Berik yntymaqtastyq alańy

Kezdesý barysynda syrt­qy saıası vedomstvolardyń basshylary halyqaralyq kún tár­tibindegi ózekti máseleler bo­ıynsha pikir almasyp, Dostastyq sheńberindegi ózara is-qımyldyń jaı-kúıi men perspektıvalaryn pysyqtady. Qazaqstan Premer-mınıstriniń orynbasary – Syrtqy ister mınıstri Murat Nurtileý Táýelsiz Memleket­ter Dostastyǵy elder arasyn­daǵy keshendi baılanys­tardy tereńdetýdiń ortaq alańy ekenin aıtyp, bul baǵyttaǵy áriptestik baılanystar nyǵaıa bere­ti­ni­ne senim bildirdi. SIM bas­shy­sy Qazaqstan Uıymdy odan ári damytýǵa múddeli jáne onyń kópqyrly áleýetin nyǵaıtýǵa nıetti ekenin atap ótti.

Sondaı-aq M.Nurtileý qa­ty­sý­­shylardy TMD aıasyn­daǵy yntymaqtastyqtyń ár­túrli aspektileri boıynsha elimizdiń ustanymdary týraly habar­dar etip, Uıym­dy odan ári damy­týǵa baǵyttal­ǵan birqatar usy­nys­ty orta­ǵa saldy. Bul rette Uıym­nyń ıns­tıtýsıonaldyq damýyna, úılestirý mehanızmderin jetil­dirýge jáne Dostastyq aıasynda Qazaqstan Prezıdenti Qasym-Jomart Toqaev usynǵan basta­malardy iske asyrýǵa erekshe nazar aýdarylǵany aıtyldy.

Jıynda Qazaqstan bastamalaryn júzege asyrýda Dostastyq boıynsha seriktesterdiń qoldaýy erekshe atalyp ótti.

«Elimizdiń usynysy boıynsha búgingi tańda Volonterler forýmy, Dostastyq jármeńkesi, TMD Akademııalyq astanasy jáne basqa da kóptegen joba sııaq­ty aýqymdy is-sharalar bir­les­ken kúsh-jigerdiń arqa­syn­­da iske asyrylyp jatyr ári ja­qyn bolashaqta ótkizýge jos­­par­l­an­ǵan», dep málimdedi M.Nurtileý.

Uly Otan soǵysyndaǵy Je­ńis­tiń 80 jyldyǵy qarsańyn­da TMD elderiniń birqatar qala­sy­na, sonyń ishinde Astana, Almaty, Qara­ǵandy jáne basqa da qa­la­larǵa «1941–1945 jj. Eńbek dań­qy qalasy» qurmetti ata­ǵyn berý týraly sheshim kelisildi.

Dástúrli dostyq atmosferasynda órbigen aýqymdy jıyn aıa­sy­nda SIM basshysy Reseı Fede­ra­sııasynyń Syrtqy is­ter mınıstri Sergeı Lavrov­pen kezdesý ótkizdi. Kezdesýde saýda-ekonomıkalyq baılanys­tardy nyǵaıtý máse­lesi­ne aı­ryqsha nazar aýdaryldy. Stra­­tegııalyq mańyzy bar sala­lar­da – kólik jáne logıstıka, ener­­­getı­ka, metallýrgııa, mashına ja­saý, óner­kásip jáne aýyl sha­rýa­­­shy­lyǵy baǵyttarynda mem­le­ket­aralyq seriktestiktiń oń dı­na­mıkasy atalyp ótti.

2024 jyldyń qorytyndysy boıynsha eki el arasyndaǵy ózara taýar aınalymy 27,8 mlrd dollardy qurap, ótken jyl­men salys­tyrǵanda 2,8%-ǵa ós­ken. Osyǵan oraı taraptar bul kór­set­kishti aldaǵy ýaqytta 30 mlrd dollarǵa deıin jetkizýge múddeli ekenin jetkizdi.

Mınıstrler sondaı-aq eki­jaqty strategııalyq seriktes­tikti jan-jaqty damytýǵa ózara be­ıil ekenin bildirip, halyqaralyq jáne óńirlik uıymdar aıasyndaǵy úılestirilgen is-qımylǵa erekshe mańyz berilgenin aıtty.

«Qazaqstan – senimdi odaqta­sy­myz jáne kórshimiz. Memleket basshylary aıqyndaǵan baǵyt­ty negizge ala otyryp, biz árda­ıym eki­jaqty jáne halyqaralyq alań­darda bir-birimizge qoldaý kórsetip kelemiz», dedi S.Lavrov.

Uıymǵa múshe memleketter ókilderiniń sheshimimen Syrtqy ister mınıstrleri keńesiniń kele­si otyrysy 2025 jylǵy qazan aıyn­da TMD Memleket basshylary sammıti qarsańynda Dýshanbe qalasynda ótetini málim boldy.

ALMATY