Ońtústik Koreıada merziminen buryn ótetin prezıdenttik saılaý 3 maýsymǵa belgilendi. Bul saılaý eldiń burynǵy basshysy Iýn Sok Iolge jarııalanǵan ımpıchmentke baılanysty ótkizilmek. Osyǵan baılanysty premer-mınıstr ári prezıdenttiń mindetin ýaqytsha atqarýshy Han Dok Sý qyzmetinen ketip, saılaýǵa qatysatynyn málimdemek.
Han Dok Sýdyń ornyna eldiń qarjy mınıstri jáne ekonomıkalyq máseleler boıynsha premer-mınıstrdiń orynbasary Chhve San Mok prezıdenttiń ýaqytsha mindetin atqarady.
Han Dok Sý bul sheshimin halyqqa úndeýinde málimdep, birneshe apta boıy jalǵasqan alyp-qashpa sózderge núkte qoıdy. Ol prezıdent Iýn Sok Iol jeltoqsan aıynda áskerı tótenshe jaǵdaı engizgeni úshin bılikten shettetilgennen keıin, Halyq bıligi partııasynyń yqtımal kandıdaty retinde qarastyrylǵan edi.
«Meniń aldymda eki jol tur. Biri — qazirgi mindetterimdi sońyna deıin atqarý, ekinshisi — qyzmetten ketip, odan da úlken jaýapkershilik alý. Men sheshim qabyldadym. Qyzmetimdi tastap, alda turǵan daǵdarysty eńserýge bar kúshimdi salýǵa bel býdym», dep qosty Han Dok Sý.
Eske sala keteıik, 4 sáýir kúni Ońtústik Koreıanyń Konstıtýsııalyq soty Iýn Sok Iolge qatysty ımpıchmentti maquldady.
