Atalǵan bastama – Qazaqstan halqy Assambleıasynyń mereıtoıymen tuspa-tus kelip otyr. 30 jyl boıy etnosaralyq tatýlyq pen qoǵamdyq kelisimdi saqtaýda mańyzdy ról atqaryp kele jatqan QHA-nyń XXXIV sessııasynda Memleket basshysy ultaralyq kelisim men turaqtylyqty nyǵaıtý – memlekettik saıasattyń basty baǵyttarynyń biri bolyp qala beretinin atap aıtqany málim. Atalǵan mıssııany jalǵastyra otyryp, Memlekettik basqarý akademııasy «О́zgerister keńsesi» men Elektoraldyq oqytý ortalyǵynyń bastamasymen tildik ári mádenı bastamalarǵa uıytqy bolyp otyr.
Joba sheńberinde Akademııanyń qyzmetkerleri men magıstranttary, sondaı-aq Memlekettik qyzmet isteri agenttiginiń ókilderi túrik tiliniń bastapqy deńgeıin eki jarym aı ishinde qazaq tili arqyly meńgerip jatyr, ereksheligi – oqytý tili retinde memlekettik tildiń qoldanylýy.
Joba alǵashqy nátıjesin de berdi. Naqty aıtqanda sáýir aıynda Akademııanyń magıstranttar toby Ankarada taǵylymdamadan ótti. Olar túrik tilinde erkin sóılesip, oqý barysynda alǵan bilimderin tájirıbede qoldana aldy.
«Akademııanyń Elektoraldyq oqytý ortalyǵy uıymdastyrǵan bul joba biz úshin úlken múmkindik boldy. Bar bolǵany birneshe aptanyń ishinde A1 deńgeıin meńgerip, alǵan bilimimizdi Túrkııada sátti qoldandyq. Uıymdastyrýshylarǵa alǵysymyz sheksiz», deıdi magıstrant Ásel Bóken.
Al, Memlekettik basqarý akademııasynyń magıstranty Qulshar Qalybektiń aıtýynsha, til kýrsynan alǵan bilimderi Ankarada túrik azamattarymen erkin sóılesýge jol ashqany – úlken jetistik.
Aıta ketken jón, Prezıdent janyndaǵy Memlekettik basqarý akademııasy – eldiń erteńin aıqyndaıtyn memlekettik basqarý salasynyń kóshbasshylaryna bilim beretin erekshe mártebeli oqý orny. Al kóp til bilý – qazirgi zaman basshysy úshin qajettilik.
Atalǵan akademııanyń magıstrantýra jáne doktorantýra bilim baǵdarlamalaryna oqýǵa qujat qabyldaý osy jyldyń 1 sáýirinen 25 maýsymyna deıin jalǵasady.
