Foto: Joǵarǵy Sot
«Oıyl aýdanynda aqyly medısınalyq qyzmetterdiń quny negizsiz qymbattatylǵany anyqtaldy. №073/e anyqtamasy (kólik quralyn basqarýǵa ruqsat alý úshin) jáne №075/e anyqtamasy (medısınalyq kásibı-konsýltasııalyq qorytyndy) 7 705 teńge, al №076/e anyqtamasy (qarý ustaýǵa ruqsat alý úshin) 9 405 teńge bolǵan», dep habarlady oblystyq prokýratýranyń baspasóz qyzmeti.
Anyqtalǵandaı, qyzmet baǵasyna hırýrg, nevropatolog qaraýy jáne Vasserman reaksııasyna qan taldaýy sııaqty qosymsha medısınalyq qyzmetter negizsiz engizilgen.
Sonymen qatar, aýrýhananyń qajetti dıagnostıkalyq jabdyqpen tolyq qamtylmaýy sebebinen naýqastar oblystyq medısınalyq mekemelerge júginýge májbúr.
«Prokýrorlyq qadaǵalaý aktisi negizinde anyqtamalar quny №073/e – 6 000 teńgege, №075/e – 5 000 teńgege, №076/e – 9 000 teńgege tómendetildi», delingen habarlamada.
Sondaı-aq, jetispeıtin jabdyqtardy satyp alý máselesi boıynsha oblystyq densaýlyq saqtaý basqarmasyna ótinim joldanǵan. Nátıjesinde azamattardyń quqyqtary qalpyna keltirilip, jaýapty laýazymdy tulǵalar tártiptik jaýapkershilikke tartyldy.
