Beıimdelgen nysandardyń qatarynda 137 densaýlyq saqtaý, 425 bilim berý, 91 mádenıet, 106 memlekettik jáne kvazımemlekettik uıymdar, 25 sport, 11 áleýmettik qorǵaý, 10 saýda jáne qyzmet kórsetý oryndary jáne 2 kólik ınfraqurylymy nysany bar.
Inklıýzıvti saıasatty damytý úshin el kóleminde 2025-2030 jyldarǵa arnalǵan tujyrymdama, «Amanat» partııasynyń jol kartasy jáne «Halyqpen birge» jobasy iske asyrylýda. 2023-2027 jyldar aralyǵynda ınteraktıvti qoljetimdilik kartasyna engizilgen 42 myńnan astam nysandy beıimdeý kózdelgen, onyń ishinde jyl saıyn 20%-dan beıimdelip otyrý tıis. Qazirgi tańda respýblıka boıynsha 22 980 nysan tolyq beıimdeldi.
Taldyqorǵan turǵyny, birinshi toptaǵy múgedektigi bar Vadım Drýzınniń aıtýynsha, azamattardyń ótinishinen keıin birqatar ǵımarattarda qoljetimdilik aıtarlyqtaı jaqsarǵan.
Sonymen qatar, 2025 jyldan bastap Halyqty áleýmettik qorǵaý salasyndaǵy retteý jáne baqylaý komıtetiniń oblystyq departamenti áleýmettik ınfraqurylym nysandaryna tekserýler júrgizýde. Bıylǵy jyly 10 tekserý ótkizilip, 6 uıǵarym men 8 ákimshilik aıyppul salyndy. Alǵash anyqtalǵan buzýshylyqtar boıynsha aıyppul salynbaı, aldymen eskertý jasalatyny da atap ótildi.
