Qostanaıda bir alaıaq 62 jastaǵy áıeldi aldamaq bop, TikTok-ta ózin áıgili akter Kıaný Rıvz dep tanystyrǵan. Onymen jarty jyldaı hat almasqan. «Kıaný» bir kúni kómek surap, 400 dollar jiberýdi ótingen.
Apaı bankke baryp, aqsha aýdarmaq bolady. Abyroı bolǵanda, bank qyzmetkerleri kúdiktenip, shottyń oıyn kompanııasyna tıesili ekenin anyqtaıdy. Áıel alaıaqtan aman qaldy. Bul jaǵdaıdan ne uǵamyz? Alaıaqtyqtyń keń taraǵan túri – tanymal adamdardyń atynan hat jazý. Bir qyzyǵy, buǵan halyq erip, jıi aldanyp jatady. Sondyqtan bireýge aqsha jibermes buryn, durystap oılanǵan abzal. Beıtanys adamnyń shuǵyl ótinishi – kóbine alaıaqtyq belgisi.
