NAZARBAEV ÝNIVERSITETI AShYLDY

Keshe elordada Prezıdent Nursultan Nazarbaevtyń qatysýymen jańa ýnıversıtet ashyldy. Memleket basshysy bıylǵy Qazaqstan halqyna Joldaýynda: “Joǵary bilim sapasy eń joǵary halyqaralyq taraptarǵa jaýap berýi tıis. Eldegi joo-lar álemniń jetekshi ýnıversıtetteriniń reı­tıngi­ne umtylýy kerek”, deı kelip, Astanadaǵy Jańa Halyqaralyq Ýnıversıtetke basymdyq bergen edi. Endi, mine, sol bilim ordasy paı­dalanýǵa berilip, álemdik bilim keńistigine enýge jańa qadam ja­salyp otyr. Prezıdent Nursultan Nazar­baev bilim ordasynyń ashylý rá­si­minde bul oqý orny keńes úkime­tinen keıingi keńistikte balamasy joq jańa biregeı bilim berý jo­ba­synyń iske qosylýy ekenin erekshe atap ótti. Ol sonymen birge, elimiz­de Prezıdenttiń “Bolashaq” halyq­aralyq baǵdarlamasynyń jaqsy jumys istep jatqanyn, talapker­ler tórtkúl dúnıedegi beldi de be­deldi oqý oryndaryn bitirip, eli­mizdiń damýyna óz úlesterin qosyp júrgenin, endigi jerde mundaı úrdis óz memleketimizde de ornyǵatynyn, túlekter Otanymyzdyń órken­de­ýine talaby men talantyn jum­saı­tynyna senim bildirip, óziniń aty­men atalatyn teńdessiz oqý ornyna saı bolý árbir jastyń azamattyq paryzy degendi qadap aıtty. Osy arada Elbasy ýnıver­sı­tettiń aıasynda Astanada úsh jańa ǵylymı ortalyq qurylatynyn, naqtylaı tússek, О́mir týraly ǵy­lymdar ortalyǵy, Balama ener­ge­tıkalyq ortalyǵy, Halyqaralyq aspaptyq ortalyǵy jumys isteıtinin de eske saldy. Bıyl bul ýnıversıtetke 500 memlekettik bilim berý granty bólinip otyrǵanyn, ol stýdent­ter­diń oqýyn, tamaqtaný men turǵyn jaıyn óteıtinin, olarǵa sabaq beretin professor-oqytýshylar álemniń myqty elderinen keleti­nin nazarǵa salyp, dúnıe júziniń eń tańdaýly degen 30 ýnıversı­teti­men qazirdiń ózinde 11 kelisim jasalǵanyn tilge tıek etti. Sol jaǵalaýǵa ornalasqan bul oqý orny 80 gektar alqapqa or­na­lasqan. Ǵımarattar men qurylys­tyń birinshi kezeginiń jalpy aýmaǵy 143 myń sharshy metrdi quraıdy. Elbasy osy alyp ǵı­maratty aralap kórip, zamanǵa saı jabdyqtalǵan kitap­hanada bolyp, ǵylymı ıntellı­gensııamen, stý­dent­termen júzdesti. Munymen qatar, Memleket basshysy áriptes sheteldik joǵary oqý oryndary­nyń ókilderimen, Halyq­aralyq konsýltatıvtik, Jańa ýnıversı­tettiń dırektorlar keńes­terimen kezdesý ótkizdi. Kezdesý barysynda halyqaralyq dárejedegi zertteý ýnıversıtetiniń jumysyn uıym­das­tyrýǵa baılanysty ózekti má­seleler talqylandy. Prezıdent sondaı-aq ýnıversıtettiń negizgi qyzmetiniń mańyzdy ustamdaryn aıqyndaıtyn Nazarbaev Ýnıver­sı­tetiniń Deklarasııasyna qol qoıdy. Jalpy, elordany bilim men ǵylym qalasyna aınaldyrý jo­lyn­daǵy Elbasynyń batyl qa­dam­darynyń aıtýly bir jemisi sana­latyn bul oqý orny Prezıdenttiń bastamasy boıynsha barlyq zııatkerlik elıtasyn qalyptastyrý maqsatynda qurylyp otyr. Bul bolashaqta Qazaq eliniń ulttyq brendi bolady. Ýnıversıtettiń akademııalyq jáne ǵylymı saıasaty, eń aldymen oqý ornynyń quramyna kiretin árbir mekteptiń (ınstıtýttyń) álemniń jetekshi joǵary oqý oryndary qatarynan óziniń akademııalyq áriptesiniń bolýyn jáne qýatty ǵylymı, sol sekildi ón­diristik bazaǵa ıe bolý kóz­del­gen. Bul bilim, ǵylym óndiris ara­syndaǵy ózara baılanysty qamta­ma­syz etýge de múmkindik beredi. Alty fakýltet boıynsha: ınje­ne­rııa, jaratylystaný, gýmanıtar­lyq ǵylymdar mektebi, medısına mektebi, magıstratýra jáne RhD baǵdarlamasy, 2012 jyldan bastap memlekettik saıasat jáne bıznes mektebin ashý josparlanyp otyr. Ýnıversıtettiń zamanǵa saı arhıtektýralyq sheshimi batys standarttaryna jaýap beredi. Bar­lyq oqý korpýstary bir-birimen atrıým arqyly baılanysqan. Bul, keshenniń tutastyǵy men arhıtek­týralyq jıyntyǵynyń birligi. Eldiń nazaryn aýdaryp otyrǵan bilim ordasy ýaqyt óte kele tórt­kúl dúnıedegi úzdik oqý oryn­darynyń qatarynan oryn alary esh shúbásiz. Súleımen MÁMET.