Foto: Polisia.kz
«Bizdiń jumys tek tártipti baqylaý ǵana emes, azamattardyń ómirden túńilip ketpeı, qoǵamǵa qaıta sińisip ketýine kómektesý. Kásip ashýǵa, jumysqa ornalasýǵa, medısınalyq kómek pen zańgerlik keńes alýǵa múmkindik jasaý» deıdi Jezqazǵan qalalyq probasııa qyzmetiniń bastyǵy G.Balmamedov.
Jıyn barysynda jazasyn óteýshilerge qysqa merzimdi oqý kýrstary, qaıtarymsyz granttar, oblys ákiminiń kvotasy arqyly turaqty jumysqa ornalasý joldary túsindirildi.
Oblystyq eńbek mobıldiligi ortalyǵynyń dırektory Aıdar Qoıshybaevtyń aıtýynsha jazalylar qylmysyn qaıtalamas úshin jáne túrmege túspes úshin jumyspen qamtýǵa qareket jasalyp, mamandyǵy bolmaǵan jaǵdaıda qysqa merzimdi kásiptik oqýlarǵa jiberiledi. Áleýmettik osal toptaǵy jandarǵa 1,5 mln. teńgeni quraıtyn qaıtarymsyz grant bar. Buǵan múgedektigi bar, az qamtylǵan otbasy, kóp balalaly ana, áke, erekshe bala tárbıelep otyrǵan kisiler qatysa alady.
Jıynda prokýratýra ókilderi probasııa qyzmeti Jumyspen qamtý ortalyǵymen birlesip jumys isteý qajettigin jáne jasalǵan jumys qorytyndysyn resmı statıstıkamen naqty kórsetýdi usyndy.
Ulytaý oblysy
