elektr stansasyn iske qossa, búgingi nysannyń jumysyn Elbasy telekópir arqyly tamashalady. Oblys ákimi Serik Úmbetov 2016 jylǵa deıin óńirde qýattylyǵy 326 MVt bolatyn 28 shaǵyn sý elektr stansalaryn iske qosý josparlanǵanyn, sonyń taǵy biri búgin el ıgiligine aınalǵanyn jetkizdi.
Budan keıin “ASPMK-519” kompanııasynyń bas dırektory V.Sychev aldaǵy jyldary osyndaı birneshe shaǵyn sý elektr stansalary iske qosylatynyn, ındýstrııalyq-ınnovasııalyq damý baǵdarlamasyna ózindik úlesterin qosatyndyqtaryn jetkizdi. Memleket basshysy Nursultan Nazarbaev óńirde atqarylǵan jumystarǵa óz baǵasyn berdi. Energııa júıesiniń qoldanystaǵy aktıvterin jetildirý men qaıta qurý, jańa qýat kózderin iske qosý, elektr tasymaldaýdyń qosymsha jelileriniń júıesi, balamaly jańa qýat kózderin engizý men damytý tárizdi asa mańyzdy jobalar osylaısha ómirge berik enip keledi.
Eskeldi aýdanynyń aýmaǵynda iske qosylǵan Qaratal №4 sý elektr stansasynyń qurylysy ótken jyly bastalyp, óńirdiń elektr qýatyna degen suranysyn qanaǵattandyrýǵa osylaısha jol ashty. Baǵdarlama qurylysyna 968.8 mln. teńge qarjy jumsalyp, qurylys jumystaryna 60 adam tartylypty. Stansa qurylysyn “ASPMK-519” jaýapkershiligi shekteýli seriktestigi óz esebinen júrgizip, belgilengen merzimde tııanaǵyn keltirgeni de jaqsy istiń biri deýge bolady. Atalǵan nysan 3,5 MVt qýat óndirip, óz jumysyn osylaısha bastap ketti.
Atyraý oblysynan – Joldasbek ShО́PEǴUL:
Buryn ónerkásibimen tanylǵan Atyraý endi medısına salasynda qoldanylatyn bir rettik shprıster shyǵarýmen aty shyqpaq. О́tken jyly Atyraýda osyndaı ónim shyǵaratyn zaýyttyń tehnologııasyn qurastyrý bastalǵan bolatyn. Ony iske asyrǵan “Brando” JShS dırektory Dáýlet Dosalıevtiń túsindirgenindeı, zaýyttyń jyldyq qýaty 250 mıllıon dana shprıs shyǵarýǵa negizdelgen. Suranys kóbeıgen saıyn onyń kólemin eki esege deıin arttyrýǵa bolady eken. Elbasymen tikeleı jelide iske qosylǵan 72 ınvestısııalyq jobanyń qatarynda atalǵan zaýyt ta tolyqqandy jumys jasaı bastady.
– Elimiz táýelsizdik alǵannan bergi kezeńde san túrli ónimder shyǵaryp jatyr. Bir rettik shprıs óndirý jobasy Atyraýda alǵash ret qolǵa alynyp otyr. Bul Atyraýdaǵy ınvestısııalyq jobalardyń biri, – dedi oblys ákimi Bergeı Rysqalıev Elbasyna atalǵan zaýyttyń ónim óndirý úderisi týraly baıandap.
Elbasyna tikeleı jeli arqyly rızashylyǵyn bildirgen jańa zaýyttyń dırektory Dáýlet Dosalıevtiń aıtýynsha, ınvestısııalyq jobanyń quny – 6 mıllıon AQSh dollaryn quraıdy. Bul otandyq ınvestordyń qarjysy. Zaýytqa ónim óndirý úshin qajetti shıkizattar Koreıa, Belgııa, Reseı elderinen ákelinedi. Shıkizat alǵashqy satyda arnaıy apparatpen óńdeledi. Sonan soń shprısterdiń qalyby jasalyp, basqa da bólikteri daıyndalady. Zaýytta jumys jasaıtyn 25 maman medısınalyq shprıs óndirýdiń barlyq úderisin qatań baqylaıdy. Arnaıy jabdyqtar arqyly shyǵyp jatqan shprıster qalyptaryn mamandar mıkroskoppen tekserip, jaramdylyǵyna kóz jetkizip baryp jınaqtaý sehyna jiberedi. Sońynan 3, 5, 10, 20 gramdyq shprısterdiń barlyq bólshegi qurastyrylyp, zalalsyzdandyrý máshınesinde 10 saǵatqa deıin saqtalady. Mamandar shprısti osyndaı zalalsyzdandyrýdan soń ǵana paıdalanýǵa bolatynyn aıtady. О́nim óndirý úderisi tolyq avtomattandyrylǵan.
– Zaýyttyń barlyq qondyrǵylary Koreıadan alyndy. Sonymen birge bul zaýyttaǵy ónim shyǵarýdyń barlyq úderisteri halyqaralyq ISO-9001 jáne ISO-14001 standarttaryna sáıkes atqarylady. Sol sebepten 6 mamandy Koreıaǵa jiberip, arnaıy kýrsta oqyttyq. Olar sondaǵy zaýytta ónim óndirý úderisterin atqarý, basqarý tásilderi tehnologııasyn meńgerip keldi. Endi osyndaǵy mamandardy úıretýde, – dedi dırektor D.Dosalıev.
Zaýytta Koreıa tehnologtary qazaqstandyq mamandarǵa baǵyt-baǵdar berip, óz tájirıbelerimen bólisken. Solardyń biri – Chan Ý Lı qazaqstandyq jastardyń jańa mamandyqty Koreıada jedel meńgerip, endi jańa óndiris ornynda tájirıbe jınaqtaýda biliktilik tanytqanyn aıtady. Munda jumysqa alynǵandardyń barlyǵy jergilikti jastar. Bir saǵatta 60 myń dana, jylyna 250 mıllıon dana ár mólsherdegi shprısterdi shyǵaratyn zaýyttyń ekologııaǵa zııany joǵyna sendiredi mamandar. Tek shprıs shyǵarýǵa qajetti shıkizat – polıpropılen ázirge Qazaqstanda óndirilmeıdi. Osy ónimdi Atyraýdan shyǵaratyn jobalar kesheýildep jatyr. Sol sebepten shıkizat Koreıa, Belgııa jáne Reseı sekildi alys-jaqyn elderden alynady. Soǵan qaramastan 5 gramdyq shprıstiń ózindik quny 5 teńgeden aspaıdy, ózgeleriniń quny mólsherine baılanysty budan sál qymbattaý. Degenmen, bul shprıster básekege qabiletti bolýymen erekshelenedi, dep paıym jasaıdy zaýyt basshylary.
Atyraýda óndirilgen otandyq shprısterdiń alǵashqy legi saraptamadan sátti ótkizilgen. Teginde ózimiz kýá bolyp júrgen Atyraýdaǵy dárihanalarda ózge elderden, sonyń ishinde alystaǵy Germanııadan jetkizilgen 5 gramdyq shprıs 15 teńgeden satylýda ekenin eskersek, tutynýshy úshin dál osyndaı joǵary sapaly otandyq ónimniń baǵasy odan áldeqaıda arzanǵa túsedi.
Qyzylorda oblysynan – Erkin ÁBIL:
Keshe elimiz boıynsha ótken “Kúshti Qazaqstandy birigip quramyz!” atty jalpyhalyqtyq telekópirde Qyzylorda oblysyndaǵy Aqshabulaq kenishinde ilespe gazdy óńdeý kesheniniń ekinshi kezeńi paıdalanýǵa berildi.
Syr óńiriniń jalpyhalyqtyq telekópirge qosylýy “Qazgermunaı” birikken kásipornyna qarasty Aqshabulaq kenishi aýmaǵynan tańdalýy tegin emes edi. Táýelsiz Qazaqstan úshin energetıkalyq saıasattyń salmaǵy anyq sezile bastaǵan 2000-shy jyldary respýblıka Úkimeti Ońtústik Torǵaı oıpatynyń ilespe gazyn ıgerý jáne Qyzylorda qalasyn gazdandyrý týraly qaýly qabyldady. Osy qaýlyǵa sáıkes aıdalada alaý bolyp janyp jatqan “kógildir otyndy” el ıgiligine jaratýǵa alǵash qadam jasaǵan osy “Qazgermunaı” kompanııasy bolatyn. Osylaısha 5 jyl buryn Aqshabulaqta gaz óńdeý qondyrǵysy ornatylyp, jylyna 420 mln. tekshe metr gaz ótkizetin 124 shaqyrymdyq “Aqshabulaq-Qyzylorda” gaz qubyry júrgizildi.
Al jalpy quny 10 mlrd. 275 mln. teńge bolatyn myna ekinshi gaz óńdeý zaýyty óńirde ındýstrııalyq-ınnovasııalyq jobalardy júzege asyrý baǵdarlamasy aıasynda salynǵan irgeli óndiris orny. Qurylysyn “NGSK Kazstroıservıs” AQ júrgizgen jańa zaýyt oblys ortalyǵyna jetkiziler “kógildir otyn” kólemin jylyna 550 mln. tekshe metrge deıin ulǵaıtady. Oǵan qosa 30-ǵa jýyq adamǵa jańa jumys orny ashylady.
Osy óndiris basynda oblys ákimi Bolatbek Qýandyqov Elbasyn eren eńbegimen el damýyna úles qosyp kele jatqan Syr jurtynyń tabysymen tanystyrdy.
– Sizdiń bastamańyzben Aqshabulaq kenishinde ilespe gazdy óńdeý kesheniniń ekinshi kezeńi qysqa ýaqytta iske qosyldy, – dedi oblys basshysy. – Osynyń nátıjesinde turǵyndardyń jylýǵa ketetin shyǵyndary eseleı azaıyp, bıznestiń damýyna qolaıly jaǵdaı jasaldy. Sonymen qatar osy joba bıyl qýattylyǵy 87 mVt gaztýrbınalyq elektr stansııasynyń qurylysyn bastaýǵa múmkindik berip otyr. Biz ol stansııanyń qurylysyn keler jyly elimiz táýelsizdiginiń 20 jyldyǵyna oraı tartý etemiz.
