Boıaýlar úılesimi

Akvarel boıaýy – kes­kin­­de­medegi eń kúr­deli ádis­ter­diń biri. Ol mınımaldy quraldar men maksımaldy mánerdi paıdalana otyryp, álemdi barlyq tús­terde, názik ári shynaıy túrde kórsete alady. Osynaý jeńil ári qozǵalmaly keskindeme tehnıkasy erekshe sheberlik pen shydamdylyqty talap etetini taǵy bar. Uıym­dastyrýshylar dástúrli joba­nyń aıasy jyldan-jylǵa keńip, usynylǵan jumys­tardyń maz­mun-máneri sal­maqtana túskenin aıtady.

«Keıingi kezderde jer-jerde beıneleý óneriniń barlyq salasyn qamtyǵan jeke adamdardyń kórme­leri ıakı toptyq kórme­ler úzdiksiz ótip jatyr. Bul – halyqtyń ónerge degen qul­shynysyn, álemge degen kóz­qarasyn qalyptastyratyn dúnıeler. Kórme ótkizýshiler sanǵa emes, sapaǵa jumys isteı bastady. Kórmege qoıylǵan jumystardyń arasynan kóńilge qonatyn, júrekti qozǵaıtyn týyndy­lardy kez­destirdik. Munda kásibı sheberler de, ónerden órnek izdegen jas talanttar da bar. Maıly boıaýda ket­ken qatelikterdi qaıta túzeý­ge bola­dy, al akvarelde ol múm­kin emes, bir detaldan aýyt­qyp ketseń, qaıta jazýǵa týra keledi. Bul janr sonysymen kúrdeli. Boıaýdyń úılesimin sezinbeseń bári beker», deıdi sýretshi Toqqoja Qojaǵulov.

Elimizde akvarel kór­meleri sırek uıym­das­tyrylady. Soǵan qara­mastan oǵan kelýshiler men akvarel sheberleriniń shyǵar­ma­shylyǵyna qyzyǵa­tyn­dar az emes. Akvareldik kes­kin­demeniń san alýan janrlary men máneriniń tutas spektrin kórsetetin joba sáýirdiń sońyna deıin jalǵaspaq.

«Bul – mýzeımen birlesken jobamyz. Kórmege 110 jumys qoıyldy. Eń egde sýret­shimiz 84-te bolsa, kórmege qatysý­shy­­la­r­dyń eń jasy on segiz­de. Olardy biriktiretin ortaq qun­dylyq – ónerge degen súıis­p­en­shi­lik. Almatyda qanat qaqqan joba tutas res­pýblıkany qamtyp otyr. Táýelsizdik al­ǵannan beri akvarel men kes­kin­demege asa mán berilgen joq. Son­dyq­tan da bul sala­larǵa sura­nys ta az boldy. Kórmeni uıym­das­tyrýdaǵy maqsatymyz osy­naý erekshe janrdyń órisin keńeıtýge baǵyttalyp otyr», deıdi joba jetekshisi, «Sýret­shi­ler akademııa­sy» QQ vıse-prezıdenti Marlan Nysanbaev.

Kórmege qatysýshylardyń qata­rynda belgili sýretshiler, óner qaı­ratkerleri, О́ner aka­demııasynyń aka­demık­teri men sýretshi-pedagogter bar.

ALMATY