Sharýa qojalyǵynyń tóraǵasy Nurlybek Jaıynbaevtyń aıtýynsha, 45-50 kúnde pisetin «Pekınka» qyryqqabatynyń alǵashqy ónimi jınalyp jatyr. «Aqpan aıynyń sońynda 1 gektarǵa qyryqqabattyń erte pisetin «Magnýs» sortyn ektik. О́nim oıdaǵydaı bolyp otyr. Bul ketken shyǵyndarymyz ben tókken terimizdiń tolyqtaı aqtalǵanyn bildiredi. Qyryqqabatty Reseı federasııasynyń Perm qalasyna jóneltip jatyrmyz», deıdi qojalyq tóraǵasy. «Magnýstyń» ár kelisin egistik basynan 250 teńgeden saýdalap jatqan sharýa jaqynda 2 gektar egistigine ekken «Zarısma» oramjapyraǵynan da ónim alatynyn aıtady. Odan bólek, taǵy 6 gektarǵa qaýynnyń «Aeroport» sortyn egýge daıyndalyp jatyr.
Jetisaı aýdandyq aýyl sharýashylyǵy jáne jer qatynastar bóliminiń málimetinshe, bıyl 1158 gektar aýmaqqa erte pisetin qyryqqabat egilip, boljam boıynsha 50 myń tonnaǵa jýyq ónim alý josparlanyp otyr. «Zarısma», «Valıkor», «Magnýs», «Rında», «Zakaz» syndy qyryqqabat sorttary egilgen alqaptyń 893 gektaryna sý únemdeý tehnologııasy engizilgen. Negizinen erte pisetin qyryqqabattyń basym bóligi Reseı, Belorýs jáne Eýropa elderine eksporttalady.
Túrkistan oblysy