Bıyl aımaqta ındýstrııalyq-ınnovasııalyq baǵdarlama boıynsha jalpy quny 21,6 mlrd. teńge bolatyn 10 joba júzege asyrylyp, jańadan 615 jumys orny ashylady.
Oblys basshysynan keıin “Qazgermunaı BK” bas dırektorynyń birinshi orynbasary Birjan Dúısembekov sóz alyp, Qyzylorda qalasyn gazdandyrý isine bastamashy bolǵan kompanııanyń jańa óndiris orny arqyly oblys ortalyǵyna “kógildir otyn” jetkizý 2 esege ulǵaıǵanyn aıtty.
Osydan keıin oblys ákimi Bolatbek Qýandyqov jańa óndiris ornyn iske qosty. Jylyna 300 mln. tekshe metr gaz óndiretin zaýyttyń ashylý saltanaty qoldaryna jalaýshalar ustaǵan munaıshylardyń qýanyshty únine ulasty.
Zaýyt aýlasyna jınalǵandar Syrdaǵy jańa óndiris orny jaıly Elbasy Nursultan Ábishulynyń pikirin tyńdady.
Memleket basshysy el damýynda ózindik orny bar Syr jerinde ashylyp otyrǵan gaz óńdeý zaýytynyń ekonomıkalyq tıimdiligimen qatar, qorshaǵan ortany qorǵaýdaǵy qyzmetin erekshe aıtty. Sońǵy 5 jyldyń bederinde kenishte janyp jatqan “kógildir otyn” el ıgiligine aınalýda. Memlekettik deńgeıde qabyldanǵan baǵdarlamalardyń jergilikti jerde júıeli túrde júzege asyrylýynyń arqasynda qazir oblys ortalyǵy turǵyndarynyń jylýǵa jumsaıtyn shyǵyndary edáýir azaıǵan. Nursultan Ábishuly endi ilespe gazdy elektr energııasyn óndirýge baǵyttap otyrǵan oblys basshylyǵynyń bastamasyna tabys tilep, Syr boıy jurtshylyǵyna jyly lebizin arnady.
Osydan keıin oblys ákimi Bolatbek Qýandyqov jańa óndiristiń ashylýyna qatysýshylar aldynda “Qazgermunaı” kompanııasy basshylyǵyna óńirdiń ındýstrııalyq-ınnovasııalyq damýyna qosqan úlken úlesi úshin alǵys aıtty. Aımaqtaǵy óndiris oryndarynyń qataryna qosylǵan jańa kásiporyn jaıly kompanııanyń tehnıkalyq dırektory Lıý Chjı men qurylysty júrgizgen bas merdiger “NGSK Kazstroıservıs” AQ bas dırektorynyń birinshi orynbasary Shasmaıl Gasanovtar da qysqasha lebiz bildirdi.
О́ndiris ornynyń ashylýynan keıin aımaq basshysy buqaralyq aqparat quraldary ókilderine arnap suhbat berdi.
– Indýstrııalyq-ınnovasııalyq jobaǵa sáıkes paıdalanýǵa berilip otyrǵan bul óndiris orny oblys ortalyǵyn gazdandyrý isin tolyq aıaqtaýǵa múmkindik beredi, – dedi Bolatbek Baıanuly. – Jalpy oblysta osy jyldyń alǵashqy jartysynda bıylǵa josparlanǵan 10 jobanyń 7-i tusaýyn kesedi. Sonyń alǵashqysynyń qatarynda ashylǵan bıtým zaýyty táýligine 500 tonna ónim óndirip otyr. Osylaısha aımaǵymyzdan ótetin “Batys Eýropa – Batys Qytaı” avtobanyna qajetti bıtýmnyń úshten birin ózimizde shyǵarýǵa qol jetkizdik. Sonymen qatar táýligine 15 tonna nan óndiretin zaýyt el ıgiligine beriledi. Jyldyń ekinshi jartysynda Qazaly aýdanyndaǵy taýarly-sút fermasy ashylyp, oblys boıynsha osy rynoktaǵy ónimder baǵasy edáýir túsedi dep josparlanyp otyr.
Semeı qalasynan – Dáýlet SEISENULY:
Semeıde kabel óndirisimen aınalysatyn jańa kásiporyn qatarǵa qosylǵaly jatyr eken degen habardy estigenimizge kóp ýaqyt ótken joq edi. Sol kásiporyn keshe Elbasymyzdyń qatysýymen ótken “Qýatty Qazaqstandy birge kórkeıtemiz!” atty jalpyulttyq telekópir barysynda saltanatty jaǵdaıda ashyldy. Oblys ákimi Berdibek Saparbaevtyń aıtýynsha, bul Respýblıkalyq ındýstrııalyq kartaǵa engizilgen 22 jobanyń biri eken.
Búgingi kúni Qazaqstan naryǵyndaǵy kabel ónimine qajettilik 105,0 mıllıard teńgeni qurasa, al sonyń jartysyna jýyǵy shet elderden ákelinetin kórinedi. Jańa jobanyń ereksheligi sol, onyń eń aldymen jergilikti shıkizattan jasalatyny jáne halyqaralyq standartqa sáıkestigi. Al kásiporyn qýatyna keletin bolsaq, munda jylyna jalpy quny 22,5 mıllıard teńgeni quraıtyn uzyndyǵy 33,6 myń shaqyrym kabel óndirilmek. Oblys ákimi Elbasyna málimdegenindeı, jańa óndiristiń iske qosylýy syrttan keletin ónimderdiń 75 paıyzyn órtke shydamdy kabeldermen, sonymen birge kerneýlik jáne baqylaý kabelderimen, sondaı-aq sapaly ótkizgishtermen almastyrýǵa múmkindik beredi.
Telekópir barysynda atalǵan kásiporynnyń basshysy Kemelbek Qultaev ta sóz alyp, zaýyttyń bolashaǵy týraly Memleket basshysyna qysqasha túsinikteme berdi. Osylaısha qysqasha suhbattasýdan soń jańa kásiporyn saltanatty jaǵdaıda ashyldy.
Biz budan keıin “Ist ındastrı kompanı LTD” (Shyǵys ındýstrııalandyrý kompanııasy) JShS bas tehnology Altynaı Qýandyqovamen tildeskenbiz. Ol osydan úsh jyl buryn qurylǵan óz seriktestikteriniń Qazaqstan Damý bankinen 625 mıllıon teńge nesıe alyp iske kirisip ketkenderin málimdedi. Onyń aıtýynsha, bulardyń ónimderi elimizdiń qurylys, energetıka, temir jol salalarynda keńinen paıdalanylmaq. Ázirge munda jańadan 35 jumys orny ashylypty. Keler jyly ol júz jumys ornyna deıin ulǵaıtylmaq. Al kadr máselesine kelsek, tapshylyq joq eken. О́ıtkeni, toqtap qalǵan burynǵy kabel zaýytynyń kadrlary jańa kásiporynǵa kóptep kelýde.
Jalpyulttyq telekópir sońy munda taǵy bir jaqsy jańalyqqa ulasty. Iаǵnı, Astana kúni qarsańynda Semeıde 72 páterlik toǵyz qabatty turǵyn úı paıdalanýǵa berildi. Memlekettik baǵdarlama boıynsha qatarǵa qosylǵan bul úıge negizinen jas otbasylar, memlekettik jáne mekeme, uıym qyzmetkerleri jaıǵasty. Páter ıelerine kiltterdi tabystaǵan oblys ákimi Berdibek Saparbaev Semeıde turǵyn úı qurylysy zor qarqynmen damyp kele jatqanyn málimdedi.
Ońtústik Qazaqstan oblysynan – Baqtııar TAIJAN:
Bul kúni Ońtústikte úsh iri kásiporyn iske qosyldy. “Hill” JShS Qazaqstandaǵy halyqaralyq standarttarǵa saı joǵary dárejeli, sapaly motor maılaryn shyǵaratyn tuńǵysh óndiris orny. 2005 jyly bastalyp, Elbasymyzdyń tikeleı qoldaýymen ındýstrııalyq-ınnovasııalyq baǵdarlama aıasynda júzege asqan zaýyty tehnıkalyq maılardy óndiretin qondyrǵylarmen jáne aralastyrý tehnologııalarymen qamtamasyz etken AQSh-tyń “FMC Tehnolodjı” kompanııasy.
Zaýyttyń atqarýshy dırektory Raqymjan Núpbaev qazaqstandyq ónim – “Fastroıl” maıynyń sapasy “Mobıl”, “Esso”, “Shell” sııaqty álemge tanymal kompanııa ónimderinen kem túspeıdi deıdi.
2005 jyly Elbasynyń Jarlyǵymen maqta klasterin damytý maqsatynda “Ońtústik” arnaıy ekonomıkalyq aımaǵy qurylǵan bolatyn. Qazaqstan dıqandary ósirgen aq altynyn shetelge shıkizat kúıinde sý teginge berip, daıyn ónim retinde tórt-bes ese qymbat baǵaǵa keletindikten memleketimizdiń esesi ketip júrgen jaǵdaıy bar edi. Qazir “Ońtústik” arnaıy ekonomıkalyq aımaǵynda óndiris oryndarynyń qazyǵy qaǵylyp, aldy iske qosyldy. Sonyń biri “Hlopkoprom-sellıýloza” JShS “gıdroskopııalyq maqta-maqta sellıýlozasy men tehnıkalyq karboksımetılsellıýloza óndirisin” jolǵa qoıdy. Seriktestik buryn Qytaıǵa satylyp kelgen qaldyq maqtadan 40 túrli otandyq ónim alyp otyr.
