Foto: QR Ulttyq ulany
QR IIM Ulttyq ulanynyń 6637 áskerı bóliminiń sarbazdary Tótenshe jaǵdaılar departamentiniń mamandarymen birge bógetti bekitý jumystaryn júrgizip jatyr. Tabıǵı apattyń aldyn alý úshin 500-den astam ınertti materıal salynǵan qaptar daıyndalyp, sýdyń jaıylýyna bóget jasaý úshin qoldanylǵan.
«Aıta ketý kerek, bul ýchaskede áskerı qyzmetshiler táýlik boıy jumys istep jatyr. Ulandyqtar jaǵdaıdyń ózgerýine baılanysty shuǵyl áreket etip, eldi meken men jergilikti turǵyndardyń múlkin qorǵaý sharalaryn qabyldady», dep habarlady Ulttyq ulannyń baspasóz qyzmeti.
Buǵan deıin Teplıchnoe aýylynda bógetti nyǵaıtý úshin 1000-nan astam Ulttyq ulan áskerı qyzmetshileri jumyldyrylǵan bolatyn. Bul jumystardyń barlyǵy bógettiń bekitilýine jáne tabıǵı apattyń aldyn alýǵa baǵyttalǵan.
