Jınalǵan qaýym ortalyq alańda ornatylǵan eńseli sahnadaǵy keń ekrannan Astana qalasyndaǵy áskerı paradtyń ashylý saltanatyn tamashalap, Memleket basshysynyń quttyqtaýyn tikeleı efırde tyńdady. Memleket basshysy qazaqstandyqtardy merekemen quttyqtap, eldegi beıbitshilik pen qaýipsizdikti qamtamasyz etýdegi Qarýly Kúshterdiń mańyzyn atap ótti.
Is-shara barysynda Almaty oblysynyń ákimi Marat Sultanǵazıev quttyqtaý sóz sóıledi. Ol Prezıdenttiń tapsyrmasymen elimizdiń Qarýly Kúshterinde júıeli jańǵyrtý júrgizilip jatqanyn atap ótti.
«Memleket basshysynyń tapsyrmasyna sáıkes Qazaqstan Respýblıkasynyń Qarýly Kúshteri jańǵyrý ústinde. Olar ulttyq qaýipsizdiktiń kepiline, qoǵamnyń tiregine aınalýda. Bizdiń Otan qorǵaýshylarymyz tek shekarany kúzetip qana qoımaı, azamattyq kelisimdi nyǵaıtýǵa jáne jastardy otansúıgishtikke tárbıeleýge zor úles qosyp keledi», – dedi óńir basshysy.
Merekelik shara aıasynda marapattaý rásimi ótti. Almaty oblysy ákiminiń atynan Qonaev garnızonynyń jáne Ulttyq ulannyń jıyrma shaqty áskerı qyzmetshisine alǵys hattar tabystaldy. Marapattalǵandar arasynda polkovnık Jeńisjan Baıjan, podpolkovnıkter Danııar Mamenov pen Berik Elikbaev, gvardııa maıory Darhan Jánsikbaev, maıor Nurlan Ojarov, leıtenant Laýra Bekbolatova jáne serjant Eldos Qarbozov pen ózge de qyzmetkerler bar.
Merekelik kóńil kúıdi shyǵarmashylyq ujymdardyń qatysýymen ótken konserttik baǵdarlama jalǵastyryp, is-sharaǵa erekshe sán men jylýlyq syılady.
Sonymen qatar, №20030 áskerı bólim aýmaǵynda zamanaýı áskerı tehnıka kórmesi uıymdastyryldy. Oblys ákimi bólimniń materıaldyq-tehnıkalyq bazasymen tanysyp, jeke qurammen áńgimelesip, bólimniń jabdyqtalý deńgeıine joǵary baǵa berdi.
Qonaev qalasynda ótken Otan qorǵaýshy kúni birlik pen el tynyshtyǵyn kúzetken jandarǵa degen qurmet rýhynda ótti. Merekelik sharalar armııa men halyq arasyndaǵy baılanysty nyǵaıtýdyń – Qazaqstannyń ornyqty damýynyń kepili ekenin taǵy bir márte kórsetti.
Almaty oblysy.
