Aýdan ortalyǵynan 90 shaqyrym qashyqtyqta ornalasqan Nura eldimekeni byltyrǵy Torǵaı men Yrǵyz ózenderiniń tasýynan qatty zardap shegip, birneshe turǵyn úı men Temirbek Júrgenov atyndaǵy orta mektep ǵımaraty sý astynda qaldy. Jaz ortasyna deıin sý ortasynda qalǵan mektep ǵımaraty múlde jaramsyz jaǵdaıǵa jetti.
Baspanalary sýǵa ketken turǵyndarǵa Nura aýylynyń irgesindegi Saryoba degen qyrattan birneshe úı salyna bastaǵanda, jeke ınvestor «Qýanyshbek» JShS-i esebinen 100 oryndyq mektep qurylysy bastalyp, az ýaqytta paıdalanýǵa berildi. Sonymen qatar mektep janynda búldirshinderge arnalǵan ortalyq ta salyndy.
Qazirgi kezde 105 oqýshy jańa mektepte oqý jylyn aıaqtaýǵa jaqyn. Nysan aldaǵy ýaqytta memlekettik menshikke alynbaqshy. Nura eldimekeniniń turǵyndary jańa baspanada turý múmkindigine ıe bolǵan qýanyshtaryn jetkize otyryp, kóktemgi-kúzgi laısańda júrýge múlde jaramaıtyn «Yrǵyz-Nura» tasjolyn jóndeýdi surady. О́ńir basshysy aýylishilik joldy jóndeý jaqyn aralyqta josparǵa engiziletinin, onymen qosa Nura aýylynda mádenıet úıi, dárigerlik ambýlatorııa salynatynyn aıtty.
Aqtóbe oblysy.
