MYŃNAN TULPAR TARLANDARǴA

Keshe Aqordada Qazaqstan Respýblıkasynyń Memlekettik hatshysy – Syrtqy ister mınıstri Qanat Saýdabaev Qazaqstan Respýblıkasy Prezıdentiniń buqaralyq aqparat quraldary salasyndaǵy syılyqtary men granttaryn tapsyrdy, dep habarlady Qazaqstan Respýblıkasy Prezıdentiniń baspasóz qyzmeti. Qazaqstan Respýblıkasynyń Memlekettik hatshysy – Syrtqy is­ter mınıstri syılyqtardyń laý­reattary men granttardyń ıelerin, sonymen birge Qazaqstannyń bar­lyq jýrnalısterin kásibı mere­ke­men – Baspasóz, televızııa jáne radıo kúnimen quttyqtady. Ol táýel­sizdikti nyǵaıtýda jáne eldegi tu­raq­tylyq pen tatýlyqty ornyq­tyrýda jýrnalıster qaýymynyń erekshe eńbek sińirip júrgenin atap aıtty. Bıylǵy jyly Qazaqstan Res­pýb­lıkasy Prezıdentiniń О́kimimen Qazaqstan Respýblıkasy Prezı­dentiniń syılyqtary “Reseı” tele­arnasynyń “Vestı nedelı” qory­tyn­dy baǵdarlamasynyń júrgizý­shi­si Sergeı Brılevke, “STV” telekompanııasynyń bas dırektory Aıgúl Ishmuhamedovaǵa, “Kórkem fılm” kınostýdııasynyń rejıs­seri Rashıd Súleımenovke berildi. Qazaqstan Respýblıkasy Pre­zı­dentiniń granttaryna “Egemen Qazaqstan” gazetiniń sholýshysy Suń­ǵatolla Álipbaev, “Aıqyn” ga­zetiniń Shyǵys Qazaqstan obly­syn­daǵy menshikti tilshisi Mıra Berikbolova, “KTK” telearnasy­nyń menshikti habarlaryn taratý dırektory Artýr Platonov jáne “Kostanaıskıe novostı” gazetiniń shyǵarmashylyq ujymy ıe boldy. Saltanatty rásim barysynda, sondaı-aq Qazaqstan Respýblıkasy Prezıdentiniń Alǵysy “Dıalog Evrazıı” halyqaralyq jýrnaly­nyń jetekshi sholýshysy Salıh Ak­chaıǵa, “Qazaqparat” aqparattyq agent­tiginiń jetekshi sholýshysy Ken­jebolat Joldybaıǵa, “Kazah­stanskaıa pravda” gazetiniń tilshisi Vla­dımır Kýrıatovke, Qazaq radıo­synyń “Men qazaqpyn!” baǵdarla­ma­synyń shyǵarmashylyq ujymy­na jáne “Habar-jer” televızııalyq baǵdarlamasynyń shyǵarmashylyq ujymyna jarııalandy. – Búginde BAQ azamattyq qo­ǵamnyń negizgi ınstıtýttarynyń biri. Qazir biz damýdyń tarıhı keze­ńine kóshtik. Elimiz Qazaqstannyń Tuńǵysh Prezıdenti – Ult kósh­bas­shysynyń dana basshylyǵymen jańa onjyldyqqa qadam basyp otyr. Bizdiń aldymyzda aýqymdy áleý­mettik-ekonomıkalyq jań­ǵyrý­lardy jasaý mindeti tur. Bul jal­pyulttyq joba. Ol bizge elimiz­diń odan ári damýynyń negizin qa­laýǵa múmkindik beredi, – dedi sal­tanatty rásimde Memlekettik hat­shy­ – Syrtqy ister mınıstri Qanat Saýdabaev. Sýretterdi túsirgender S.BONDARENKO, B.OTARBAEV.