Eldi eńbekpen qamtý qalaı júzege asýda?
Elimizge aýyr salmaǵyn sezdirgen 2008 jylǵy álemdik daǵdarystan keıin halyqty eńbekpen qamtý isin júıelep, qolǵa alý maqsatynda Elbasynyń tapsyrmasyna sáıkes Úkimet «Jumyspen qamtýdyń jol kartasy-2020» baǵdarlamasyn ázirlegen bolatyn. Bul baǵdarlamanyń tıimdiligi salǵan betten óz kórinisin berdi. Baǵdarlama alǵashqy júzege asyrylǵan jyldyń ózinde elimiz boıynsha kóptegen jumys oryndary quryldy. Ol keıingi kezde jıilep ketken álemdik, óńirlik daǵdarystardan qarapaıym halyqty qorǵaýdyń, áleýmettik-ekonomıkalyq jaǵdaıdy turaqtandyrýdyń ózindik bir tıimdi tásiline aınaldy.
Baǵdarlamanyń 2014 jylǵy oryndalý qorytyndysy
«Jumyspen qamtýdyń jol kartasy-2020» sharalaryn respýblıkalyq qarjylandyrý kólemi 2014 jyly 94,5 mıllıard teńgeni qurady. Baǵdarlamaǵa qatysýǵa tilek bildirýshilerdiń sany atalǵan jyly 212,7 myń adam boldy. Olardyń 193,7 myńy baǵdarlamanyń qatysýshylaryna aınaldy. Baǵdarlamaǵa qatysýshylar arasynda áleýmettik kelisimderge qol qoıǵan jumyssyzdar sany – 113 191 adam (58,4 paıyz), ózin-ózi jumyspen qamtyǵandar – 79 308 adam (40,9 paıyz). Al 1240 adam (0,6 paıyz) ishinara jumyspen qamtyldy. Baǵdarlamaǵa qatysýshy 29 jasqa deıingi jastar úlesi 43,5 paıyzdy qurap, 84,269 adamǵa jetti. Áıelderdiń úlesi 48,2 paıyz (93 309 adam) boldy. 2014 jyldyń ishinde baǵdarlamany júzege asyrý aıasynda 167,2 myń adam jumysqa ornalastyryldy. Onyń 92,2 myńyn aýyl adamdary qurady. Sonyń ishinde 151 myń adam turaqty jumyspen qamtyldy. Sonymen qatar, memlekettik sharalar qoldaýynsyz, ıaǵnı naryqta bar bos jumys oryndaryna 87,3 myń adam tartyldy.
Baǵdarlamanyń atalǵan baǵyty jumys berýshiniń qajet etý aıasynda eńbek resýrstaryn shoǵyrlandyrý máselesin qarastyratyndyǵy belgili. Osy isti júzege asyrý úshin baǵdarlamany júzege asyrý isi qolǵa alynǵannan beri 5 377 páterge eseptelingen 1 337 úıdiń qurylysy qolǵa alyndy. Munyń 1 225-in jeke turǵyn úıler, 100-in kóppáterli úıler quraıdy. Sonymen qatar, 12 jataqhana bar.
2015 jyldyń 1 qańtarynda 1 295 úıdiń (4 884 páter) qurylysy aıaqtaldy. Baǵdarlamaǵa qatysýshylar men olardyń otbasylary 1 244 úıge (4 729 páterge) nemese iske qosylǵan turǵyn jaılardyń 96,1 paıyzyna ornalastyryldy.
42 úıdiń (493 páterdiń) qurylysy jalǵasýda.
2011-2014 jyldar aralyǵynda 16,1 myń adam kóshirildi. Munyń 3 456 adamy 2014 jyly qonys aýdardy. Jalpy, kóshirilgenderdiń 7,8 myńy eńbek jasyndaǵylar bolsa, olardyń 6,1 myńy nemese 78,3 paıyzy jumysqa ornalastyryldy.
Kóshirilgen otbasylarǵa jol shyǵyndary úshin 26,5 mıllıon teńgeniń sýbsıdııasy tólendi. Sóıtip, qarastyrylǵan qarjynyń 97,7 paıyzy ıgerildi.
Suńǵat Álipbaı,
Amangeldi Qııas (ınfografıka),
«Egemen Qazaqstan».
