Taldyqorǵan qalasynyń polısııasyna turǵyn úılerdiń biriniń janynda kúdikti adamdardyń júrgeni týraly habarlama túsken. Azamattar quqyq qorǵaý organdarynan tekserýdi suraǵan.
Oqıǵa ornyna jedel túrde patrýldik polısııa jasaǵy baryp, Eskeldi aýdanynan kelgen 17 jáne 18 jastaǵy eki jasóspirimdi ustaǵan. Tekserý barysynda olardyń Taldyqorǵan aýmaǵynda esirtki taratýmen aınalysqany anyqtaldy.
Jeke tintý kezinde kúdiktilerdiń birinen aq tústi untaq tárizdes zaty bar eki zıp-paket tabylyp, tárkilendi. Onyń aıtýynsha, bul – «Mefedron» esirtkisi. Al ekinshi kúdiktiden osyndaı zat salynǵan 95 zıp-paket tárkilendi.
Tergeý barysynda jasóspirimder tyıym salynǵan zattardy jasyrǵan oryndaryn kórsetti. Polıseıler qosymsha 21 zıp-paket taýyp, tárkilegen. Jalpy, 116 oram esirtki zattary tárkilendi.
«Qazirgi tańda tergeý amaldary jalǵasýda. Eki kúdikti qamaýǵa alyndy. Polısııa zańsyz esirtki aınalymy, sonyń ishinde esirtkini «jasyryn» qoıyp ketý ádisi aýyr qylmys sanatyna jatatynyn jáne oǵan múlkin tárkileı otyryp, 10 jyldan 15 jylǵa deıin bas bostandyǵynan aıyrý jazasy qarastyrylǵanyn eske salady», - delingen oblystyq PD habarlamasynda.
