Mınskidegi kelissóz júrip jatqanyna jarty táýlikten asty

ASTANA. 12 aqpan. Mınskide «normand tórttigi» lıderleriniń kelissóz júrgizip jatqandaryna 12 saǵattan asyp ketti. Bul týraly RIA «Novostı» habarlady. Belarýs astanasyndaǵy Táýelsizdik saraıynda Reseı, Ýkraına, Fransııa jáne Germanııa memleketteriniń lıderleri Ýkraınadaǵy daǵdarysty retteý máselesi boıynsha ózara kelissóz júrgizip jatyr. Memleket basshylary bul kezdesýdi keshe keshke Máskeý ýaqytymen 20:15 saǵatta shaǵyn sheńberde bastady. Arda eki saǵat ótkennen keıin olar birge sýretke túsý úshin tysqa shyqta da, qaıtadan kelissózdi jalǵastyrdy. Kelissóz biróńkeı «normand formatynda» ótip jatqan joq. Lıderler arasynda birer mınýtqa syrtqa shyǵyp, telefon arqyly sóılesip turdy. BAQ málimetterine qaraǵanda, kelissóz bitkennen keıin oǵan qatysýshy memleketter basshylary jýrnalıster aldynda tek óz málimdemelerin jetkizip qana qoıa salatyn sııaqty. Munda olar eshqandaı suraqtarǵa jaýap bermeıdi. Sáken Maılybaı. Derek, foto: RIA «Novostı».