Foto: rasp.odessa.ua
Pavlodarda tramvaı deposyna aparatyn kópir mańynda er adamdy poıyz qaǵyp ketti. Qaıtys bolǵan er adamnyń jeke bas málimetteri anyqtalǵan joq, jasy shamamen 40-ta bolýy múmkin.
«Er adamdy poıyz qaǵyp ketkeni týraly aqparat saǵat 20.00-de habarlandy. Jedel járdem brıgadasy oqıǵa ornyna 7 mınýtta jetti. О́kinishke qaraı, medısına qyzmetkerleriniń tez jetýi adamdardy árdaıym ómirden qutqara bermeıdi. Poıyz astyna túsken azamat alǵan jaraqattary saldarynan sol jerde kóz jumǵany anyqtaldy», dep habarlady óńirlik jedel járdem stansasynan.
Pavlodar stansasyndaǵy jelilik polısııa bólimi qozǵalys qaýipsizdigi erejesin jáne temir jol kóligin paıdalaný erejelerin buzyp, abaısyzda kisi ólimine soqtyrǵan qaıǵyly oqıǵa boıynsha qylmystyq is qozǵalǵanyn jetkizdi. Qazirgi ýaqytta tergeý-tekserý is-sharalary júrgizilip jatyr.
