Almaty.tv dereginshe, qaladaǵy jaǵdaıdy byltyrǵy kóktemgi sý tasqyny odan saıyn qıyndatqan kórinedi. Atyraý turǵyndary sońǵy kezde jándikterdiń shamadan tys kóbeıgenin aıtady. Olar «qyrýar qarjy bólinse de, dezınseksııalaý jumystaryn kórip jatqan joqpyz» dep nalıdy.
Aýa raıynyń kúrt jylynýyna baılanysty masamen kúres jumystary erte bastaldy. Sheneýnikter bul sharýaǵa ashyq konkýrs arqyly eki birdeı kompanııany tartypty.
«Qala aýmaǵyn ekige bóldik. Ashyq konkýrs jarııaladyq. Jeńimpazdar anyqtaldy. Biri 99 mln teńgege qalanyń oń jaǵyn, ekinshi merdiger 93 mln teńgege sol jaǵyn masadan tazartady. Atalǵan qos mekeme jumysty sáýirden bastady. Kópqabatty turǵyn úıler men saıabaqtardy ýlaýǵa bilek sybana kiristi», deıdi TÚKSh jáne Turǵyn úı ınspeksııasynyń bas mamany Eltaı Aıbatov.
Qala ákimdigi masany ýlaý jumystaryna byltyrǵydan 2 ese kóp qarjy bólgen. Aldymen kópqabatty úılerdiń jertóleleri men Jaıyq ózeniniń jaǵasy, sosyn saıabaqtar dezınseksııalanbaq.