Elbasymen tikeleı efır arqyly tildesý “Oxy-Textile” JShS ǵımaratynda ótti. Ońtústik Qazaqstan oblysynyń ákimi Asqar Myrzahmetov sóz aldy. – Sizdiń elimizdi ındýstrııalyq-ınnovasııalyq damytý jóninde bergen tapsyrmańyzdy oryndaý boıynsha bıylǵy jyly oblysymyzdan respýblıkalyq jáne óńirlik ındýstrııalandyrý kartasyna engen 16 jobany iske asyrý josparlanǵan bolatyn. Solardyń 6-ýy iske qosyldy, al 3 ınvestısııalyq joba búgin júzege asqaly otyr. Olar: “Ońtústik” arnaıy ekonomıkalyq aımaqtaǵy “Oxy Textile” men “Hlopkoprom Selıýlloza” fabrıkalary jáne maılaý materıaldaryn óndiretin “Hill” zaýyty. Sonymen qatar, aǵymdaǵy jyldyń ekinshi jartyjyldyǵynda 7 ındýstrııalyq nysandar ashylatyn bolady. Atalǵan jobalardyń jalpy quny 51,5 mlrd. teńge. Jańadan 2781 jumys orny ashylady. Bul kásiporyndardyń iske qosylýy bizdiń óńir ekonomıkasynyń damýyna qomaqty úles qosatyn bolady, – deı kelip oblys basshysy Elbasyǵa turǵyndardyń rızashylyǵyn jetkizdi.
Maqta talshyǵynan jylyna 6 myń tonna 20-80 nómirli sapaly jip daıyndaı alatyn seriktestiktiń dırektory Qanaev Nıetbek seriktestiktegi atqarylyp jatqan jumystardy baıandady.
Qazaqstan ekonomıkanyń qarqyndy damý jolyna tústi. Memleket basshysynyń tapsyrmasymen ındýstrııalyq-ınnovasııalyq baǵdarlamany júzege asyrý barysynda osyndaı alyp kásiporyndar jumys jasaı bastady.
Qaraǵandy oblysynan – Aıqyn NESIPBAI:
Buqar jyraý aýdanynyń ortalyǵy Botaqara kentinde jańadan ashylyp jatqan óndiris oryndary jyldan jylǵa ulǵaıyp keledi. Munda keshe Elbasynyń kóz aldynda taǵy bir kásiporyn sapqa qosyldy. “QazTerm” kombınaty qurǵan bolat paneldi jylytý radıatorlary zaýyty jumys isteı bastady. Atynan belgili bolyp turǵandaı, turǵyn úılerge jylý taratatyn zattar jasalady. Qurylys keń qanat jaıǵan aımaq úshin bul óte qajetti ónim. Oblys ákimi Serik Ahmetov málim etkendeı, qazirdiń ózinde tutynýshylar tarapynan 50 mıllıon teńgege tapsyrys túsken. Onyń kólemi aldaǵy ýaqytta ulǵaıa bermek.
Respýblıkalyq ındýstrııalandyrý kartasyna engen 18 jobanyń jyl aıaǵyna deıin 10-y iske asyrylýǵa tıis. Munyń aldynda Jańaarqa, Shet aýdandarynda kómir jáne temir konsentratyn óndiretin kenishter ashylǵan bolatyn. Endi Buqar jyraý aýdanynda boı kótergen jańa kásiporyn óńir ekonomıkasynyń damýyna, jergilikti turǵyndardyń jumysqa qamtylýyna múmkindik týǵyzdy.
Aqmola oblysynan – Baqbergen AMALBEK:
Qazaqstan Respýblıkasynyń Prezıdenti Nursultan Nazarbaevpen ótkizilgen telekópir Aqmola oblysynyń basty ónerkásipti ortalyǵy Stepnogor qalasyndaǵy jańa jylyjaı jaıly baıanmen bastaldy. Munda qazir tórt gektarǵa jýyq alańdy alyp jatqan mańyzdy joba júzege asyrylýda. Onyń bastamashysy da, iske asyrýshysy da “Qazaqstannyń tehnıkalyq tehnologııasy” jaýapkershiligi shekteýli seriktestigi bolyp tabylady.
Memleket basshysymen tikeleı baılanysta Aqmola oblysynyń ákimi Sergeı Dıachenko men atalǵan JShS dırektory Aleksandr Grıbalov soltústik óńirdegi zamanalyq jylyjaı týraly keńinen aqparat berip, jańa óndiris ornyn tanystyrdy. Munda qııar, qyzanaq, taǵamdyq jasyl óskinder oblys turǵyndarynyń dastarqan mázirin tolyqtyratyn bolady. О́nimderdiń jyldyq kólemi 1832 tonnany quramaq. Jobanyń jalpy quny 1 mıllıard 49 mıllıon teńgege baǵalanǵan. Qazir jańa kásiporynda Gollandııa men Reseıden jetkizilgen zamanalyq jabdyqtar qurastyrylýda. Stepnogor qalasynyń 60 turǵynyn turaqty jumyspen qamtyǵan jylyjaı janynan bolashaqta balyq sharýashylyǵy da qolǵa alynbaq.
Oblys ákimi S.Dıachenko Elbasyna sondaı-aq memlekettik ındýstrııalandyrý baǵdarlamasynyń oryndalý barysy týraly baıandady. Aqmolalyqtar baǵdarlama aıasynda 83 mıllıard teńgeniń segiz jobasyn tabysty ıgerýde.
Qostanaı oblysynan – Názıra JÁRIMBETOVA:
Sokolov-Sarybaı ken óndirý birlestigindegi taıaýda ǵana iske qosylǵan metall prokaty zaýytynyń atshaptyrym sehyna telearnalardyń túsirý kameralary ornalastyrylǵan. Qyzyl ottan bosanyp shyǵyp jatqan som temirdiń qyzýy betke uryp, sehtyń ishi ysyp tur. Elimizde tapsyrylyp jatqan ınvestısııalyq jobalar týraly Prezıdent Nursultan Nazarbaevqa tikeleı efırde áńgimelep berý úshin Qostanaı oblysynyń ákimi Sergeı Kýlagın jáne óndiris basshysy Muhamedjan Turdahýnov metall shyǵyp jatqan sehqa keldi. Balqytý jáne quıý peshinen shashyraǵan ot merekelerdegi otshashýdy kózge elestetedi.
Osy ýaqytqa deıin jynystardy qoparyp, ken shyǵaryp kelgen óndiristiń endi metall quıatyn óz zaýyty bar. Onda úzdik tehnologııa qoldanylady. Sonyń arqasynda kásiporyn tek ken baıytyp qana qoımaı, metall óndirýge qol jetkizdi. Munda shyǵarylatyn shaǵyn prokat temir, qurylys armatýralary “Sokolov-Sarybaı óndiristik birlestigi” aksıonerlik qoǵamynyń ishki qajettilikterin óteıdi. Jyl táýligine óndiriletin 75 myń tonna metall qazaqstandyq mazmundy baıyta túsedi. Osyǵan deıin SSKО́B ózi shıkizat jiberetin Reseıden jylyna 100 myń tonna metall prokatyn satyp alatyn. Al bul óndiriske 60 mıllıon dollarǵa túsetin!
Oblys ákimi Sergeı Kýlagın Elbasyǵa oblys ekonomıkasy týraly baıandady.
– Nursultan Ábishuly, oblys ekonomıkasy yrǵaqty damyp keledi, – dedi Sergeı Vıtalevıch. – Ústimizdegi jyldyń qańtar-mamyr aralyǵynda ónerkásip ónimin óndirý kólemi 163 mıllıard teńgeni qurady. Fızıkalyq kólem ındeksi 130 paıyzdan asty. Ústimizdegi jyly ónerkásipke tartylǵan ınvestısııa 19,5 mıllıard teńge nemese ótken jyldyń osy merzimimen salystyrǵanda 159 paıyzdy quraıdy. Mundaı kórsetkish óńirdegi ındýstrııalyq-ınnovasııalyq damýdyń qarqyn alýyna yqpal etedi. Ústimizdegi jyly Qostanaı oblysynda 11 ınvestısııalyq nysan paıdalanýǵa berilmek. Biz sonyń birinde turmyz. Mundaı jobanyń júzege asýy uqsatý ónerkásibi úlesin arttyra túsedi.
Munan keıin “SSKО́B” aksıonerlik qoǵamynyń prezıdenti Muhamedjan Turdahýnov Elbasyna tikeleı efır arqyly temir keni shıkizatyn óndiretin Sokolov-Sarybaı ken óndirý birlestiginiń tek Qazaqstandaǵy ǵana emes, búkil Dostastyq elderi kólemindegi eń iri kásiporyn ekenin aıtty.
– Birlestik baıytyp shyǵaratyn temir keni jentegi men konsentraty naryqta joǵary suranysqa ıe. Birlestik óz ónimin Qaraǵandy men Magnıtogorsk metallýrgııa kombınattaryna artady. Sońǵy jyldary bizdiń ónimimizge Qytaı da mol suranys jasap otyr. Búgin Sokolov-Sarybaı ken óndirý birlestigi óndiristiń joǵary satysyna kóterilip keledi, ol óndiristi metall prokatpen qamtamasyz etedi. Bizdiń jańa zaýytymyz ınvestısııalyq jobalardaǵy qazaqstandyq mazmundy tolyqtyra tústi. Satyp alǵan qymbat, óziń óndirgen arzan ekenin dáleldep berdi.
Aqtóbe oblysynan – Satybaldy SÁÝIRBAI:
Aqtóbe oblysynyń elimizdi ındýstrııalandyrýǵa qosqan úlesinen habardar etetin tikeleı jeli baılanysy Qazaqstandaǵy medısınalyq jáne ónerkásiptik rentgen apparatyn shyǵaratyn birden-bir kásiporyn – “Aqtóberentgen” AQ bazasynda ornalasqan-dy. Qashanda jaqsylyqqa jany qumar aqtóbelikter osy bir sátti asyǵa kútkeni júzderinen ańǵarylyp turdy. Munda rentgen apparatynyń 28 túri shyǵarylady, olar álemniń 23 eli
Telekópir barysynda jalpy quny 381 mıllıard teńgeni quraıtyn 72 ınvestısııalyq jobanyń tusaýkeseri bolyp ótti. 68 nysan – jańa óndiris orny.
