19 sáýir kúni tańǵy saǵat 06.30-da Pavlodar qalasynyń 102 qyzmetine 15 jasar qyz bala habarlasyp, ákesiniń anasyn uryp-soǵyp jatqany týraly habarlaǵan. Qyz bala ataǵan mekenjaıǵa polısııa kapıtany Almaz Jaqypov pen polısııa leıtenanty Tólegen Isındi dereý jiberiledi.
- Qyzmetkerlerdi úıdiń kireberisinde habarlasqan qyzdyń ózi qarsy aldy. Ol ákesi ózin uryp-soqqanyn, odan soń páterde anasyn jábirlep jatqanyn jetkizgen. Polıseıler kirgen kezde mas kúıde bolǵan 40 jastaǵy er adam qatty qarsylyq kórsetip, polısııa kapıtany Almaz Jaqypovtyń sol qolynyń býynyna pyshaq salǵan. Polıseı jaraqat alǵanyna qaramastan janjalqor otaǵasyny zalalsyzdandyryp, ustady,-dep habarlady óńirlik polısııa departamentiniń baspasóz qyzmetinen.
Zardap shekken polıseıge medısınalyq kómek kórsetilgen. Sarapshynyń qorytyndysyna sáıkes, buzaqy er adam ortasha dárejede mas bolǵan. Polıseılerge shabýyl jasaý deregi boıynsha QR Qylmystyq kodeksiniń 380-baby (Bılik ókiline qatysty zorlyq-zombylyq qoldaný) jáne 109-1-baby (Uryp-soǵý) boıynsha qylmystyq ister qozǵaldy.
Pavlodar oblysy
