Senbilikte oblys ákimi Beıbit Isabaev, memlekettik jáne bıýdjettik sala qyzmetkerleri, eńbek ujymdary, qoǵamdyq uıymdar, aýyldar men qalalardyń turǵyndary boldy. Tazalyq sharasynda oblys aýmaǵyndaǵy eldi mekender túgel qamtylyp, kóshelerdiń boıynda, saıabaq, skver, alleıalarda sanıtarlyq tazalaý jumystary júrgizildi.
Jalpy osy kúni oblys boıynsha senbilikke 11 490 adam, 66 tehnıka jumyldyrylyp, 788 tonna qoqys shyǵaryldy.
- Búgin senbilikte Taldyqorǵandaǵy Nazarbaev kóshesiniń boıynda Qaratal ózeniniń mańyn tazarttyq. Ár senbide ótkiziletin mundaı sharalar qala tazalyǵyna, ekologııalyq mádenıetimizdi qalyptastyrýǵa óziniń jaqsy áserin tıgizedi dep oılaımyn. Oǵan qosa senbi kúnderi otbasy múshelerimen birge óz turǵyn úıimizdiń mańaıyn tazalaýdy da turaqty dástúrge aınaldyrdyq. Jalpy mundaı senbilikter qorshaǵan orta úshin de, turǵyndardyń ózi úshin de paıdaly ekenin uǵynyp, árqaısymyz da úles qosýymyz kerek, - deıdi qala turǵyny Marjan Serikbaeva.
Kóktemgi tazalyq sharalarymen qatar bul kúni kógaldandyrýǵa da kóńil bólindi. Jalpy bıyl 120 myń kóshet otyrǵyzý josparlanǵan, sonyń ishinde búgin «Bárimiz birge» aksııasynyń aıasynda 1 360 aǵash otyrǵyzyldy, sonyń 1 160-y japyraqty, 200-i - qylqan japyraqty.
