Foto: Mádenıet jáne aqparat mınıstrligi
Joba aıasynda qazaq ádebıetiniń maıdanger ókilderiniń tańdaýly týyndylary dybystalǵan. Tyńdaýshylar endi Baýyrjan Momyshulynyń «Moskva úshin shaıqas», Ádı Sháripovtiń «Partızan qyzy», Dıhan Ábilovtiń «Maıdanbek», Kemel Toqaevtyń «Soldat soǵysqa ketti», Qasym Amanjolovtyń «Aqyn ólimi týraly ańyz», Taıyr Jarokovtyń «Zoıa týraly jyr», Tahaýı Ahtanovtyń «Qaharly kúnder» jáne Ábý Sársenbaevtyń «Aqsha bult» sekildi shyǵarmalaryn kásibı dıktorlardyń oryndaýynda tyńdaı alady.
Sondaı-aq, Ábdijámil Nurpeıisovtiń «Kútken kún» jáne Qasym Qaısenovtiń «Partızan soqpaqtary» atty týyndylary da aýdıoformatta daıyndalyp jatyr.
Aýdıojazbalardy Qazaqstan Ulttyq elektrondy kitaphanasy arqyly erkin tyńdaýǵa bolady. Shyǵarmalardy tanymal dıktorlar — Marat Bolatuly, Qaırat Ahmetjanov, Shyńǵys Úrkimbaev, Bekzat Sabyr, Bekzat Seıitmamytuly jáne Baǵdat Bekmaǵambetov dybystaǵan.
Mınıstrliktiń habarlaýynsha, bul bastama – maıdanger qalamgerlerdiń ult rýhanııatyna qosqan zor úlesin ulyqtap, jastardyń tarıhı sanasy men patrıottyq rýhyn nyǵaıtýǵa baǵyttalǵan.
