Dostyq úıindegi etnomádenı birlestikter tóraǵalarymen kezdesken jastar Qorqyt Ata atyndaǵy Qyzylorda ýnıversıtetiniń «Kyzylorda Hub» kovorkıng ortalyǵynda «Jasandy ıntellekt: onyń múmkindikteri men áleýeti» taqyrybynda birinshi seksııa jumysyn ótkizdi.
Onyń barysynda jastar men sarapshylar eldiń áleýmettik-ekonomıkalyq damýyndaǵy jastardyń róli, kásipkerlik pen kóshbasshylyqty damytý múmkindikteri, sondaı-aq jastar saıasatynyń ózekti máseleleri týraly pikir almasty. Sonymen qatar, forým aıasynda «Assambleıa jastary» RQB tóraǵasy Tımýr Jumyrbaevtyń qatysýymen Qorqyt Ata atyndaǵy Qyzylorda ýnıversıteti janynan qurylǵan «Stýdenttik Assambleıa» ortalyǵy ashyldy.
Al «Bolashaq» ýnıversıtetindegi seksııalyq otyrys jumysshy mamandyqtardyń mańyzdylyǵyn arttyrýǵa, jastardyń kásiptik baǵdaryn aıqyndaýǵa arnalyp, forým qonaqtary ýnıversıtet ınfraqurylymymen, arnaıy kabınettermen, jylyjaı jumysymen tanysty.
