Is-sharaǵa Qorǵanys mınıstriniń orynbasarlary, vedomstvonyń qurylymdyq bólimsheleriniń basshylary qatysty.
Qorǵanys mınıstri general-polkovnık Rýslan Jaqsylyqov Qazaqstan armııasynyń halyqaralyq arenadaǵy bedelin arttyrýǵa qosqan úlesi úshin birikken rotanyń áskerı qyzmetshilerine alǵysyn bildirdi. Mınıstr bitimgerlik mıssııaǵa qatysý áskerı daǵdylardy ǵana emes, sonymen qatar dıplomatııanyń, shydamdylyq pen adamgershiliktiń joǵary deńgeıin talap etetinin atap ótti.
«Sizder Golan jotalarynda jaýapty mıssııany oryndap, elge abyroımen oraldyńdar. Sizderdiń endigi mindetteriń – kúrdeli mıssııa barysynda jınaǵan tájirıbeni berý. Bul Qarýly kúshterdi odan ári nyǵaıtýǵa yqpal etedi», dep atap ótti vedomstvo basshysy.
Áskerı boryshyn minsiz oryndaǵany jáne halyqaralyq qaýipsizdikti nyǵaıtýǵa qosqan úlesi úshin ulttyq bitimgershilik kontıngentiniń birinshi quramynyń barlyq áskerı qyzmetshileri «Bitimgershilik operasııalaryna qatysqany úshin» medalimen marapattaldy.
«El qorǵany» medalin 22750 áskerı bólimi avtokólikpen qamtamasyz etý tobynyń tehnık-júrgizýshisi starshına Azamat Saǵyndyqov pen barlaý tobynyń serjanty – 22750 áskerı bólimi arnaıy maqsattaǵy komandasynyń jaýyngerlik jáne dene shynyqtyrý daıarlyǵy jónindegi nusqaýshy serjant Temirlan Maýsymbaev aldy.
Qorǵanys mınıstrligi Bitimgerlik operasııalar ortalyǵynyń medısınalyq qyzmet serjanty – sanıtarlyq nusqaýshysy aǵa serjant Ardaq Kúrtebaeva men Bas áskerı klınıkalyq gospıtali anestezıologııa jáne reanımasııa bólimshesiniń aǵa mamany efreıtor Aıkerim Seserhan adal qyzmeti úshin «Qazaqstan Respýblıkasy Qarýly kúshteriniń úzdigi» tósbelgisimen marapattaldy. Kásibı biliktiligi jáne jaýapty isi úshin 58012 áskerı bólimi ınjenerlik-saperlik rotasynyń serjanty 3-synypty serjant Madııar Stamshal «Mınasyzdandyrýdaǵy erligi úshin» tósbelgisimen marapattaldy.
22750 áskerı bólimi arnaıy maqsattaǵy barlaý tobynyń mergeni leıtenant Muhıt Jolaýshıevke merziminen buryn «aǵa leıtenant» ataǵy berildi.
Kezdesý barysynda qorǵanys vedomstvosynyń basshysy qolbasshylyqqa tájirıbeni jınaqtaý, jeke quramdy daıyndaý boıynsha usynystardy qalyptastyrý, bitimgerlik mıssııalardyń taktıkasyna, strategııasyna jáne praktıkalyq qyzmetine túzetýler engize otyryp, keshendi baǵalaý júrgizý jóninde birqatar tapsyrmalar berdi.
