Foto: Oqý-aǵartý mınıstrligi
Oqýshylar robotqa «Jalyn» dep at qoıǵan. Sý arnalarynda qoqys jınalýynyń aldyn alatyn robotty oqýshylar ekologııa, ınjenerııa jáne robototehnıka sabaqtarynda alǵan bilimderi boıynsha qurastyrǵan.
Oqý-aǵartý mınıstrliginiń málimdeýinshe, olar ıdeıadan bastap iske asyrýǵa deıingi barlyq kezeńdi ózderi oryndap, mehanıkalyq tazartý qaǵıdalaryn jáne baǵdarlamalaýdyń negizderin zerttegen.
«Bizge bul ıdeıa Prezıdentimizdiń «Taza Qazaqstan» bastamasynyń arqasynda keldi. Robotymyz týǵan aýylymyzda tazalyqty saqtaýǵa kómektesse deımiz. Al bolashaqta qoqysty jınap qana qoımaı, ony suryptaı alatyn mını-robot jasaýdy josparlap otyrmyz», deıdi oqýshylar.
Bul joba 2024 jylǵy FIRST Championship aımaqtyq kezeńinde joǵary baǵalanyp, úzdik ondyqqa engen. Sondaı-aq áleýmettik máselelerdi sheshýge qosqan úlesi, jańashyldyǵy men komandalyq jumysy úshin Core Values Winner nomınasııasynda marapatqa ıe bolǵan.