О́ńirlermen ınteraktıvtik baılanysty qorytyndylaı kele, Prezıdent qazaqstandyqtar elimizdi jańǵyrtýdyń orasan baǵdarlamasyn júzege asyrýǵa kiriskenin atap ótti. Osynyń nátıjesinde 2020 jylǵa qaraı ekonomıka 150 paıyzǵa artady. О́nerkásiptegi eńbek ónimdiligi 1,8 ese ulǵaıady, al aýyl sharýashylyǵynda eki esege deıin artady.
– Bul bizdiń tek tabıǵı resýrstarǵa senip qalmaı, balamaly ekonomıkany, jańa ındýstrııany quryp otyrǵanymyzdy bildiredi. Qazaqstan eshýaqytta óz tarıhynda aldyna mundaı mindetter qoıyp kórgen joq jáne eshýaqytta ony iske asyra alǵan joq. Sondyqtan men Qazaqstannyń basshylyǵy atynan oblystardyń, qalalar men aýdandardyń barlyq ákimderin, barlyq eńbekshilerdi, ınjenerlik-tehnıkalyq quramdy, qurylysshylardy osy mindettiń júzege asyrylýymen shyn júrekten quttyqtaımyn, – dedi Nursultan Nazarbaev.
Prezıdent Qazaqstannyń barlyq aýmaǵy – qurylys alańy ekenin atap ótti. Álemde daǵdarys saldarynan kásiporyndar toqtap, bankrotqa ushyrap, adamdar jumyssyz qalyp jatqanda, Qazaqstan zamanaýı óndiris oryndaryn iske qosyp, jańa jumys oryndaryn ashyp jatqanyn atap ótti.
– Mine, bizdiń tańdaǵan strategııamyz osyndaı, – dep qadap aıtty Prezıdent.
Memleket basshysy jańa jobalardyń júzege asqanyn qadaǵalap otyratynyn jáne bul jobalardy iske asyrý barysy týraly Úkimet músheleri men óńirlerdiń ákimderin jylyna eki ret tyńdaıtyndyǵyn jetkizdi.
– Men barlyq qazaqstandyqtardy, ásirese jastardy, Qazaqstandy jańa ındýstrııalyq-ınnovasııalyq ekonomıkalyq memleketke aınaldyrý jolyndaǵy orasan mindetti júzege asyrýda kúsh-jigerlerin jumyldyrýǵa shaqyramyn. Bul Qazaqstannyń álemdegi básekege qabiletti 50 eldiń qataryna enýi úshin qajet, – dedi Prezıdent.
Elbasy Nursultan Nazarbaev qatysqan telekópir kezinde “Egemen Qazaqstan” gazetiniń oblystardaǵy menshikti tilshileri iske qosylǵan nysandarda bolyp, tikeleı baılanys sharalaryn óz kózderimen kórgen edi. Soǵan oraı olar telekópirdi gazet betinde jalǵastyryp otyr.
Almaty qalasynan – Qorǵanbek AMANJOL:
Keshe Prezıdent Nursultan Nazarbaevpen bolǵan telekópir barysynda Almatyda “BIRUNIFARM” kompanııasynyń gemodıalız eritindilerin óndirý jónindegi jańa zaýyty ashyldy. Onyń ashylý saltanatyna qala ákimi Ahmetjan Esimov qatysty.
Ákimniń atap ótkenindeı, bul kásiporyn jańa zaýyttar men kompanııalar barǵan saıyn kóptep ashylyp, otandyq naryqta tabysty jumys istep jatqan Almatynyń jedel damýy jónindegi jarqyn mysal. Osy rette gemodıalızdiń qurama eritindilerin óndirý bizdiń elimizde ǵana emes, sonymen birge Orta Azııada alǵash ret qolǵa alynyp otyr. Jobanyń jalpy quny 370 mıllıon teńge shamasynda. Jarty jyl ishinde salynyp bitken kásiporynnyń jumysyn 15 qyzmetker qamtamasyz etýde.
Joba tolyqtaı jergilikti ónimderge súıengen. О́ndiris tehnologııasy sýdy tazalaýdyń kúrdeli qurylymyn ótkerip, ony qajetti ıngredıenttermen baıytady. Daıyn ónim quıylǵan syıymdylyqtar eldiń “jasandy ókpe” apparaty qoıylǵan barlyq emhanalaryna jóneltiletin bolady. Kúrdeli hımııalyq tehnologııa jolymen alynatyn ómirlik mańyzdy preparat otandyq farmrynoktyń qajetin túgeldeı ótemek. Munda jyl saıyn 600 myń komplekti nemese alty mıllıon lıtr eritindi óndiriletin bolady.
Elbasy halaıyqty qazaqstandyqtardyń ómiri men densaýlyǵy úshin asa mańyzdy zaýyttyń ashylýymen quttyqtady. Prezıdenttiń aıtýynsha, bul zaýyt elimizdiń farmasevtıka salasynyń zamanaýı damýynyń alǵashqy qarlyǵashy.
Batys Qazaqstan oblysynan – Temir QUSAIYN:
Novenkıı aýylynyń mańaıy búgin qyzý qımyl men qarbalasqa toly. Adamdardyń jarqyn júzderi men shalt ta erkin qımyldary áldebir jaqsylyq pen qýanyshtyń habarynan belgi bergendeı. Iá, búgin munda gaztýrbınaly elektr stansasynyń alǵashqy blogy iske qosylmaq. Bul respýblıkalyq ındýstrııalandyrý kartasyna engen mańyzdy jobalardyń biri bolatyn.
Mine, osy nysannyń iske qosylý rásimi Elbasy Nursultan Nazarbaevtyń qatysýymen ótken “Qýatty Qazaqstandy birigip quramyz!” atty jalpyhalyqtyq telekópirden kórsetilmek. Aýyl tusyndaǵy qyzý da qarbalas qımyldardyń syry osynda bolyp shyqty.
Stansanyń aýlasynda keń formatty úlken teledıdar qoıylypty. Osy arqyly óz kezegi kelgende Batys Qazaqstan oblysynyń ákimi Baqtyqoja Izmuhambetov Elbasy Nursultan Nazarbaevpen tikeleı telejeli baılanysyna shyqty. Ol Memleket basshysyna óńirde júzege asyrylyp jatqan iri jobalar jóninde aıta kelip, jańa álemdik ozyq tehnologııaǵa sáıkes salynǵan stansany tanystyrdy.
– Búgin qýaty elý tórt megavatty quraıtyn gaztýrbınaly elektr stansasynyń birinshi blogy óz jumysyn bastaıdy. Jobanyń jalpy quny 10,3 mıllıard teńge. Mundaǵy qazaqstandyq úles alpys paıyzdy quraıdy. Sondaı-aq Sizdiń 2005 jyldyń mamyr aıynda bergen tapsyrmańyzǵa sáıkes óńirdegi eń iri áleýmettik joba – “Qarashyǵanaq – Oral” gaz qubyry da iske qosylmaq. Búginde oblysta jalpy somasy 271,5 mıllıard teńgeni quraıtyn 49 iri ınvestısııalyq joba boıynsha jumys júrgizilýde, – dep til qatty oblys basshysy Nursultan Ábishulyna.
Aqjaıyq óńirinde iske asyp jatqan mundaı iri ınvestısııalyq jobalardyń jaı-kúıinen habary bar ekenin jetkizgen Elbasy oblys ákiminiń eńbegine oń baǵa berdi. Ári ındýstrııalandyrý baǵdarlamasyna súbeli úlesterin qosyp júrgen barsha batysqazaqstandyqtarǵa rızashylyǵyn bildirdi.
Iske qosylǵan óndiristik nysanda 45 adam turaqty jumyspen qamtylmaq. Olardyń deni Oral qalasy men Zelenov aýdanynyń turǵyndary. Munda jumysqa qabyldanǵan mamandardyń bári de arnaıy ázirlikten ótken. Bul úrdis olardyń sheteldik qondyrǵylardy tez meńgerip ketýine alǵyshart qalamaq.
Novenkıı aýylynda paıdalanýǵa berilgen stansa qurylysynyń taǵy bir ereksheligi – elektr qýatyn óndirý kezinde paıda bolatyn jylý tekke ysyrap bolmaıdy. Ol oblys ortalyǵynda jańadan boı túzep kele jatqan segizinshi jáne toǵyzynshy shaǵyn aýdandardy jylýmen qamtýǵa jumsalmaq. Iаǵnı munyń ózi qaldyqsyz óndiris jolǵa qoıylady degen sóz. Eń bastysy respýblıka energııa júıesinen oqshaý jatqan Aqjaıyq óńiri budan bylaı Reseıge táýeldi bolmaı, óz qajetterin ózderi ótemek.
Gaztýrbınaly elektr stansasyn saltanatty jaǵdaıda iske qosqan Munaı jáne gaz mınıstri Saýat Myńbaev mundaı mańyzdy nysannyń ashylýy halyqty arzan elektr jáne jylý qýatymen, sapaly qyzmet túrimen jáne turaqty jalaqymen qamtamasyz etýge múmkindik beredi dep málimdedi. Budan soń soǵys jáne eńbek ardageri Fedor Skobıchkın osy ıgilikti istiń basy-qasynda bolǵandardyń bárine batysqazaqstandyqtar atynan alǵys aıtty.
Sondaı-aq keshe Oral óńirinde iske asqan iri áleýmettik jobaǵa sáıkes Syrym jáne Qaratóbe aýdandarynyń ortalyǵyna gaz qubyry jetkizildi. Al búgin oblysta mııa tamyrlaryn óńdeıtin zaýyt pen “Júz mektep, júz aýrýhana” baǵdarlamasy sheńberinde 120 oryndyq aýrýhananyń ashylý rásimi ótkizilmek.
