Sýret: aifc.kz
AIX 2020 jyly «Tabys» kompanııasyn qarjylyq saýattylyqty ilgeriletý boıynsha áleýmettik joba retinde iske qosqan. Osy sátten bastap isin jańadan bastaǵan otandyq ınvestorlarǵa qarjy ónimderine, onyń ishinde bırjalyq notalarǵa (ETN), ulttyq kompanııalardyń IPO jáne SPO-ǵa qatysýyna jáne jekelegen jeke kásiporyndardyń oblıgasııalyq shyǵarylymdaryna qol jetkizýge múmkindik týdy.
AHQO Ákimshiliginiń basqarma tóraǵasy Ernar Jańadil «Tabys» jobasyna baqylaý solarda saqtalatynyn, al klıentterdiń shottary burynǵydaı AIX baǵaly qaǵazdar ortalyq depozıtarııinde ornalasatynyn atap ótti. Onyń aıtýynsha, atalǵan mámile qosymshanyń jumysyn jaqsartýdyń qısyndy jalǵasy bolmaq.
«Bizdiń yntymaqtastyǵymyz «Tabys» damýynyń jańa kezeńimen bastalady. 21 myńnan astam azamatqa qyzmet kórsetiledi. Biraq biz ózimizdiń jeke strategııalyq seriktespen birge ónimderdiń keń jelisin usyna alamyz. Osylaısha, barlyq ınvestorda ulttyq kompanııalardyń IRO-sy barysynda aksııalardy satyp alý ǵana emes, sonymen qatar satý, brokerlik kompanııada qazirgi ýaqytta bar ónim jelisin paıdalaný múmkindigi bolady», deıdi.
«Teniz Capital Brokerage» basqarýshy dırektory Erlan Soltanov «Tabys» klıentterine jergilikti ǵana emes, halyqaralyq alańdarda da kapıtaldy tıimdi basqarýǵa múmkindik beretin ınnovasııalyq ónimderdi usynýdaǵy joǵary áleýet týraly aıtyp berdi.
«Árbir «Tabys» paıdalanýshysy jaqyn arada qundy qaǵazdar naryǵyna jaqyndaı túsedi. Bizdiń kompanııalar tobynda kez kelgen paıdalanýshyǵa álemdegi quraldarǵa qoljetimdilikti qamtamasyz ete alatyn barlyq qajetti lısenzııa bar. «Tabys»-tyń jasaǵan jumysy – ınvestısııa úshin alǵashqy qadam. Biz óz tarapymyzdan azamattardy ınvestısııa álemine jetelep, áldeqaıda kúrdeli quraldardy usynýǵa, sondaı-aq halyqtyń qarjylyq saýatyn damytýǵa tyrysamyz», dep atap ótti spıker.
Áriptestik aıasynda «Tabys» paıdalanýshylary Gonkong pen Taıaý Shyǵystaǵy lıstıngi bar quraldarǵa qol jetkize alady. Mobıldi qosymshanyń ózi burynǵydaı jumys isteı beredi. Investısııalyq ónimder jıyntyǵy birtindep keńeıedi. Qoldanystaǵy «Tabys» klıentterine qosymsha tirkeý men qaıta tirkeý rásimderinen ótýdiń qajeti joq. Alaıda keıin broker qaǵıdalarymen qosymsha derekterdi usyný talap etilýi múmkin.
«Tabys» klıentter aldyndaǵy barlyq mindettemeni oryndaýyn jalǵastyrady. Sondaı-aq qosymshany paıdalanýshylar AHQO-daǵy retteýdiń barlyq artyqshylyǵyn da paıdalana bermek.
ALMATY
