Foto: egemen.kz/Erlan Omar
29 sáýirde astanalyq Qazaqstan halqy assambleıasy músheleriniń qatysýymen qalada «О́zge tildiń bárin bil, óz tilińdi qurmette» atty zııatkerlik vıktorına uıymdastyrylady. Osy kúni M.О́temisuly atyndaǵy Oqýshylar saraıynda mektep oqýshylary arasynda «Shattyq» baıqaýynyń gala-konserti ótedi. Munda Qazaqstan halqynyń birligi kúnine oraı «Birligimiz jarasqan» retro-ánder shyrqalady.
S.Seıfýllın atyndaǵy Qazaq agrotehnıkalyq ýnıversıtetinde stýdentter arasynda túrli etnostardyń qatysýymen «Bı óneri – ulttyq mura» atty ulttyq bı baıqaýy ótedi.
30 sáýirde Esil University-de stýdentterdiń qatysýymen «Biz – bir ultpyz» atty dóńgelek ústel, sondaı-aq «Birligimiz jarasqan» festıvali uıymdastyrylady. Sol kúni merekege oraı Tehnıkalyq shyǵarmashylyq ortalyǵynyń tárbıelenýshileri arasynda «Tatýlyq mekeni» atty jalpyqalalyq sýret baıqaýy ótedi.
№3 balalar mýzykalyq mektebinde oqýshylardyń «Meniń elim – Qazaqstan» merekelik konserti, al №1 óner mektebiniń oqýshylary asfalttaǵy sýretter baıqaýynda baq synaıdy.
Máshhúr Júsip atyndaǵy №57 orta mektep qabyrǵasynda dzıýdodan 2013-2014 jyldary týǵan jasóspirimder arasynda qalalyq komandalyq birinshilik ótedi.
№2 Balalar mýzykalyq mektebiniń tárbıelenýshileri merekege oraı «Bir aspan astynda» konsertin daıyndap otyr.
№2 óner mektebinde 30 sáýirden 5 mamyrǵa deıin «Bir shańyraq astynda» oqýshylar jumysynyń kórmesi ashylady. Sondaı-aq, tárbıelenýshiler «Birligimiz jarasqan» konsertine shaqyrady.
Osy kúni «Sharapat» áleýmettik qyzmet kórsetý ortalyǵynda «Bar bereke – birlikte» merekelik konsertin uıymdastyrylady.
30 sáýirde qala boıynsha elordalyq QHA músheleriniń qatysýymen «Dostyq kerýeni» sherýi, ári qaraı fleshmob ótedi.
Qala turǵyndary men qonaqtary úshin ázirlengen is-sharaǵa toly baǵdarlama 1 mamyr kúni de jalǵasady.
Osylaısha, Qazaqstan halqynyń birligi kúnine oraı elordada arnaıy aksııa ótip, onda jurtshylyqqa baýyrsaq taratylady.
M.О́temisuly atyndaǵy Oqýshylar saraıynda merekelik konsert, al Prezıdenttik ortalyqta balalar kórkemsýret mektebi tárbıelenýshileriniń sýretterine arnalǵan kórme kópshilikke usynylady.
EKSPO halyqaralyq kórme ortalyǵynyń aýmaǵynda 1 mamyr merekesi men QHA-nyń 30 jyldyǵyna oraı «Birlik jarysy» jappaı júgirý is-sharasy ótedi. Munda da elordalyq Assambleıanyń shyǵarmashylyq ujymdarynyń konserti, sondaı-aq halyqtyq sport túrleri boıynsha sport jarystary ótedi.
«Jastar» teatrynyń alańynda qonaqtarǵa arnap konserttik baǵdarlama ázirlenip otyr.
Bul kúni «Jastar» saraıynda merekelik konsert uıymdastyrylady. Qonaqtarǵa arnap túrli etnostardyń halyqtyq-qoldanbaly óneri men ulttyq kıimderiniń etnıkalyq kórmesi uıymdastyrylady, al konserttik baǵdarlamada arnaıy shaqyrylǵan juldyzdar óner kórsetedi.
