Analar keńesiniń alǵa qoıǵan maqsaty kóp

Qazirgi ýaqytta árbir úıge, árbir otbasyna qazaqstandyq kelisim mádenıeti men beıbitshiliktiń negizgi qaǵıdattaryn jetkizý óte mańyzdy. Bul shara belsendi áreketti qajet etedi. Osy oraıda M.H.Dý­latı atyndaǵy Taraz memlekettik ýnıver­sıte­tinde Qazaqstan halqy Assambleıasy Jambyl oblysyn­daǵy Analar keńesiniń keńeıtilgen otyrysy ótti. Elbasy, Qazaqstan halqy Assambleıa­synyń Tóraǵasy N.Nazarbaev: «Bir halyq – bul barly­ǵymyz úshin ortaq otan. Bir taǵdyr – bul biz birge júrip ótken qıyndyqtar men jeńister!», dep qoǵamǵa tereń oı salǵany belgili. Analar keńesiniń qurylǵanyna kóp ýaqyt bolmasa da qarqyndy jumys isteýde. Jýyrda onyń belsendi músheleri, etno-mádenı birlestikterdiń ókilderi respýblıkalyq Analar keńesiniń birinshi forýmyna qatysyp, tatýlyq pen yntymaq, beıbitshilik, rýhanııat jáne kelisim mádenıeti barlyq halyqty izgi joldarǵa biriktiretinine kóz jetkizip qaıtypty. Forýmnan alǵan áserleri de erekshe. Analar keńesi qaıyrymdylyq maqsa­tymen kóp balaly, jalǵyzilikti analarǵa, jetim balalarǵa, múgedek­terge, basqa da panasyz adamdarǵa moraldyq jáne materıal­dyq kómek kórsetedi. Turaqtylyqty nyǵaıtyp, otba­sy qundylyqtaryn saqtaýǵa baǵyttalǵan osyndaı is-shara­lar­dy aldaǵy ýaqytta da ótkizý josparlanyp otyr. Oralhan DÁÝIT, «Egemen Qazaqstan». Jambyl oblysy.