Bul ıgi sharaǵa bastamashy bolǵan – kýrsanttar men sarbazdardyń ózderi. Ardagerge qurmet kórsetý ıdeıasyn Akademııa basshylyǵy men áskerı bólim qoldady.
98 jastaǵy maıdangerdiń úıiniń aldynda eseptik top saptyq sherýmen júrip ótti. Olardy áskerı orkestr súıemeldedi. Maıdanda tankıst bolǵan qarııa jastarǵa soǵys jyldarynyń surapyl tustaryn aıtyp berdi.
– Ulttyq ulannyń áskerı qyzmetshilerine elep-eskergenderi úshin alǵys bildiremin. Aspanymyz ashyq, elimiz tynysh bolsyn. Eń bastysy – soǵys ataýly bolmasyn, – dedi maıdanger.
Fıodor Sheglov urysqa Kıonıgsberg qalasynda qosylǵan. Al Palaýda ótken qandy qyrǵynda qarýlastarynan aıyrylýdyń qandaı ekenin bastan keshti. Onyń jaýyngerlik joryqtaǵy erlikteri de eleýsiz qalmady. II dárejeli Otan soǵysy ordenimen, «Japonııany jeńgeni úshin» medalimen marapattalǵan.
Aıta keteıik, quqyqtyq tártip áskeri «Jeńiske júz kún qalǵanda» aksııasy aıasynda sarbazdardyń qatysýymen túrli is-sharalar ótkizip keledi.
