Balalardy túnimen polısııa qyzmetkerleri men eki birdeı eriktiler jasaǵy, uzyn yrǵasy 34 tehnıka, 100-ge jýyq adam izdedi.
Búgin eki jasóspirimniń Rýdnyıdan shyǵyp, Qostanaı aýdanyna qarasty Konstantınov aýylyna jaıaý jetkeni belgili boldy. Osy aýyldyń mańyndaǵy ormanǵa túnep shyqqan balalar búgin tańerteń kúre joldyń boıyna shyǵyp, jergilikti veterınarııa qyzmetiniń avtokóligine otyrǵan.
«Kólik ıesi dereý ýchaskelik polıseıler Jasulan Ábilǵazy men Mahambet Erýbaevqa habarlasqan. Olar kóliktiń markasy men nómirin jazyp alyp, áriptesterine habar jiberedi. Polısııa ınspektory Nursultan Mahın balalar mingen «Nıva» kóligin Sadovyı men Altynsarın eldi mekenderiniń mańynda toqtatyp, eki jasóspirimdi polısııa bólimine jetkizdi. Balalar eshbir zardap shekpegen. Qazir olarmen ıývenaldy polısııa qyzmetkerleri sóılesip jatyr. Jaqyn arada Rýdnyıǵa qaıtarylady», dep habarlady oblystyq PD-nyń baspasóz qyzmeti.
Jasóspirimderdiń biri polısııa qyzmetkerlerine Qostanaıda turatyn anasyna ketip bara jatqanyn aıtqan.
