Foto: Turizm jane sport ministrligi
Sporttyq gımnastıka: Kaır (Mysyr) qalasynda Álem kýbogi kezeńinde Mılad Karımı top jardy. Ol erkin jattyǵý fınalynda 14.133 upaı jınady.
Dzıýdo: Taılandtyń Bangkok qalasynda Azııa chempıonatynda qorjynǵa 4 qola medal tústi: Ǵalııa Tynbaeva (48 kg), Sherzod Davlatov (60 kg), Baqyt Qusaqbaeva (57 kg), Maksım Meıirlan (90 kg).
Voleıbol: Fılıppınde áıelder komandalary arasyndaǵy Azııa chempıondar lıgasynda «Jetisý» komandasy fınalda Vetnam klýbyn 3:1 esebimen utyp, jeńimpaz boldy.
Taekvondo: Qytaıdyń Taıan qalasynda President’s Cup – Asian Region týrnırinde otandyq sportshylar 3 medal jeńip aldy. Samırhon Ababakırov (63 kg) kúmis júldeger atansa, Batyrhan Tóleýǵalı (80 kg) jáne Azıza Qarajanova (53 kg) qola júldeger atandy.
Kórkem gımnastıka: Tashkentte Álem kýbogi kezeńinde Qazaqstan komandasy toptyq synda úzdik úshtiktiń qataryna endi. Komanda quramynda Jasmın Iýnýsbaeva, Aızere Keńes, Aıda Hákimjanova, Madına Myrzabaı, Aızere Nurmaǵambetova bar.
Velosport: Qytaıda velotrekten Hong Kong International Track Cup týrnırinde Qazaqstan veloshabandozdary 2 kúmis pen 1 qola medal enshiledi.