Soltústik Qazaqstan oblysynan – О́mir ESQALI:
Bıyl Soltústik Qazaqstan oblysynda ındýstrııalyq-ınnovasııalyq karta boıynsha 27,4 mıllıard teńgeniń 13 jobasyn iske qosý kózdelgen bolsa, onyń 6-ýy alǵashqy jarty jyldyqtyń enshisinde. Olardyń ishinen “Qýatty Qazaqstandy birge quramyz!” atty Prezıdent N.Nazarbaevpen ótken jalpyhalyqtyq telekópirge “ZIKSTO” aksıonerlik qoǵamynyń jańa ónimi – astyq tasıtyn vagonnyń tájirıbelik úlgisi usynylyp, tanystyryldy. AQ osydan eki jyl buryn elimizde birinshi bolyp júk vagondaryn qurastyrýdy qolǵa alyp, sodan beri 600-ge jýyq ónimdi óz tutynýshylaryna jóneltti. Vagonnyń júk konteınerlerin tasıtyn jartylaı, bıdaı men sement tasýǵa arnalǵan jabyq túrleri ıgerildi. Osylaısha otandyq ónimder shyǵarýda sapalyq kórsetkishke qol jetkizgen AQ “О́ndiristik maqsattaǵy eń úzdik taýarlar” atalymynda jeńimpaz atanyp, birinshi dárejeli dıplommen marapattaldy. Memleket basshysy Qyzyljar óńirinde bolǵan jumys sapary kezinde zaýytqa arnaıy kelip, ıgi bastamany qoldaǵan bolatyn.
Oblys ákimi Serik Bilálov jobalardyń agroónerkásip kesheninde, máshıne jasaý ónerkásibinde, metallýrgııada, qurylys ındýstrııasy men qurylys materıaldary óndirisinde júzege asyp jatqanyn, 1700-den astam adamnyń jumyspen turaqty qamtylatynyn, jyl aıaǵyna deıin 9 ınvestısııalyq jobanyń paıdalanýǵa beriletinin baıandady. Astyq tasıtyn vagonnyń jańa úlgisi ónimniń básekelestikke qabiletin arttyrýmen qatar, sheteldikterdiń suranysyn qanaǵattandyrýǵa degen batyl qadam bolyp tabylady, – dedi óńir basshysy.
“ZIKSTO” aksıonerlik qoǵamynyń bas dırektory Igor Korovın otandyq ónimderdiń úlesin kóbeıtý jónindegi Elbasy tapsyrmalarynyń oryndalýyn aıtyp berdi. “Qazaqstan temir joly” jáne Ulttyq ınnovasııalyq qordyń qoldaýymen iske asqan ushqyr jobanyń quny – 247,5 mıllıon teńge. Jylyna 1000 vagon shyǵarý josparlanǵan. О́nim tehnıkalyq-ekonomıkalyq kórsetkishteri jaǵynan Reseı, Belarýs, Ýkraınamen taıtalasa alady. 2015 jylǵa zaýyt jyl saıyn 1500-ge deıin vagon qurastyrý mindetin qoıyp otyr. Búginde jartylaı júk vagonyn shyǵarýmen 400-deı adam aınalysady. Olardyń tórtten biri qurastyrý sehtarynda eńbek etedi.
Tikeleı telekópirde, Qazaqstannyń Eńbek Eri Gennadıı Zenchenko sóz alyp, Elbasyna máshıne jasaý salasyn órkendetýdegi shynaıy qamqorlyǵyna alǵys bildirdi. Byltyr Qazaqstan rekordty astyq jınaǵanymen, tasymaldaý isinde olqylyqtardyń oryn alǵany ras. Endi mundaı kemshilikterge jol berilmeıtinine senimdimiz. Petropavl qalasynda jumys istep jatqan kásiporyn jarqyn bastamalardyń bastaýyna aınalary sózsiz, dedi áıgili agrarshy.
Prezıdent N.Nazarbaev soltústikqazaqstandyqtarǵa eńbekte tabys, jumysta sáttilik tiledi.
Jambyl oblysynan – Kósemáli SÁTTIBAIULY:
Elimizdegi serpindi ındýstrııalyq-ınnovasııalyq damý baǵdarlamasy sheńberinde Jambyl oblysynda 19 ınvestısııalyq joba júzege asyrylýda. Onyń 9-y bıyl el ıgiligine paıdalanýǵa berilmek.
Moıynqum aýdanyndaǵy Myńaral sement zaýyty sol tegeýrindi toǵyzdyń biri. Ol oblys ortalyǵynan shalǵaı ornalasqanymen, halyqaralyq avtokólik jáne temir joldyń boıynda jatyr. Astana men Qaraǵandy qalasy da qashyq emes. Almaty sııaqty úlken megapolıs tıip tur dese de bolady. Áıgili Balqash kóli zaýyttyń tap irgesinde.
Demek, bul jobanyń bolashaǵy zor. Joba iske asyrylǵan tusta jylyna 500 myń tonnadan asa sement óndiriletin bolady dep kútilýde. Jobanyń quny 8 mıllıard 250 mıllıon teńgeni quraıdy. Zaýyt tolyq qýatynda jumys istegen kezde munda 300-den astam adam jumysqa tartylady. Bıýdjetke túsetin qarjynyń kólemi 75 mıllıon teńgeni quraıdy.
Is basyndaǵy mamandar búginde bul sement zaýytynda qurylys jumystarynyń deni atqaryldy dep otyr. Onyń ishinde qurylysy tolyq aıaqtalǵan úsh qabatty zerthana bar. Sondaı-aq ónimdi keptiretin kameralar men peshter salyndy. Tehnologııalyq jeli qurastyrylyp, temir jol tuıyǵynyń qurylysy qolǵa alynýda. Sonymen birge zaýytqa deıin 2,5 shaqyrym sý qubyry tartylyp, tórt nasos beketi qalpyna keltirildi.
Biz munda telekópir bolardan biraz buryn kelgenbiz. Sondyqtan sement zaýytynyń qurylysyn júrgizip jatqan mamandar men qurylysshylardyń jaǵdaıymen tanysýǵa múmkindik týdy. Qonaq úı, jataqhana, ashana, keńse – bári de oıdaǵydaı jabdyqtalǵan. Ystyq jáne sýyq sý, salqyndatqysh bar. Ásirese, qurylysshylardy tamaqtandyrýdy óz moıyndaryna alǵan kompanııanyń adal isine mundaǵy árbir adam rıza. О́ıtkeni dastarqandarynda tamaqtyń túr-túri bar ári mol jáne dámdi. Ashana jumysyna jergilikti jerdiń qyz-kelinshekteriniń tartylýy da kóńil qýantty.
Telekópir arqyly Elbasymen kezdesý kezinde zaýyt jumysshylary qoldaryna “Qýatty Qazaqstandy birge kórkeıtemiz!”, “2020 – jańa ındýstrııalandyrý!”, “Bıznestiń jol kartasy-2020” – turaqty jumys oryndaryn ashý” jáne “Ekonomıkany ártaraptandyrý – tabys kilti” degen sııaqty urandar men jalaýshalar ustap turdy. Olardyń júzderindegi qýanyshtan eldegi ındýstrııalyq-ınnovasııalyq saıasattyń durys júrgizilýi arqasynda ózderiniń eńbekteri janǵanyn bilýge bolǵandaı.
Elbasy Nursultan Nazarbaevqa oblystaǵy ınvestısııalyq jobalardyń jaı-japsary týraly Jambyl oblysynyń ákimi Qanat Bozymbaev aıtyp berdi.
– Bıyl bizdiń oblysymyzda toǵyz ınvestısııalyq joba iske qosylady. Olardyń jalpy quny – 62 mıllıard teńge. Tórt myń jańa jumys orny ashylady. Jobalar metallýrgııa, jeńil ónerkásip, munaı óńdeý jáne qurylys materıaldaryn shyǵarý salasynda qolǵa alynyp otyr. Onyń ekeýi birinshi jartyjyldyqta iske qosylady. Búgin biz Sizge Myńaral sement zaýytyn kórsetip turmyz. Bul bıylǵy eń iri ınvestısııalyq joba. Siz eki jyl buryn Fransııada bolǵan saparyńyzda “Vıkat” kompanııasyn Qazaqstanǵa shaqyrdyńyz. Olar Qazaqstanǵa kelip, halyqaralyq qarjy korporasııasymen jáne jergilikti ınvestorlarmen birigip osy zaýytty salýda.
Zaýyttyń qýaty – jylyna bir mıllıon eki júz myń tonna sement shyǵarýǵa jetedi. Úsh júz elý jańa jumys orny ashylady. Sement “Batys Eýropa – Batys Qytaı” joly jáne Balqash elektr stansasy qurylystaryna paıdalanylatyn bolady. Búginnen bastap tehnologııalyq keshendi synaqtan ótkizemiz. Al eki aıdan keıin zaýyt ónim shyǵara bastaıtyn bolady, – dedi oblys ákimi.
Qazaqstan Respýblıkasynyń Prezıdenti Nursultan Nazarbaev Balqash elektr stansasy qurylysy týraly oıyn aıtqanda, ony salýǵa qajetti sementti jaqyn jerden, ıaǵnı Jambyl oblysyndaǵy Myńaral sement zaýytynan tasymaldaýǵa bolatynyn eskertip ótti. Buǵan myńaraldyq sement zaýytynyń jumysshylary qýanyp qaldy. О́ıtkeni, sement bizde tek О́skemende óndiriledi. Basqalary ımport – Qytaı, Reseı jáne alys shet elderden tasymaldanady.
О́ndiris iske qosylǵan kezde sementtiń sapasyn qatań baqylaýda ustaý kózdelýde. Muny oblys ákiminiń ózi qadaǵalap otyrmaqshy. О́ıtkeni, sapaly ónimge degen suranys qaı kezde de joǵary bolady.
Almaty oblysynan – Kúmisjan BAIJAN:
Qazirgi kezde jetisýlyqtar ár kúndi eńbektegi eren jetistikterimen atap ótip, naqty isterdiń tııanaǵyn keltirip, jańashyldyq tanytýda.
Energııalyq máseleni túbegeıli sheshýge qatysty serpindi jobalardyń tehnıkalyq-ekonomıkalyq negizdemelerine baılanysty jumystar odan ári óristetilip, keshe Qaratal ózeniniń aǵysyn bógeý arqyly salynǵan tórtinshi shaǵyn sý elektr stansasynyń tusaýy tikeleı telekópir kezinde kesildi. Bıylǵy jartyjyldyqqa oılastyrylǵan alty jobaǵa bólingen 8,4 mlrd. teńge tolyq ıgerilip, bul baǵyttaǵy jumys kestesi saqtalǵany osynyń dáleli.
