Eńbek jáne halyqty áleýmettik qorǵaý mınıstrligi baspasóz qyzmetiniń málimetinshe, portalǵa joldanǵan ótinishtiń nátıjesinde 167,8 myń ońaltýdyń tehnıkalyq quraldaryn (OTQ), 7,7 myń ymdaý tili qyzmetin, 24,4 myń jeke kómekshiniń, 11,7 myń sanatorıılik-kýrorttyq emdeý qyzmetin aldy.
Múgedektigi bar adamdardy ońaltý quraldarymen qamtamasyz etýde protezdik-ortopedııalyq, sýrdotehnıkalyq, tıflotehnıkalyq, gıgıenalyq quraldar, sondaı-aq oryndyq-arbalar beriledi.
Búginde portalda 703 arnaýly áleýmettik qyzmet kórsetýshi, 979 OTQ jetkizýshisi, 31 myńnan astam jeke kómekshi, 759 ymdaý tili men 129 sanatorıılik-kýrorttyq emdeý qyzmetterin usynýshy tirkelgen.
«2020 jyly elimizde Áleýmettik qyzmetter portaly iske qosyldy. Bul platforma múgedektigi bar azamattarǵa tehnıkalyq quraldar men ońaltý qyzmetterin tikeleı jetkizýshilerden óz betinshe tańdaýǵa ári satyp alýǵa múmkindik berdi. Portaldaǵy qyzmet túrlerine tapsyrys elektrondyq sıfrlyq qoltańba arqyly rastalady. О́zara jasasqan shartqa sáıkes qyzmet alýshy, ónim berýshi, ıaǵnı qyzmet túrin usynýshy tarap óz mindettemelerin buzsa, 14 kúnnen keshiktirmeı portalda tıisti aqparatty jarııalaıdy. Sonymen qatar taýarǵa nemese kórsetiletin qyzmet túrine qatysty bergen tapsyrystan bas tartyp, ózge qyzmet usynýshyny tańdaı alady. Kórsetilgen qyzmetter men taýarlar týraly pikirin jazýǵa quqyly», deıdi Eńbek jáne halyqty áleýmettik qorǵaý mınıstrligi ınklıýzııa departamentiniń bas sarapshysy Janar Tynybekova.
Jetkizýshilerdi tirkeý, tirkeýden shyǵarý sondaı-aq taýarlar men kórsetiletin qyzmetterdi portalǵa ornalastyrý jergilikti atqarýshy organdar janyndaǵy arnaıy komıssııanyń qorytyndysy negizinde júzege asyrylady. Áleýmettik qyzmetter portalynyń máseleleri jónindegi komıssııa ónim berýshilerge monıtorıng júrgizedi. Kórsetiletin taýarlar men qyzmetterdiń sapasyna qatysty múgedektigi bar azamattardyń shaǵymdaryn bes jumys kúni ishinde qaraýmen aınalysady.
