Foto: depositphotos.com
Oblystyq sottyń málimetinshe, 2023 jylǵy 18 qazanda Sh. «B» balabaqshasyna tárbıeshi bolyp jumysqa qabyldanǵan.
Oqıǵa kezinde balalar akvarelmen sýret salyp jatqan. Sol sátte tárbıeshi 2022 jyly 12 tamyzda týǵan tárbıelenýshi M-nyń boıaýdy aýzyna salyp jatqanyn baıqap, eskertý jasap, balanyń ernin qolymen urǵan. Keıinnen ony jelkesinen uryp, ornynan turǵyzyp, jýynatyn bólmege jetektemek bolǵan. Sol kezde balany jelkesinen ustap, alǵa ıterip jiberip, qulatyp alǵan. Keıin ony qolynan tartyp turǵyzyp, bólmege alyp ketken.
Sot otyrysynda Sh. óz kinásin moıyndamaǵan. Ol balany tek qatty kótergenin, biraq urmaǵanyn aıtqan. Alaıda sotta qaralǵan beınebaqylaý jazbalary men ózge de dálelder tárbıeshiniń kinásin tolyqtaı dáleldegen.
«Sot úkimimen Sh. QK-nyń 140 babynyń 2-bóligimen kináli dep tanylyp, oǵan pedagogıkalyq laýazymdardy jáne kámeletke tolmaǵandarmen jumys isteýmen baılanysty laýazymdardy atqarýǵa 3 jylǵa tyıym salýmen qosa, 80 saǵatqa qoǵamdyq jumystarǵa tartý jazasy taǵaıyndaldy. Sonymen qatar, kámeletke tolmaǵan jábirlenýshiniń zańdy ókiliniń paıdasyna keltirilgen moraldyq zııan úshin 200 000 teńge óndirildi», delingen habarlamada.
Sot úkimi áli zańdy kúshine engen joq.