Taldyqorǵan men Tekeli qalalarynyń ońtústiginen salynǵan nysan janyna jınalǵandar “Qýatty Qazaqstan úshin!”, “Birligimiz jarasqan!”, “Biz árqashan Elbasymen birgemiz!” degen urandarmen mereke mereıin tasytty. Qarataldyń urymtal tusyn bógeý arqyly “ASPMK-519” kompanııalar toby jyl saıyn bir shaǵyn sý elektr stansasyn iske qossa, búgingi nysannyń jumysyn Elbasy telekópir arqyly tamashalady. Oblys ákimi Serik Úmbetov 2016 jylǵa deıin óńirde qýattylyǵy 326 MVt bolatyn 28 shaǵyn sý elektr stansalaryn iske qosý josparlanǵanyn, sonyń taǵy biri búgin el ıgiligine aınalǵanyn jetkizdi.
Budan keıin “ASPMK-519” kompanııasynyń bas dırektory V.Sychev aldaǵy jyldary osyndaı birneshe shaǵyn sý elektr stansalary iske qosylatynyn, ındýstrııalyq-ınnovasııalyq damý baǵdarlamasyna ózindik úlesterin qosatyndyqtaryn jetkizdi. Memleket basshysy Nursultan Nazarbaev óńirde atqarylǵan jumystarǵa óz baǵasyn berdi. Energııa júıesiniń qoldanystaǵy aktıvterin jetildirý men qaıta qurý, jańa qýat kózderin iske qosý, elektr tasymaldaýdyń qosymsha jelileriniń júıesi, balamaly jańa qýat kózderin engizý men damytý tárizdi asa mańyzdy jobalar osylaısha ómirge berik enip keledi.
Eskeldi aýdanynyń aýmaǵynda iske qosylǵan Qaratal №4 sý elektr stansasynyń qurylysy ótken jyly bastalyp, óńirdiń elektr qýatyna degen suranysyn qanaǵattandyrýǵa osylaısha jol ashty. Baǵdarlama qurylysyna 968.8 mln. teńge qarjy jumsalyp, qurylys jumystaryna 60 adam tartylypty. Stansa qurylysyn “ASPMK-519” jaýapkershiligi shekteýli seriktestigi óz esebinen júrgizip, belgilengen merzimde tııanaǵyn keltirgeni de jaqsy istiń biri deýge bolady. Atalǵan nysan 3,5 MVt qýat óndirip, óz jumysyn osylaısha bastap ketti.
Atyraý oblysynan – Joldasbek ShО́PEǴUL:
Buryn ónerkásibimen tanylǵan Atyraý endi medısına salasynda qoldanylatyn bir rettik shprıster shyǵarýmen aty shyqpaq. О́tken jyly Atyraýda osyndaı ónim shyǵaratyn zaýyttyń tehnologııasyn qurastyrý bastalǵan bolatyn. Ony iske asyrǵan “Brando” JShS dırektory Dáýlet Dosalıevtiń túsindirgenindeı, zaýyttyń jyldyq qýaty 250 mıllıon dana shprıs shyǵarýǵa negizdelgen. Suranys kóbeıgen saıyn onyń kólemin eki esege deıin arttyrýǵa bolady eken. Elbasymen tikeleı jelide iske qosylǵan 72 ınvestısııalyq jobanyń qatarynda atalǵan zaýyt ta tolyqqandy jumys jasaı bastady.
– Elimiz táýelsizdik alǵannan bergi kezeńde san túrli ónimder shyǵaryp jatyr. Bir rettik shprıs óndirý jobasy Atyraýda alǵash ret qolǵa alynyp otyr. Bul Atyraýdaǵy ınvestısııalyq jobalardyń biri, – dedi oblys ákimi Bergeı Rysqalıev Elbasyna atalǵan zaýyttyń ónim óndirý úderisi týraly baıandap.
Elbasyna tikeleı jeli arqyly rızashylyǵyn bildirgen jańa zaýyttyń dırektory Dáýlet Dosalıevtiń aıtýynsha, ınvestısııalyq jobanyń quny – 6 mıllıon AQSh dollaryn quraıdy. Bul otandyq ınvestordyń qarjysy. Zaýytqa ónim óndirý úshin qajetti shıkizattar Koreıa, Belgııa, Reseı elderinen ákelinedi. Shıkizat alǵashqy satyda arnaıy apparatpen óńdeledi. Sonan soń shprısterdiń qalyby jasalyp, basqa da bólikteri daıyndalady. Zaýytta jumys jasaıtyn 25 maman medısınalyq shprıs óndirýdiń barlyq úderisin qatań baqylaıdy. Arnaıy jabdyqtar arqyly shyǵyp jatqan shprıster qalyptaryn mamandar mıkroskoppen tekserip, jaramdylyǵyna kóz jetkizip baryp jınaqtaý sehyna jiberedi. Sońynan 3, 5, 10, 20 gramdyq shprısterdiń barlyq bólshegi qurastyrylyp, zalalsyzdandyrý máshınesinde 10 saǵatqa deıin saqtalady. Mamandar shprısti osyndaı zalalsyzdandyrýdan soń ǵana paıdalanýǵa bolatynyn aıtady. О́nim óndirý úderisi tolyq avtomattandyrylǵan.
– Zaýyttyń barlyq qondyrǵylary Koreıadan alyndy. Sonymen birge bul zaýyttaǵy ónim shyǵarýdyń barlyq úderisteri halyqaralyq ISO-9001 jáne ISO-14001 standarttaryna sáıkes atqarylady. Sol sebepten 6 mamandy Koreıaǵa jiberip, arnaıy kýrsta oqyttyq. Olar sondaǵy zaýytta ónim óndirý úderisterin atqarý, basqarý tásilderi tehnologııasyn meńgerip keldi. Endi osyndaǵy mamandardy úıretýde, – dedi dırektor D.Dosalıev.
Zaýytta Koreıa tehnologtary qazaqstandyq mamandarǵa baǵyt-baǵdar berip, óz tájirıbelerimen bólisken. Solardyń biri – Chan Ý Lı qazaqstandyq jastardyń jańa mamandyqty Koreıada jedel meńgerip, endi jańa óndiris ornynda tájirıbe jınaqtaýda biliktilik tanytqanyn aıtady. Munda jumysqa alynǵandardyń barlyǵy jergilikti jastar. Bir saǵatta 60 myń dana, jylyna 250 mıllıon dana ár mólsherdegi shprısterdi shyǵaratyn zaýyttyń ekologııaǵa zııany joǵyna sendiredi mamandar. Tek shprıs shyǵarýǵa qajetti shıkizat – polıpropılen ázirge Qazaqstanda óndirilmeıdi. Osy ónimdi Atyraýdan shyǵaratyn jobalar kesheýildep jatyr. Sol sebepten shıkizat Koreıa, Belgııa jáne Reseı sekildi alys-jaqyn elderden alynady. Soǵan qaramastan 5 gramdyq shprıstiń ózindik quny 5 teńgeden aspaıdy, ózgeleriniń quny mólsherine baılanysty budan sál qymbattaý. Degenmen, bul shprıster básekege qabiletti bolýymen erekshelenedi, dep paıym jasaıdy zaýyt basshylary.
Atyraýda óndirilgen otandyq shprısterdiń alǵashqy legi saraptamadan sátti ótkizilgen. Teginde ózimiz kýá bolyp júrgen Atyraýdaǵy dárihanalarda ózge elderden, sonyń ishinde alystaǵy Germanııadan jetkizilgen 5 gramdyq shprıs 15 teńgeden satylýda ekenin eskersek, tutynýshy úshin dál osyndaı joǵary sapaly otandyq ónimniń baǵasy odan áldeqaıda arzanǵa túsedi.
Qyzylorda oblysynan – Erkin ÁBIL:
Keshe elimiz boıynsha ótken “Kúshti Qazaqstandy birigip quramyz!” atty jalpyhalyqtyq telekópirde Qyzylorda oblysyndaǵy Aqshabulaq kenishinde ilespe gazdy óńdeý kesheniniń ekinshi kezeńi paıdalanýǵa berildi.
Syr óńiriniń jalpyhalyqtyq telekópirge qosylýy “Qazgermunaı” birikken kásipornyna qarasty Aqshabulaq kenishi aýmaǵynan tańdalýy tegin emes edi. Táýelsiz Qazaqstan úshin energetıkalyq saıasattyń salmaǵy anyq sezile bastaǵan 2000-shy jyldary respýblıka Úkimeti Ońtústik Torǵaı oıpatynyń ilespe gazyn ıgerý jáne Qyzylorda qalasyn gazdandyrý týraly qaýly qabyldady. Osy qaýlyǵa sáıkes aıdalada alaý bolyp janyp jatqan “kógildir otyndy” el ıgiligine jaratýǵa alǵash qadam jasaǵan osy “Qazgermunaı” kompanııasy bolatyn. Osylaısha 5 jyl buryn Aqshabulaqta gaz óńdeý qondyrǵysy ornatylyp, jylyna 420 mln. tekshe metr gaz ótkizetin 124 shaqyrymdyq “Aqshabulaq-Qyzylorda” gaz qubyry júrgizildi.
Al jalpy quny 10 mlrd. 275 mln. teńge bolatyn myna ekinshi gaz óńdeý zaýyty óńirde ındýstrııalyq-ınnovasııalyq jobalardy júzege asyrý baǵdarlamasy aıasynda salynǵan irgeli óndiris orny. Qurylysyn “NGSK Kazstroıservıs” AQ júrgizgen jańa zaýyt oblys ortalyǵyna jetkiziler “kógildir otyn” kólemin jylyna 550 mln. tekshe metrge deıin ulǵaıtady. Oǵan qosa 30-ǵa jýyq adamǵa jańa jumys orny ashylady.
Osy óndiris basynda oblys ákimi Bolatbek Qýandyqov Elbasyn eren eńbegimen el damýyna úles qosyp kele jatqan Syr jurtynyń tabysymen tanystyrdy.
