ASTANA. 12 aqpan. Gonkongta jańadan týǵan qyz balanyń ishinde eki ul balanyń embrıony bar ekeni anyqtaldy. Bul týraly Live Science basylymyna silteme jasaǵan Tengrinews.kz tilshisi habarlady. Náresteni qaraǵan gınekologtar basynda týǵan sábıdiń ishinde isik bar dep kúdiktengen. Sondyqtan ol dárigerdiń qatań baqylaýyna alynǵan. Artynan júrgizilgen ýltradybystyq tekserý qorytyndysy sharananyń qarnynda bógde zattardyń baryna kóz jetkizdiredi. Al týǵanyna úsh apta bolǵan qyz balaǵa operasııa jasaý kezinde onyń baýyry men búıregi arasynan eki tıtteı shaqalaq tabylǵan. Biriniń salmaǵy - 9,3 gramm, ekinshisi - 14,2 gramm bolǵan. Bylaısha aıtqanda, olar júktiliktiń segizinshi jáne onynshy aptasyna kelgen. Náresteniń kindigi qyzdyń ishindegi plasenta tárizdi massaǵa jalǵanypty. Embrıonnyń ishinde embrıonnyń bolýy ortasha eseppen jarty mıllıon júktilik jaǵdaıynda bir ret kezdesedi eken. Ǵalymdar arasynda onyń paıda bolý sebebi jóninde ár alýan pikirler bar. Dúnıejúzilik densaýlyq saqtaý uıymy náresteniń qursaǵyndaǵy uryq isiktiń bir túri dep eseptese, Gonkong dárigerleri kishkentaı pasıent júkti emes, anasynyń júktiligi barysynda onyń aǵzasyna belgisiz sebeppen qursaqtas qos syńary enip ketken degenge kelip otyr. Qazirgi zamanǵy medısına tarıhynda mundaı jaǵdaı barlyǵy 200 ret tirkelgen. Murat Aıtqoja. Derek, sýret: Tengrinews.kz.
