Foto: gov.kz
Ivan Povoroznıýk 1921 jyly Qostanaı oblysy Vvedenskıı aýdany Aleshınka aýylynda dúnıege kelgen. Ol 1941 jyly sáýirde áskerge shaqyrylyp, 1942 jyldyń naýryzynan beri habarsyz ketti. Tek birneshe onjyldyqtardan keıin ǵana norvegııalyq zertteýshiler men Qazaqstannyń Norvegııadaǵy Elshiliginiń kúsh-jigeriniń arqasynda onyń taǵdyry men qaza tapqan jeri anyqtalǵan.
Memorıal jergilikti turǵyn Per-Kore Holdal basqarǵan toptyń bastamasymen jáne Qazaqstannyń Norvegııadaǵy Elshiliginiń belsendi qatysýymen salyndy.
Memorıaldyń ashylý saltanatyna jergilikti bılik basshylyǵy, qoǵam ókilderi, Qazaqstannyń Norvegııadaǵy Elshisi Ádil Tursynov, sondaı-aq qaza tapqan qazaqstandyq jaýyngerdiń týysy – Larısa Kýshnarıova qatysty.
Bul oqıǵa eki el halyqtarynyń arasyndaǵy dostyqtyń taǵy bir dáleli boldy.
Aıta keteıik, Ekinshi dúnıejúzilik soǵys kezinde okkýpasııalanǵan Norvegııadaǵy konslagerlerde 15 myńnan astam keńestik áskerı tutqyndar qaza tapty. Sońǵy jyldary Qazaqstan Elshiligi 1941-1945 jyldary Norvegııada jerlengen 74 qazaqstandyq jaýyngerdiń esimin anyqtady.