– Sizdiń bastamańyzben Aqshabulaq kenishinde ilespe gazdy óńdeý kesheniniń ekinshi kezeńi qysqa ýaqytta iske qosyldy, – dedi oblys basshysy. – Osynyń nátıjesinde turǵyndardyń jylýǵa ketetin shyǵyndary eseleı azaıyp, bıznestiń damýyna qolaıly jaǵdaı jasaldy. Sonymen qatar osy joba bıyl qýattylyǵy 87 mVt gaztýrbınalyq elektr stansııasynyń qurylysyn bastaýǵa múmkindik berip otyr. Biz ol stansııanyń qurylysyn keler jyly elimiz táýelsizdiginiń 20 jyldyǵyna oraı tartý etemiz.
Bıyl aımaqta ındýstrııalyq-ınnovasııalyq baǵdarlama boıynsha jalpy quny 21,6 mlrd. teńge bolatyn 10 joba júzege asyrylyp, jańadan 615 jumys orny ashylady.
Oblys basshysynan keıin “Qazgermunaı BK” bas dırektorynyń birinshi orynbasary Birjan Dúısembekov sóz alyp, Qyzylorda qalasyn gazdandyrý isine bastamashy bolǵan kompanııanyń jańa óndiris orny arqyly oblys ortalyǵyna “kógildir otyn” jetkizý 2 esege ulǵaıǵanyn aıtty.
Osydan keıin oblys ákimi Bolatbek Qýandyqov jańa óndiris ornyn iske qosty. Jylyna 300 mln. tekshe metr gaz óndiretin zaýyttyń ashylý saltanaty qoldaryna jalaýshalar ustaǵan munaıshylardyń qýanyshty únine ulasty.
Zaýyt aýlasyna jınalǵandar Syrdaǵy jańa óndiris orny jaıly Elbasy Nursultan Ábishulynyń pikirin tyńdady.
Memleket basshysy el damýynda ózindik orny bar Syr jerinde ashylyp otyrǵan gaz óńdeý zaýytynyń ekonomıkalyq tıimdiligimen qatar, qorshaǵan ortany qorǵaýdaǵy qyzmetin erekshe aıtty. Sońǵy 5 jyldyń bederinde kenishte janyp jatqan “kógildir otyn” el ıgiligine aınalýda. Memlekettik deńgeıde qabyldanǵan baǵdarlamalardyń jergilikti jerde júıeli túrde júzege asyrylýynyń arqasynda qazir oblys ortalyǵy turǵyndarynyń jylýǵa jumsaıtyn shyǵyndary edáýir azaıǵan. Nursultan Ábishuly endi ilespe gazdy elektr energııasyn óndirýge baǵyttap otyrǵan oblys basshylyǵynyń bastamasyna tabys tilep, Syr boıy jurtshylyǵyna jyly lebizin arnady.
Osydan keıin oblys ákimi Bolatbek Qýandyqov jańa óndiristiń ashylýyna qatysýshylar aldynda “Qazgermunaı” kompanııasy basshylyǵyna óńirdiń ındýstrııalyq-ınnovasııalyq damýyna qosqan úlken úlesi úshin alǵys aıtty. Aımaqtaǵy óndiris oryndarynyń qataryna qosylǵan jańa kásiporyn jaıly kompanııanyń tehnıkalyq dırektory Lıý Chjı men qurylysty júrgizgen bas merdiger “NGSK Kazstroıservıs” AQ bas dırektorynyń birinshi orynbasary Shasmaıl Gasanovtar da qysqasha lebiz bildirdi.
О́ndiris ornynyń ashylýynan keıin aımaq basshysy buqaralyq aqparat quraldary ókilderine arnap suhbat berdi.
– Indýstrııalyq-ınnovasııalyq jobaǵa sáıkes paıdalanýǵa berilip otyrǵan bul óndiris orny oblys ortalyǵyn gazdandyrý isin tolyq aıaqtaýǵa múmkindik beredi, – dedi Bolatbek Baıanuly. – Jalpy oblysta osy jyldyń alǵashqy jartysynda bıylǵa josparlanǵan 10 jobanyń 7-i tusaýyn kesedi. Sonyń alǵashqysynyń qatarynda ashylǵan bıtým zaýyty táýligine 500 tonna ónim óndirip otyr. Osylaısha aımaǵymyzdan ótetin “Batys Eýropa – Batys Qytaı” avtobanyna qajetti bıtýmnyń úshten birin ózimizde shyǵarýǵa qol jetkizdik. Sonymen qatar táýligine 15 tonna nan óndiretin zaýyt el ıgiligine beriledi. Jyldyń ekinshi jartysynda Qazaly aýdanyndaǵy taýarly-sút fermasy ashylyp, oblys boıynsha osy rynoktaǵy ónimder baǵasy edáýir túsedi dep josparlanyp otyr.
Semeı qalasynan – Dáýlet SEISENULY:
Semeıde kabel óndirisimen aınalysatyn jańa kásiporyn qatarǵa qosylǵaly jatyr eken degen habardy estigenimizge kóp ýaqyt ótken joq edi. Sol kásiporyn keshe Elbasymyzdyń qatysýymen ótken “Qýatty Qazaqstandy birge kórkeıtemiz!” atty jalpyulttyq telekópir barysynda saltanatty jaǵdaıda ashyldy. Oblys ákimi Berdibek Saparbaevtyń aıtýynsha, bul Respýblıkalyq ındýstrııalyq kartaǵa engizilgen 22 jobanyń biri eken.
Búgingi kúni Qazaqstan naryǵyndaǵy kabel ónimine qajettilik 105,0 mıllıard teńgeni qurasa, al sonyń jartysyna jýyǵy shet elderden ákelinetin kórinedi. Jańa jobanyń ereksheligi sol, onyń eń aldymen jergilikti shıkizattan jasalatyny jáne halyqaralyq standartqa sáıkestigi. Al kásiporyn qýatyna keletin bolsaq, munda jylyna jalpy quny 22,5 mıllıard teńgeni quraıtyn uzyndyǵy 33,6 myń shaqyrym kabel óndirilmek. Oblys ákimi Elbasyna málimdegenindeı, jańa óndiristiń iske qosylýy syrttan keletin ónimderdiń 75 paıyzyn órtke shydamdy kabeldermen, sonymen birge kerneýlik jáne baqylaý kabelderimen, sondaı-aq sapaly ótkizgishtermen almastyrýǵa múmkindik beredi.
Telekópir barysynda atalǵan kásiporynnyń basshysy Kemelbek Qultaev ta sóz alyp, zaýyttyń bolashaǵy týraly Memleket basshysyna qysqasha túsinikteme berdi. Osylaısha qysqasha suhbattasýdan soń jańa kásiporyn saltanatty jaǵdaıda ashyldy.
Biz budan keıin “Ist ındastrı kompanı LTD” (Shyǵys ındýstrııalandyrý kompanııasy) JShS bas tehnology Altynaı Qýandyqovamen tildeskenbiz. Ol osydan úsh jyl buryn qurylǵan óz seriktestikteriniń Qazaqstan Damý bankinen 625 mıllıon teńge nesıe alyp iske kirisip ketkenderin málimdedi. Onyń aıtýynsha, bulardyń ónimderi elimizdiń qurylys, energetıka, temir jol salalarynda keńinen paıdalanylmaq. Ázirge munda jańadan 35 jumys orny ashylypty. Keler jyly ol júz jumys ornyna deıin ulǵaıtylmaq. Al kadr máselesine kelsek, tapshylyq joq eken. О́ıtkeni, toqtap qalǵan burynǵy kabel zaýytynyń kadrlary jańa kásiporynǵa kóptep kelýde.
Jalpyulttyq telekópir sońy munda taǵy bir jaqsy jańalyqqa ulasty. Iаǵnı, Astana kúni qarsańynda Semeıde 72 páterlik toǵyz qabatty turǵyn úı paıdalanýǵa berildi. Memlekettik baǵdarlama boıynsha qatarǵa qosylǵan bul úıge negizinen jas otbasylar, memlekettik jáne mekeme, uıym qyzmetkerleri jaıǵasty. Páter ıelerine kiltterdi tabystaǵan oblys ákimi Berdibek Saparbaev Semeıde turǵyn úı qurylysy zor qarqynmen damyp kele jatqanyn málimdedi.
Ońtústik Qazaqstan oblysynan – Baqtııar TAIJAN:
Bul kúni Ońtústikte úsh iri kásiporyn iske qosyldy. “Hill” JShS Qazaqstandaǵy halyqaralyq standarttarǵa saı joǵary dárejeli, sapaly motor maılaryn shyǵaratyn tuńǵysh óndiris orny. 2005 jyly bastalyp, Elbasymyzdyń tikeleı qoldaýymen ındýstrııalyq-ınnovasııalyq baǵdarlama aıasynda júzege asqan zaýyty tehnıkalyq maılardy óndiretin qondyrǵylarmen jáne aralastyrý tehnologııalarymen qamtamasyz etken AQSh-tyń “FMC Tehnolodjı” kompanııasy.
Zaýyttyń atqarýshy dırektory Raqymjan Núpbaev qazaqstandyq ónim – “Fastroıl” maıynyń sapasy “Mobıl”, “Esso”, “Shell” sııaqty álemge tanymal kompanııa ónimderinen kem túspeıdi deıdi.
2005 jyly Elbasynyń Jarlyǵymen maqta klasterin damytý maqsatynda “Ońtústik” arnaıy ekonomıkalyq aımaǵy qurylǵan bolatyn. Qazaqstan dıqandary ósirgen aq altynyn shetelge shıkizat kúıinde sý teginge berip, daıyn ónim retinde tórt-bes ese qymbat baǵaǵa keletindikten memleketimizdiń esesi ketip júrgen jaǵdaıy bar edi. Qazir “Ońtústik” arnaıy ekonomıkalyq aımaǵynda óndiris oryndarynyń qazyǵy qaǵylyp, aldy iske qosyldy. Sonyń biri “Hlopkoprom-sellıýloza” JShS “gıdroskopııalyq maqta-maqta sellıýlozasy men tehnıkalyq karboksımetılsellıýloza óndirisin” jolǵa qoıdy. Seriktestik buryn Qytaıǵa satylyp kelgen qaldyq maqtadan 40 túrli otandyq ónim alyp otyr.
