Bul týraly polısııa departamenti resmı málimdedi.
- Densaýlyqqa zııan keltirý faktisi boıynsha qylmystyq is qozǵaldy. Qazirgi tańda tergeý amaldary júrgizilip jatyr. Kámeletke tolmaǵan quqyqbuzýshy zańdy ókiliniń qamqorlyǵyna tapsyryldy, – delingen resmı habarlamada.
Jasóspirimniń zańdy ókiline balany tárbıeleý mindetterin durys oryndamaǵany úshin ákimshilik jaýapkershilikke tartý sharalary qoldanyldy. Sonymen qatar, Taldyqorǵan qalasy ákimdigi janyndaǵy kámeletke tolmaǵandardyń isteri jáne olardyń quqyqtaryn qorǵaý jónindegi komıssııa jasóspirimdi profılaktıkalyq esepke qoıý týraly usynys engizdi.
Oqıǵa týraly aqparat alǵash áleýmettik jelide taraǵan. Taldyqorǵanda 15 jastaǵy jasóspirim 85 jastaǵy qarııany soqqyǵa jyqqan. Sebebi qarııa óziniń nemere jıenin qorǵap, 10-synyp oqýshysyna eskertý jasaǵan. Zeınetker aýrýhanaǵa jetkizilip, omyrtqasyna zaqym kelgeni anyqtaldy.
