SYBAILASTYQPEN KÚRESTIŃ AIаSY KEŃEIýDE

Býrabaı kentindegi “Oqjet­pes” shıpajaıynda “Sybaı­las­tyqqa qarsy turýdyń halyqara­lyq mehanızmderi men tetikteri” taqyrybynda eki kúndik kon­fe­rensııa bolyp ótti. Ony Qazaq­stan respýblıkasynyń ekono­mı­kalyq jáne sybaılas jem­qor­lyqpen kúres Agenttigi, EQYU-dyń Astana qalasyndaǵy Orta­lyǵy, BUU damý Baǵdarlamasy jáne “Transparency KazacHstan” qoǵamdyq Qory uıymdastyrdy. Halyqaralyq konferensııaǵa álemniń qyryqtan astam eliniń ókilderi qatysty. Delegattar qatarynda Germanııa, Armenııa, Belgııa, Danııa, Italııa, Kenııa, Kongo, Makedonııa, Ispanııa, Anglııa, Túrkııa jáne basqa mem­lekettik belgili qoǵam qaırat­kerleri, bıznes-assosıasııalar­dyń, úkimettik emes, halyqara­lyq jáne akademııalyq uıym­dardyń ókilderi boldy. QR ESJQA Tóraǵasy Qaırat Qojamjarov konferen­sııany shaqyrýǵa túrtki bolǵan jaǵdaı halyqaralyq qaýymdas­tyqtyń osynaý keselmen kúres­tegi múddelestigi men qazaqstan­dyq tájirıbege qyzyǵýshylyq­tan týyndaǵanyn atap ótti. Byl­tyrǵy jyldyń kúzinde res­pýb­lıka Prezıdenti N.Nazarbaev­tyń qatysýymen shaqyrylǵan sybaılas jemqorlyqqa qarsy konferensııada baǵaly pikirler ortaǵa salyndy. Elbasy basta­masymen iske asyrylyp jatqan jańa model Eýroparlament depýtattarynyń nazaryna usy­nyldy. Qazaqstanda sybaılas­tyqpen kúrestiń álemdik stan­darttary qoldanylatyndyǵyn BUU-dyń arnaıy Konvensııasyn maquldaǵanymyzben dáleldeýge bolady. Sondaı-aq, búgingi kon­ferensııa ortaq kúrestegi ynty­maqty baılanystarymyz ny­ǵaıyp, ony tejeýdegi tegeýirindi tásilder qolǵa alynǵandyǵyn kórsetedi. EQYU Astanadaǵy ókildigi­niń basshysy Aleksandr Kel­chevskıı Qazaqstan sońǵy on jylda óziniń sybaılastyqpen kúres zańdylyqtaryn álemdik standarttarǵa jaqyndatqanyna nazar aýdardy. Bul bizdiń Or­talyq tarapynan únemi qoldaý taýyp keledi. Sybaılastyq mem­lekettiń bedeline nuqsan kel­tiredi. Halyqaralyq qaýymdas­tyq Qazaqstanda sybaılas jemqorlyqqa qarsy táýelsiz keńestiń jumys isteı bastaýyn jaqsy tájirıbe sanaıdy. Onyń quramyna qazirdiń ózinde 15 qoǵamdyq uıym enip otyr. BUU damý baǵdarlamasynyń Qazaqstandaǵy turaqty ókiliniń orynbasary Stelıana Nedera osynaý baǵdarlamanyń bizdiń elimizde tabysty júzege asyry­lyp jatqanyn saraptama derek­termen atap kórsetti. Respýb­lıkamyzda 2009 jyly qurylǵan jumys toby kóptegen qundy usynystarǵa jol ashqany belgili boldy. “Transparency KazacHstan” qoǵamdyq Qorynyń atqarýshy dırektory Sergeı Zlotnıkov qoldanylyp jatqan sharalardyń qaıtarymyn kúsheıtý qajettigine toqtaldy. Tabıǵı resýrstarǵa baı memleketterde sybaılastyq múmkindikteri de mol. Búgingi konferensııanyń Qazaqstanda shaqyrylýy bul eldiń sybaılas­tyqtyń teris kórinisterimen kúresýde halyqaralyq proses­ter­den shet qalmaýdy nysana sanaıtynyn bildiredi. Kúres árdaıym ashyqtyǵymen jáne qoǵam músheleriniń belsendi aralasýymen pármendi bolmaq. Buǵan qosa, ekonomıkalyq tar­tymdy memleketterge esirtki trafıgi, adamdardyń zańsyz kóshi-qony jáne qarý saýdasy qaýip týǵyzady. Sondyqtan, búgingi dıalogta osy máseleler aıryqsha nazarda ustalǵany jón. Konferensııanyń plenarlyq májilisteri men semınarlardy Qazaqstannyń jáne basqa mem­leketterdiń tájirıbesi tanysty­rylyp, pikir almasýlar qyzý túrde óristedi. Baqbergen AMALBEK. Aqmola oblysy.