Elbasymen tikeleı efır arqyly tildesý “Oxy-Textile” JShS ǵımaratynda ótti. Ońtústik Qazaqstan oblysynyń ákimi Asqar Myrzahmetov sóz aldy. – Sizdiń elimizdi ındýstrııalyq-ınnovasııalyq damytý jóninde bergen tapsyrmańyzdy oryndaý boıynsha bıylǵy jyly oblysymyzdan respýblıkalyq jáne óńirlik ındýstrııalandyrý kartasyna engen 16 jobany iske asyrý josparlanǵan bolatyn. Solardyń 6-ýy iske qosyldy, al 3 ınvestısııalyq joba búgin júzege asqaly otyr. Olar: “Ońtústik” arnaıy ekonomıkalyq aımaqtaǵy “Oxy Textile” men “Hlopkoprom Selıýlloza” fabrıkalary jáne maılaý materıaldaryn óndiretin “Hill” zaýyty. Sonymen qatar, aǵymdaǵy jyldyń ekinshi jartyjyldyǵynda 7 ındýstrııalyq nysandar ashylatyn bolady. Atalǵan jobalardyń jalpy quny 51,5 mlrd. teńge. Jańadan 2781 jumys orny ashylady. Bul kásiporyndardyń iske qosylýy bizdiń óńir ekonomıkasynyń damýyna qomaqty úles qosatyn bolady, – deı kelip oblys basshysy Elbasyǵa turǵyndardyń rızashylyǵyn jetkizdi.
Maqta talshyǵynan jylyna 6 myń tonna 20-80 nómirli sapaly jip daıyndaı alatyn seriktestiktiń dırektory Qanaev Nıetbek seriktestiktegi atqarylyp jatqan jumystardy baıandady.
Qazaqstan ekonomıkanyń qarqyndy damý jolyna tústi. Memleket basshysynyń tapsyrmasymen ındýstrııalyq-ınnovasııalyq baǵdarlamany júzege asyrý barysynda osyndaı alyp kásiporyndar jumys jasaı bastady.
Qaraǵandy oblysynan – Aıqyn NESIPBAI:
Buqar jyraý aýdanynyń ortalyǵy Botaqara kentinde jańadan ashylyp jatqan óndiris oryndary jyldan jylǵa ulǵaıyp keledi. Munda keshe Elbasynyń kóz aldynda taǵy bir kásiporyn sapqa qosyldy. “QazTerm” kombınaty qurǵan bolat paneldi jylytý radıatorlary zaýyty jumys isteı bastady. Atynan belgili bolyp turǵandaı, turǵyn úılerge jylý taratatyn zattar jasalady. Qurylys keń qanat jaıǵan aımaq úshin bul óte qajetti ónim. Oblys ákimi Serik Ahmetov málim etkendeı, qazirdiń ózinde tutynýshylar tarapynan 50 mıllıon teńgege tapsyrys túsken. Onyń kólemi aldaǵy ýaqytta ulǵaıa bermek.
Respýblıkalyq ındýstrııalandyrý kartasyna engen 18 jobanyń jyl aıaǵyna deıin 10-y iske asyrylýǵa tıis. Munyń aldynda Jańaarqa, Shet aýdandarynda kómir jáne temir konsentratyn óndiretin kenishter ashylǵan bolatyn. Endi Buqar jyraý aýdanynda boı kótergen jańa kásiporyn óńir ekonomıkasynyń damýyna, jergilikti turǵyndardyń jumysqa qamtylýyna múmkindik týǵyzdy.
Aqmola oblysynan – Baqbergen AMALBEK:
Qazaqstan Respýblıkasynyń Prezıdenti Nursultan Nazarbaevpen ótkizilgen telekópir Aqmola oblysynyń basty ónerkásipti ortalyǵy Stepnogor qalasyndaǵy jańa jylyjaı jaıly baıanmen bastaldy. Munda qazir tórt gektarǵa jýyq alańdy alyp jatqan mańyzdy joba júzege asyrylýda. Onyń bastamashysy da, iske asyrýshysy da “Qazaqstannyń tehnıkalyq tehnologııasy” jaýapkershiligi shekteýli seriktestigi bolyp tabylady.
Memleket basshysymen tikeleı baılanysta Aqmola oblysynyń ákimi Sergeı Dıachenko men atalǵan JShS dırektory Aleksandr Grıbalov soltústik óńirdegi zamanalyq jylyjaı týraly keńinen aqparat berip, jańa óndiris ornyn tanystyrdy. Munda qııar, qyzanaq, taǵamdyq jasyl óskinder oblys turǵyndarynyń dastarqan mázirin tolyqtyratyn bolady. О́nimderdiń jyldyq kólemi 1832 tonnany quramaq. Jobanyń jalpy quny 1 mıllıard 49 mıllıon teńgege baǵalanǵan. Qazir jańa kásiporynda Gollandııa men Reseıden jetkizilgen zamanalyq jabdyqtar qurastyrylýda. Stepnogor qalasynyń 60 turǵynyn turaqty jumyspen qamtyǵan jylyjaı janynan bolashaqta balyq sharýashylyǵy da qolǵa alynbaq.
Oblys ákimi S.Dıachenko Elbasyna sondaı-aq memlekettik ındýstrııalandyrý baǵdarlamasynyń oryndalý barysy týraly baıandady. Aqmolalyqtar baǵdarlama aıasynda 83 mıllıard teńgeniń segiz jobasyn tabysty ıgerýde.
Qostanaı oblysynan – Názıra JÁRIMBETOVA:
Sokolov-Sarybaı ken óndirý birlestigindegi taıaýda ǵana iske qosylǵan metall prokaty zaýytynyń atshaptyrym sehyna telearnalardyń túsirý kameralary ornalastyrylǵan. Qyzyl ottan bosanyp shyǵyp jatqan som temirdiń qyzýy betke uryp, sehtyń ishi ysyp tur. Elimizde tapsyrylyp jatqan ınvestısııalyq jobalar týraly Prezıdent Nursultan Nazarbaevqa tikeleı efırde áńgimelep berý úshin Qostanaı oblysynyń ákimi Sergeı Kýlagın jáne óndiris basshysy Muhamedjan Turdahýnov metall shyǵyp jatqan sehqa keldi. Balqytý jáne quıý peshinen shashyraǵan ot merekelerdegi otshashýdy kózge elestetedi.
Osy ýaqytqa deıin jynystardy qoparyp, ken shyǵaryp kelgen óndiristiń endi metall quıatyn óz zaýyty bar. Onda úzdik tehnologııa qoldanylady. Sonyń arqasynda kásiporyn tek ken baıytyp qana qoımaı, metall óndirýge qol jetkizdi. Munda shyǵarylatyn shaǵyn prokat temir, qurylys armatýralary “Sokolov-Sarybaı óndiristik birlestigi” aksıonerlik qoǵamynyń ishki qajettilikterin óteıdi. Jyl táýligine óndiriletin 75 myń tonna metall qazaqstandyq mazmundy baıyta túsedi. Osyǵan deıin SSKО́B ózi shıkizat jiberetin Reseıden jylyna 100 myń tonna metall prokatyn satyp alatyn. Al bul óndiriske 60 mıllıon dollarǵa túsetin!
Oblys ákimi Sergeı Kýlagın Elbasyǵa oblys ekonomıkasy týraly baıandady.
– Nursultan Ábishuly, oblys ekonomıkasy yrǵaqty damyp keledi, – dedi Sergeı Vıtalevıch. – Ústimizdegi jyldyń qańtar-mamyr aralyǵynda ónerkásip ónimin óndirý kólemi 163 mıllıard teńgeni qurady. Fızıkalyq kólem ındeksi 130 paıyzdan asty. Ústimizdegi jyly ónerkásipke tartylǵan ınvestısııa 19,5 mıllıard teńge nemese ótken jyldyń osy merzimimen salystyrǵanda 159 paıyzdy quraıdy. Mundaı kórsetkish óńirdegi ındýstrııalyq-ınnovasııalyq damýdyń qarqyn alýyna yqpal etedi. Ústimizdegi jyly Qostanaı oblysynda 11 ınvestısııalyq nysan paıdalanýǵa berilmek. Biz sonyń birinde turmyz. Mundaı jobanyń júzege asýy uqsatý ónerkásibi úlesin arttyra túsedi.
Munan keıin “SSKО́B” aksıonerlik qoǵamynyń prezıdenti Muhamedjan Turdahýnov Elbasyna tikeleı efır arqyly temir keni shıkizatyn óndiretin Sokolov-Sarybaı ken óndirý birlestiginiń tek Qazaqstandaǵy ǵana emes, búkil Dostastyq elderi kólemindegi eń iri kásiporyn ekenin aıtty.
– Birlestik baıytyp shyǵaratyn temir keni jentegi men konsentraty naryqta joǵary suranysqa ıe. Birlestik óz ónimin Qaraǵandy men Magnıtogorsk metallýrgııa kombınattaryna artady. Sońǵy jyldary bizdiń ónimimizge Qytaı da mol suranys jasap otyr. Búgin Sokolov-Sarybaı ken óndirý birlestigi óndiristiń joǵary satysyna kóterilip keledi, ol óndiristi metall prokatpen qamtamasyz etedi. Bizdiń jańa zaýytymyz ınvestısııalyq jobalardaǵy qazaqstandyq mazmundy tolyqtyra tústi. Satyp alǵan qymbat, óziń óndirgen arzan ekenin dáleldep berdi.
Aqtóbe oblysynan – Satybaldy SÁÝIRBAI:
Aqtóbe oblysynyń elimizdi ındýstrııalandyrýǵa qosqan úlesinen habardar etetin tikeleı jeli baılanysy Qazaqstandaǵy medısınalyq jáne ónerkásiptik rentgen apparatyn shyǵaratyn birden-bir kásiporyn – “Aqtóberentgen” AQ bazasynda ornalasqan-dy. Qashanda jaqsylyqqa jany qumar aqtóbelikter osy bir sátti asyǵa kútkeni júzderinen ańǵarylyp turdy. Munda rentgen apparatynyń 28 túri shyǵarylady, olar álemniń 23 eli
