Tarazda tapanshamen dúken tonaǵandar ustaldy

TARAZ. 11 aqpan. Jambyl oblystyq ishki ister departamentiniń qyzmetkerleri birneshe qylmysqa qatysy bar 22 jáne 23 jastaǵy Taraz qalasynyń jergilikti turǵyndaryn quryqtady. Bul týraly Jambyl oblystyq ishki ister departamentiniń baspasóz qyzmeti habarlady. Bıylǵy jyldyń 27 qańtarynda saǵat 04.30 shamasynda L. men D. esimdi kúdiktiler aldyn-ala sóz baılasyp, oblys ortalyǵyndaǵy Qonaev kóshesinde ornalasqan dárihanaǵa basyp kirgen. Dári-dármek satýshyny qarýmen qorqytý arqyly kúsh qoldanyp, kassadaǵy 50 myńnan asa teńgeni ıelenbekshi bolǵan seziktiler oqıǵa ornynda ustaldy. Oqıǵa oryna shuǵyl jetken Taraz qalasy 3-PB jedel-tergeý toby ustalǵan kúdiktilerden aıǵaq retinde tapansha jáne aqsha aldy. Qaraqshylyq jasaǵan qylmyskerlerdiń ústinen qylmystyq is qozǵalyp, olardy tergeý ızolıatoryna qamaldy. Sondaı-aq, tergeý barysynda kúdikti L. jáne D. ekeýi 24 qańtarda túngi saǵat 03.00 shamasynda Taraz qalasy, Kommýnalnaıa kóshesinde ornalasqan túngi dúkenge shabýyl jasap, satýshyǵa kúsh qoldanyp, dúkenniń kassasynan aqshasyn alǵany da áshkerelendi. Joǵaryda atalǵan derekter boıynsha ustalǵan kúdiktiler ózderiniń jasaǵan qylmystyq áreketterin moıyndady. Qazirgi tańda Qylmystyq kodekstiń 191-baby 2-bóligimen qylmystyq is qozǵalyp, kúdiktilerdiń basqada qylmysqa qatysy bar joǵy anyqtalýda jáne sotqa deıin tergep tekserý amaldary júrgizilýde. Oralhan Dáýit. Derek: Jambyl oblystyq ishki ister departamentiniń baspasóz qyzmeti. Sýret: newskaz.kz.