Alqaly jıyndy «Azııalyq Júrek pen Mı Qoǵamy» qoǵamdyq birlestigi, Almaty Qalalyq jedel shuǵyl kómek kórsetý aýrýhanasy men Insýlt máseleleri jónindegi respýblıkalyq úılestirý ortalyǵy birlesip uıymdastyrdy.
Nevrologııalyq aýrýlardy dıagnostıkalaý, emdeý jáne ońaltý máselelerin pánaralyq turǵydan talqylaýdy maqsat tutqan forýmǵa Qazaqstan, Reseı, Ýkraına men AQSh elderinen kelgen 300-ge jýyq maman – nevrologtar, kardıologtar, psıhıatrlar, terapevter men ońaltýshy dárigerler qatysty.
Almaty Qalalyq jedel shuǵyl kómek kórsetý aýrýhanasynyń dırektory, medısına ǵylymdarynyń kandıdaty, qaýymdastyrylǵan professor Almaz Djývashev konferensııany ashyp, nevrologııa salasynda mýltıdıssıplınarlyq kózqarastyń mańyzdylyǵyna toqtala otyryp: Medısına damyp, jańa dıagnostıkalyq jáne emdeý ádisteri engizilgenine qaramastan, atalǵan aýrýlardyń beleń alyp kele jatqany baıqalady. Máselen, Qazaqstanda jyl saıyn 42 myńnan astam jańa ınsýlt jaǵdaıy tirkeledi. О́kinishke qaraı, bul kórsetkish tek ósip qana qoımaı, onyń ústine aýrý «jasaryp» barady. Buryn ınsýlt jasy kelgen adamdardyń ǵana derti sanalyp kelse, búginde ol 40 jasqa deıingi azamattar arasynda da kezdesip otyr.
Bizdiń klınıka ujymynyń úılesimdi jumysynyń, jańa emdeý tásilderi men ádisteriniń engizilýiniń arqasynda jalpy ólim-jitimdi 13,3%-ǵa tómendetýge qol jetkizdik. BMQ (bas-mı qanaınalymy) boıynsha ólim-jitim 29%-ǵa, ınsýlt boıynsha – 23%-ǵa azaıyp, 4,7%-dy qurady. Bul – elimiz boıynsha ortasha kórsetkishten tómen», dedi
Forým baǵdarlamasynda jetekshi sarapshylardyń baıandamalary usynyldy. Olardyń qatarynda QR Densaýlyq saqtaý mınıstrliginiń bas nevrology, professor Sáýle Týrýspekova, QazUMÝ professory Erkin Nurǵojaev, Oklahoma ýnıversıtetiniń (AQSh) professory Evgenıı Sıdorov, Reseıdiń «Dáleldi nevrologııa qoǵamynyń» prezıdenti Oleg Vınogradov, sondaı-aq Ýkraınadan kelgen professor Marına Treshınskaıa bar.
Almaty Qalalyq jedel shuǵyl kómek kórsetý aýrýhanasy atynan ınsýltti dıfferensıaldy dıagnostıkalaý seksııasynda joǵary sanatty nevrolog jáne qoǵamdyq densaýlyq saqtaý magıstri Lázzat Aıaǵanova baıandama jasap, Kreıtsfeldt-Iаkob aýrýynyń ınsýltke uqsas klınıkalyq jaǵdaıyn mysal retinde usyndy.
Qatysýshylar arasynda tamyrlyq kognıtıvti jetkiliksizdik, psevdoınsýlttik jaǵdaılar, somatoformalyq buzylystar taqyryptary men zamanaýı neıroońaltý ádisteri erekshe qyzyǵýshylyq týǵyzdy.
Konferensııa medısınalyq qaýymdastyq úshin mańyzdy sharaǵa aınalyp, mı aýrýlaryna keshendi qaraýdyń mańyzyn aıqyn kórsetti.
